بنات منو اتدلني على هالسرير (صورة)

عروس اللولو وينج وشو اخبارج ... اتريا تخبرينا عن نبض البيبي الله يخليه

اولا اختي انا ما انصحج تسيرين عند نجاريين لان مب الكل شغله نظيف و حلو


اختي روحي شوفي محلات الاطفال يمكن تحصلين ديزانات ايدد و احلى، على فكرة انا افضل الحديد لان باجر لا كبر النونو ( الله يخليه لج) و ظهرت له ضروس بيبدا يقرض فالخشب

و اسمحيلي




و السلام ختام:cool:

انا شفته في شيكو ,,, وعنده وووايد

بسم الله الرحمن الرحيم

السلام عليكم ورحمة الله وبركاته

أختي في سراير خشب روعة في Premaman اللي في برجمان بجانب JC PENNY سيري شيكي انشاالله تحصلين شي مناسب.

في مركز الشاطي ف جميرا عندهم تشكيله روعه روعه ويمكن احلى من الي في الصوره

هلا والله بنات

اسمحولي أنا ما انتبهت انه الموضوع بعد حي يرزق :)

بجعة بالعافية عليج الأغراض .. و مشكورة على السؤال

الحمد الله النبض زين .. و كل شي تمام .. ربي يتمم على خير

شخبار حمودي الكتكوت .. فديته الله يحفظه

*********

فتاة البحرين .. مشكورة على ردج بس شي اسمه نجار .. مول ما أثق فيهم .. و مهما كان النجار زين ... ما أقدر أثق فيه و لا بنوعية الخشب و الصبغ اللي عنده

لأن مب متخصص بأثاث الأطفال

و تسلمين مرة ثانية

********************

زنبقة الربيع

هذا يدل على ذوقج الحلو ... بس يا ريت حصلته .. ما حصلته للأسف ..كان مخلص من عندهم .. والشركة ما اتوصل إلا بالجملة
مالت عليهم :)

أنا بعد أشوف الناس اتسوي و غيره .. و أنا و لا سويت شي .. بس خذت أغراض للياهل الأساسية و جهزت غرفة لي ابيت أهلي عقب ما احتلوا غرفتي الجديمة

قلت يالله بتريا الهدايا .. طماعة أنا

*************************

لونلي

أنا وياج بهالموضوع طبعا

أنا شفت الحديد .. موديل واحد بس .. ما خليت مكان ما درت فيه بدبي ..ماشي .. غير هالواحد و كان سعره فوق 3000 و موديل عادي .. فخذت خشب

بعدين شو عنده الياهل مستوي فار يقرض بالسرير .. أنا أشوف سرير ولد أختي مقروضه أطرافه
الله يعين .. بس ما اتحسين انه الحديد بارد بالشتاء و حار بالصيف

*********************

جنفر .. وين فرع شيكو عندكم في قطر ..لأن ريلي عنده أهل بقطر .. خله اييبون لنا منه

بس انتي متأكده انه نفس الموديل بالضبط

مب اتفشليني وياهم .. يا ويلج

********************

ليلى 2005

اللفى الياية في برحمان عندهم أنا مطيحة ان شاء الله

بس على كثر لفاتي عندهم ما شفت هالمحل


عمياء عافان الله
تسلمين اختي

********************
توتة العنكبوتة

هالمحل حافظ ويهي من قبل ما أحمل حتى ... بس التشكيلة اللي عنده ما عجبتني .. اللي في الكتالوج عنده أروع و مو راضي اييبها .. الله يخسه من هندي ..أذواقهم لوعة جبد

اتصدقين انه بيبي شوب الواحة كان يايب تشكيلات من نفس الماركة على 1100 و 1000 ريال من ثلاث أسابيع .. و أنا رحت له من كم يوم و لا موديل واحد باجي .. كلهم مخلصين .. و المحل أذكر أسعاره على 2000 و فوق

حتى أنا عيبني واحد بس كان يايب الدرجة الغامجة .. قلت له ابغي الفاتحة قالي تعالي عقب كم يوم .. و لا رحت ..أحين لما أروح مخلص