هل اترك حبيبي من اجل ضمه طفل

الله يرزقك اختي بالذريه الصالحه وكل محرومه
اختي والله واحد في العايله عندها اخو صار متزوج ولاعنده عيال ومرت 12 سنه
وطبعا من الدعاء لله الله عطاه
تدرين اول ماعرف ان زوجته حامل قام يصيح ويصيح وسجد لربه وهو يصيح والحين طبعا زوجته ولدت وجابت بنت حلوه وسماها زهره
اسم على مسمى ماشاء الله عليها والان عمرها تقريبا 7 شهور يعني هذي السنه بالذات الله انعم عليه بالذريه
يعني مايؤسوا وظلوا يدعون ويدعون
وانتي رغيرك ان شاء الله ربي يرزقكم واستغفروا الله كثيرا وتصدقوا كثييير ايضا ...

اختي السراج المنير المضئ تأكدي راح ادعي لج وبإذن الواحد الأحد راح تحملين وانا أأيد انج تتبنين في هالفترة منها تشغلين نفسج بالطفل ومنها تكفلين يتيم .. وبإذن الله أجرج عظيم عن رب العالمين

اشوف الاخوات الفاضلات ينصحونك بالتبني اخواتي التبني في الاسلام حرام قولوا تتكفل بطفل او تحتضنه :)

بسم الله الرحمن الرحيم

اعرف وحده تزوجت من انسان تحبه في اول سنواتهم من الزواج ما انجبو اي طفل فلما طولت السالفه راحو يكشفون تخيلي ما في احد منهم مريض وعاشو على امل مقتول وصارو عايشين 35 سنه مع بعض وللحين الله مارزقهم طفل لانهم مكتفين بالحب اللي بدا معاهم كطفل


بس من رايه اذا كان زوجج رجال طيب وتحبينه ليش ما تتبنون طفل صغير يكون عمره اقل من سنه وانشالله تحققين مراج به

بس فالاخير الراي لج

اختي ..
انصحك بأنك ما تتركي زوجك
وتصبرين
والصبر مفتاح الفرج
وان شاء الله تحصلين على الذريه الصالحه
تحياتي .. أنوار

السلام عليكم

اختي القرار بيدج انتي اللي عايشه الوضع نقدر انقولج صبري واحتسبي يمكن هالزوج رحمه من الله بدل ما تروحين لغيره و يعاملج معامله سيئه او حتى لو كان زين يمكن ربنا يرزقج باطفال ما يرحمونج في كبرج ....... ونقدر انقولج انتي لج الحق بالحلم بطفل و سماع كلمة يمة


لكن

بقرارة نفسج تتخيلين انه هالطفل من زوج ثاني ؟



اسال العلي القدير ان يرزقج من حيث لا تحتسبين اكثري الدعاء واللي يقولج مافي امل اذكري انه الامل كله من الله لكن اطرقي ابواب السماء بالدعاء وان شالله ما بنساج من دعائي


اختج رومانسية

السلام عليكم
اختي الحبيبه مادام ربي انعم عليك بالزوج الصالح و ماهو مقصر معاكي و يحبك و تحبينه ليش تخسرين كل هالأشياء الكويسه احمدي ربك و ادعيه وهاذا ابتلاء من الله .. و الله اذا احب عبده ابتلاه و الله يوفقك
فيه حل جائز و ييوفر لك اللي انتي تبين ليش ما تروحين جمعيه خيريه او ملجاء و تاخذين طفل معروف الوالدين بس يتيم و اذا كان بنت تخلين احد من اخوات زوجك ترضعها عشان يصلح تعيش معكم و اذا كان ولد خلي احد من خواتك او زوجات اخوانك ترضعه .. و طبعا الطفل يسمى باسم اهله الأصليين .. انا اعرف كم وحده جايبه اطفال من ملاجئ
ادري انه ما راح يكون زي فرخة الضنى بس فيها اجر كبير و تفريغ امومه
ارجو ان اكون افدتك

الموضوع صعب صعب وايد وايد وايد..

انصحج بكثرة الاستغفار....

استخيري الله في اي شي انتي محتارة فيه.. استخيري استخارة صادقة..


الوحدة ممكن تتطلق من زوجها المحب عشان الضنا وما تنجب!!!!! لا الله مو مقدر لها تنجب!!!
ممكن تنجب ويصير الابناء عاقين..

ممكن تتزوج من غيره وتنجب وتكون دنياها جحيم مع الزوج الاخر


وممكن بعد انها تضحي بالضنا ويطلع الزوج الاول خسيس ويلعب او يتزوج عليها مثلا فتكون هي الخسرانة من الجهتين!!!


انا ما اظلم احد او ابث الشك في نفسج!!
انا بس احط اكبر عدد ممكن من الاحتمالات..


