بنت الشرقية تطلب مساعده من بنات جابر(الكويت)

h2004 · 2005-07-30T22:47:05+03:00

السلام عليكم أخواتي ممكن تساعدوني زواجي بعد شهر بإذن الله أبغي أنزل لبلدي الثاني واشتري منه كل شي حتي فستان الزفه بس أبغى أعرف في خياطين يفصلون الملابس في 3 أيام بتقولون متأخره في أني أشترى بس وش أسوى الدنيا مش على كيفي الله يوفقكم أنا ماكتبت إلا أني واثقة من بنات عروس الكويتيات بيساعدون

السلام عليكم ورحمة الله وبركاته
الف الف الف مبروك ياعروستنا والله يوفقج ومن حسن حضج اني انا عروس وخلصت تجهيزي قريب بس للحين ما جهزت نفنوف العرس لان تو الناس اول شي لازم تهتمين بالضروريات الي اهي اول شي لازم تجهزين ملابس للطلعات عند اهل بيت زوجك لان انتي عروس وراح تنعزمين وايد وعندنا بالكويت الله يكثر المجمعات منها الفنار والثريا والمرينا مول والبستان وليلي غاليري ومجمع تالا ومريم وزهره وكل هالمجمعات بتحصلينها بشارع سالم بن مبارك ثاني شي بحولي مجمع المهلب والنقره ومجمع بيروت وبالفحيحيل مجمع كويت ماجيك ومجمع الكوت وفي الكوت بتحصلين محلات تبيع ماركات وتقليد ماركات درجه اولى وثاني الضروريات اهي قمصان النوم وتحصلين محلات وايد بمجمع الايوب في حولي وفي يمه جم محل بمجمع السندس واهم يم بعض وبالمره مري على مجمع بلازا يمهم في شغلات راقيه وحلوه اما بالنسبه للمكياج والعطور عندج في دبنهامز في سوق شرق وعنده جميع الماركات وعندج بعد تناغرا بمجمع الصالحيه وعند تناغرا تلقين احلا المكياجات بس لانهم ماركات اسعارهم غاليه شوي اما بالنسبه لفستان الزفاف دام انج مستعيله انصحج انج تشترين ثوب جاهز لان ماكو محلات تفصل ب 3 ايام وعندج محلات حلوه وراقيه وتبيع بدلات جاهزه وايد حلوه مثلا البوشيه في مجمع الفنار بالسالميه هذا اشهر محل عندنا بالكويت واتمنى اني اكون فدتج وسامحيني على القصور هذا كل الي بذاكرتي اللحين وانشالله راح اسال لج صديقاتي