اكتشفت سر رشاقة الصينيات

والله حبيباتي انا استخدم هالشاي من زمان وطبعا له فوايد كثيرة منها
اذا شربتي 3 اكواب منه يوميا يحرق 400 سعر حراري من الجسم
يهضم الاكل ويخفف الانتفاخ
مطهر للجهاز البولي ومدر للبول
وايضا مفيد للي يعانون من امساك
بالنسبة للطعم جربي تستخدمين ماركة توينجنز بس خذيه مع نعناع تراه منعش وانا دايما اشرب منه وبدون سكر
واللي طعمه يكون قوي دايمان يكون خالي من اي اضافات تقدرين وانتي تغلينه تحطين معاه اوراق نعناع طازجة واتركيه يبرد شوي لانه كل ما برد كل ما خفت المروره انا مجربه هالشي شخصيا
وعلى فكرة تراه وايد زين للي على ويه ولادة
وحدة من اهلي كانت حامل بالسابع وكانت دايما تشربه مع المرمية والنعناع يعني تخلطهم وتغليهم وتشرب لين ما في يوم ياها الطلق ويابت بنوتة.

اما عن استخداماته فهو وايد مفيد للبشرة اللي تعاني من حبوب يعني يستخدم كغسول
واذا ظلت عندج كمية وحسيتي انا ما تنفع للشرب لا تجبينه حطيه برشاش او بخاخ وبخي منه في الجواتي والنعول اللي ريحتها كريهه وخليه لين ما ينشف لانه يموت البكتريا المسببة لهالروائح واذا تعانين من روايح وفطريات بريولج بخيها شاي اخضر وبعد فترة بسيطة بتشوفين الفرق

وايد عيبني الموضوع .................

وانشاء الله اليوم اسير اخذلي شاي اخضر .............

علو عسى يكون ضعفي على ايده...ههههههههههههههههههههه:D2

جزاك الله خير على المعلومة المفيدة جدا

تسلمووو حبيباتي على مروركم وردودكم الحلوه وعسى ان شاء الله الكل يستفيد بالمعلومه اللي بغيت افيدبها كل خواتي

غدورة حبيبتي انا رديت عليج فالخاص

انا بعد دايماً اشربه .. وتعودت على مرارته

وفعلاً له نتايج حلوه على الجسم بالداخل والخارج

تسلمي نزف المشاعر
والله يعطيج العافيه

مــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــا
تقصــــــــــــــــــــــــــــريـــــــــــــــــــــــــــــــــــــــــــــــن

فعلا الشاي الأخضر وايد صحي

شكرا جدا على هذا الموضوع الرائع .. أنا هم أشرب هذا الشاي بس مو كل يوم .. يوم أتذكر اشرب ،، بس الحين راح أداوم عليه :)

مشكووووووووووووووووووووووووووووووووووووووورة ع المعلومة وانشاء الله بستخدمة جان ينفع

أنا أخلط معه نعناع.. يصير طعمه حلوو.. و كوب ورا كووب.. بس ما اقدر الا أحط سكر

ما شاء الله عليكم ..

أشوف الكل متابع الموضوع ..

يالله انشاء الله الكل يستفيد ...

السلام عليكم ورحمة الله وبركاته

فعلا الشاي الاخضر مفيد في نواحي عديده ...

أنا أول مابديت أشربه نزل وزني شوي 3-4 كيلو بس طبعا أنا ماأقصر في الأكل وخاصه الحلى

والحين لما سويت النظام وأشربه مانزل وزني مش عارفه ليش ؟؟

هل في أحتمال ان الجسم تعود عليه وما صار يحرق نفس الكم من السعرات الحراريه ؟؟

ياليت تفيدوني

اكيد ماتقصروا

هلا حبيبتــــــــــــــــي تسلمي على الموضوع بس سؤال ينفع حق الضعاف عشان احافظ على وزني مااريد امتن لاني متنت شوي والكل يقولي اشوفج متنتي :( وانا ما اريـــــــــــــــــــــــــــــــــد امتن اشرب الشاي الاخضر من رايك:)

فعلا الشاى الاخضر ممتاز ...و رائع للكوليسترول و به مزايا عديدة

يسلمو على النصيحة حبيبتي
انا بشرب الشاي الاخضر والنتائج كتير حلوه

نفنف نفنف -عذب القوافي-haya_m -swib
امرأة عابره-جنة العشاق-دمعة حزن_J -خيماويه حتى النخاع
مشكورات عزيزاتي عالمرور
منوله عزيزتي انا انصحج انج ما تتبعين اي نظام كل اللي تسويه انج تخففي من الكميه مع ممارسة رياضه وشرب الشاي الاخضر طبعا:smile:
الاميرة الحلوه انتي جربي وشوفي جسمك وبعدين لا تنسي انه الشاي الاخضر له وايد فوائد
وخبريني بالنتيجه

مشكورة يا عسل

انا عندي شاي لون كرتونة اصفر ماخذتنة من سوق التنين بدبي ياليت الي جربة

تقولي

اتريا ردودكم

اختكم دار زايد 2

تسلمي دار زايد ان شاء الله حد بيفيدج
الله يسلمج احلى نوسه