استخيري ربج.. محد يعرف مصلحتج والخير وين فيه لج الا هو!!


ان شاالله اكون افدتج

تمسكي بزوووجج لنه هو ماله ذنب .... راح وتعالج وسوااا كل شيء يقدر علييييه لكن هذي ارادة ربج ......

نصيحتي لك لا تتركيه دامه يحبك

واذا على الاطفال دام ربك موجود راح تصيري ام وتفرحي فيهم

عليك بس بالدعـــــــــــاء والاستغفار هذا اهم شي وتصدقي

وربي راح يكرمك باذن الله

الله يكون بعونك حبيبتي ويصبرك ويرزقك بطفل تفرحي فيه
البنات قبلي ما قصرو ونصحوكي تبقي مع زوجك
الموضوع صعب كتييييييير والقرار لازم يكون قرارك ونابع من داخلك
وانا مع الاخت new 3roos بكل شي قالته يعني فكري بالموضوع
من جميع جهاته والله يقدرلك الخير ويرزقك بالذريه الصالحه

اختي الحبيبة انا اول مرة اشارك في المنتدى لاني يوم من الايام كنت في مثل هلوضع ولازلت انا في النهاية اخترت زوجي لاسباب وايد انا كل الي اقدر اقولج اياه اللة اعينج على الى ياي اذا احتجت لاخت تدري شو يعني انك اتعيش حياتك بدون همسة طفل باقي عمرك طرشيلي على الخاص

ليش تتركينه انتي ضامنه الزوج الثاني اييج ؟؟ وضامنه انه بيحبج وبيقدرج وانتي بتحبينه ؟؟ مممممم ماعرف شو اقوولج بس لاتفكرين بانانيه يا حبيبتي دام انكم تحبوون بعض خلااص عيشوا على هالحب ترى وااايد حريم عندهم عياال بس يدورون الحب وراحة البال .. احمدي ربج على اللي انتي فيه ودام انكم تزوجتوا عن حب كملوا حياتكم لاتخلين هالشي يفرق لانه هذا اللي الله كاتبنه ومحد يقدر يغير شي .. وهذا ابتلاء
سامحيني اذا ضايقتج

لا لا تتركيه لا تكونين انانيه والدكاتره مب رب العالمين يحكمون خلي ايمانج بالله قوي وتوكلي عليه واكثري من قيام الليل انتي وزوجج وانشالله رب العالمين يرزقج بريماس و عبد العزيز

عليك بالدعاء إختي الكريمه

فالدعاء يرد القضاء

وإن شاء الله ربي سيعوضك خير وانتي ما تعلمين يمكن في هالشيء خير لكي في دنياكي واخرتك

عليك بالدعاء اختي الكريمه

الله يرزقك ويعوضك صبرك خير ونسمع عنك كل اخبار تسرك

وفي النهايه

سفيرة فوق العاده

الله يرزقش إن شاء الله عاجل غير آجل....

Dear it what so hard to read what u wrote and i felt sthg sad in my heart , especially i am going to get married and all z time dreaing about a child who calls me Mama ! this is what God wants ! so i want to tell u just have faith in god !! god loves u

الله يرزقك الذريه الصالحه ان شالله ويوفقك مع زوجك ياررررب

حبيبتي تاثرت كثير ونزلت دموعي

انا اقولك مثل باقي البنات لا تتركين زوجك والله مستحيل ينسى عبده

انا بنت عمي ظلت 13 سنه من غير اطفال لين ماربي رزقها توأم بنات الحين بخلصون اول سنه من عمرهم

واعرف بنات كثير سبب عدم الانجاب ازواجهم لكنهم ماتركوهم ولا تخلو عنهم لدرجه انه وحده من قريباتي
زوجها بعد عنده ضعف شديد تطلقت من زوجها بعد 8 سنوات زواج ماقدرت لا هو ولاهي يعيشون من غير
بعض ورجعو لبعض بعد 6 شهور

وانشاء الله ربي بعوض صبرك الخير وبيرزقك الذريه الصالحه

حبيبتي اشعر بك والله ، ربنا يهب لكما من الذرية الصالحة ذكورا واناثا، بس عاوزة اقوللك لو اطلعتم على الغيب لاخترتم الواقع، وربنا وحد يعلم الخير فين، لو عاوزة رأي استخيري مرة واثنين وثلاثة وشوفي ايه اللي هيحصل، ده حقك انك تكوني أم بس ممكن تكوني أم لطفل من أب جاحد وزوج غبي يقرفك في حياتك وتتمني انك لا خلفتي وتزوجتي اصلا،

عموما استخيري زى ما قلت لك وربنا عنده خير كثير ادعي بس ياما ناس ما كانش في أمل وربنا رزقهم