المصاصة؟؟؟

المصاصه ماتسبب غازات ولا شي

بس مستقبلا تأثر على اسنان الطفل وايد بشكل ماتتصورين وانا صح ماعندي عيال بس اختي صغيره سبع سنوات وادمان على المصاصه طاحن اسنان الحليب والحين اسنانها الاصليه طالعه عوووجاء من قدام والسبب المصاصه بس بسم الله ماشاء الله كيف المصاصه تهدي اعصاب الاطفال بشكل

بس هاللي اعرفه مع التحيه

وان اللي اعرفه انها ما تسبب غازات مثل ما قات اختي فطيم بس تاثر على الاسنان والافضل ما يتعود عليها الياهل

هي ما تسوي غازات

وانا احاول مع ولدي ان يمصها .. لانها تريح احيانا ..

بس للاسف يمصها شوي ويطلعها واحيانا اتلوع جبده من المصاصه

ولدي نفس ولد بجعة

يوم اعطيه اياها لو تشوفين ويهه كيف يختبص تلوع جبده منها احي انه بيزوع الله يعزكم..

وواثبته لها بعد بيدي لين ما يمصها بس يعقها على طول ...

والمصاصة تخرب الاسنان.. غير جي الياهل يتعب من المص

على الصياح والموت والتعب اللي سواه فيني ولدي في صغره . ما فكرت ابدا اخذ له مصاصة!!!

السلام عليكم ورحمة الله وبركاته

بلاش أختي المصاصه...

يعني كلها شهر واللا إثنين و يتعود طفلك على نظام معين...و يبطل يبكي كثير...

لكن لو إعطيتيه المصاصة...راح تعاني معاه علشان تخلي يشيلها...كإنك تفطميه تمام !

انا بنتي عطيتها المصاصة بس كم شهر ما شفتها اثرت عليها
بس اهم شي اني فطمتها عنها قبل لا تقهم ليها يعني ويه الشهر السابع او الثامن

أثبتت الدراسات إن المصاصة تخلي الطفل هاديء ومزاجه أوكي .. وتلهيه عن الصياح ...:cry: أذا كان الطفل صيّاح فأنا أنصح بالمصاصة بس بشكل معقول ... يعني مب اربع وعشرين ساعة المصاصة في حلجه .. :no: وبعدين ما تخلين الطفل يتعود عليها لين السنة الثانية .. يعني من يكمل الطفل سنة أو من تظهر أسنانه تحاولين انج تشيلين عنه المصاصة وبالتدريج ... وبالتوفيق .. :yes:

انا قلت ما ابي اعطي ولدي مصاصه..
بس حالته اجبرتني..

وايد يبجي و ما يسكت الا فيها..
بس احاول ما اخليها بحلجه 24 ساعه..
يعني اذا ساكت و ما فيه شي ما اعطيه الا اذا حمق او اذا كنت احممه او اغير له البامبرز..

فعلا المصاصه لها دور كبير في تهدئه الياهل .. والدليل على ذلك ان ولدي اللي اخذ المصاصه كان هاديء بعكس اخته اللي اكبر منه جننتني من الصياح ، لكن لا تخلينه ايتعود عليها هي بس مفيده في الاشهور الاولى اللي ايحب الطفل فيها المص لمساعدته على النوم بدل ما اتقعدين طول الوقت وانتي معطيته صدرك علشان بس اينام .

موضوع حلو حق النقاش كل وحدة تعطينا رايها في الموضوع واللي فيه الخير يقدمه رب العالمين


انا ولدي عمره سنه ونصف اعطيه بس لما يجي ينام ولما ينام اشيل المصاصه من حلجه واحيانا ما اعطيه ولله الحمد


لانه مش متعود عليها بس اذا شافها يبغيها بعد مو با الطريقه اللي يبجي عشانها الحمدلله يعني يقدر يستغني عنها


كثير مثلا اذا كنا طالعين برع الديرة ما اشيلها وما يصيح يبغيها الحمدلله كل شي على العاده والتعود










وشكرا

انا ولدي عمره سنتين و لين الحين يمص المصاصه..بس مش طول اليوم ... من اشوفه ايدور المصاصه اعرف انه يبا ينام و من ينام اشلها عنه ...

بالعكس اختي المصاصة تقوي عصب مال السنان على حد قول الدكتور
وان عن نفسي بنتي تمصها من يوم كان عمرها شهر للحين والحين عمرها سنة وافكر افطمها عنها هالايام
بس بصراحة المصاصة تريح الام خصوصا اذا كان الطفل كثير البكاء

بسم الله الرحمن الرحيم

وعليكم السلام ورحمة الله وبركاته

كيف الحال إن شاء الله دوم بخير ؟

صج المصاصة ممكن ان يكون منها فائدة بس بشروط ::up:

1- ما تكون 24 ساعة في فم الرضيع لان ذلك قد يؤدي الى صعوبة التنفس .

2- العناية بالمصاصة من ناحية النظافة لان بسرعة تنقل الامراض الى فم الرضيع .

3- عدم العبث فيها في فم طفلك الصغير .

اما عن بداية التسنين الطفل فقد سمعت انه قد يؤدي الى تقديم الا سنان العلوية .