بنات البحرين

Happy Moon 21-07-2005 17 رد 2,066 مشاهدة
H
السلام عليكم ورحمة الله وبركاته ,,,

حبيت استشيركم في كم شغلة لقرب موعد خطوبتي....

أول شغلة بغيت سفرة عجم جاهزة بالحلاوة والاغراض والاكل كامل في وين الاقي ؟ وكم السعر تقريبا؟ واي افضل اسويها في البيت لو اخذها جاهزة؟

ثاني شغلة بغيت فستان خطوبة حلو وابي اني اول وحده البسه يعني ما ابي ملبوس وين الاقي ارقى المحلات اللي اسوي بموديلات حلوة خصوصا اني قصيرة ودبدوب ابي شئ يناسب جسمي وكم التكلفة تقريبا؟

وعندي استفسار بخصوص السعودية سمعت ان في مكان متخصص في بيع الاقمشة والفساتين في الخبر ... اللي راحوا يسوى الواحد يروح ( يعني في فرق في السعر ) لو الفرق شئ بسيط ؟

ومشكورين مقدما واذا احتجت اي شئ ادري ما بتقصرون معاي ...

مع السلامة
ذ
هلا اختي

فساتين تصميم حلو على ذوقج وايجار حق اول لبسة تحصلينه في البديع اسمه ليدي مون

اعتقد اول لبسة ايجار 350 دينار على ما اظن والمصمم اللي عندهم يصمم لج اللي تبينه او على ابداعه حسب انتي شنو تبين وعنده بعد فساتين حق الأيجار .

والف الف مبروك والله يوفقج يارب :)
م
مبرروك مقدما happy moon و موفقه ان شاء الله

بالنسبه للفستان شوفي شارع البديع كلهم يفصلون لبسه اولى بس مادري عن شغلهم يعجبك ولالا

شارع البكواره في الرفاع في مصممين وايد و شغلهم وايد حلو بس مايسوون لبسه اولى تفصلين الفستان لك

بالنسبه حق سفره العجم انا عندي سفره بنت خالتي توها جديده مستعمله مره وحده اهي بأغراضها و مسرحها و سعرها وايد حلو و تبي تأجرها لو حابه تشوفيها كلميني عالخاص نتفاهم بالموضوع

الحلاوه بعد اعرف من يسويها لك و بسعار حلوه و اشكال جديده و اللي تبينه

بالنسبه حق سوق السعوديه في عندك مكانين .. شارع السويكت بالخبر هذا عندهم شغلات رهيييبه بتستخفين عليها واسعارهم يعني تقدرين تقولين المتر ب 60 دينار و طالع

و في في الدمام شارع الحب او سوق الحريم اسمه عنده شغلات حلوه بعد بس اللي بالخبر احلى ولمعه القماش احلى سوق الحريم اسعاره ارخص و ينفع حق اخوات العروس و اهلها يشترون منه ارخص لهم من الخبر

عساني مانسيت شي


:)
r
عندك للفساتين اول لبسه منارس بسوق واقف وفي محل ثاني بسوق واقف اذا ما خانتني الذاكره ازياء الافراح او شي جذي صاير على الشارع في عندهم اشياء حلوه

اما سفر العجم افضل تسوينها بذوقج افضل بس الاشياء الاساسي اذا ماهي موجوده عندج الافضل تتأجرين

والف مبروك وبالتوفيق اختي
r
حبيبتي اذا بتفصلين فانصحج بلأنامل الحريريه شغلهم روووعه
وبعتقادي افضل مكان يفصل حق عروس عندنا في البحرين بس اسعارهم غاليه
اما سفرة العجم ماعندي اي فكره عنها
و اذا بتروحين السعوديه مثل ما قالت اختي عندج سوق سويكت
شارع كامل تقريبا كله خلق و يفصلون بعد و كل شيييي روعه
و مثل ماذكرت اختي المتر الواحد تقريبا يتراوح بين 60 دينار و فوق على حسب
H
مراوي ممكن نتفاهم اهني لان مشاركتي لم تتعدى 15 مشاركة ما اقدر اتكلم معاج بالرسائل الخاصة
بس بغيت اعرف المكان اللي يسوي حلاوة سفرة العجم؟
وكم سعر ايجار سفرة العجم اللي عندكم؟
ن
الف مبروك أختي

بالنسبة للفستان فيه محل تاجير فساتين اسمه ليالي الافراح في مدينة حمد اسعارهم حلوة جدا وممكن يعملون لك فستان لبسة اولى وشغلهم مرتب وموديلاتهم جديدة وكل فستان عندهم يقول الزود عندي وعلى فكرة لازم تروحين لهم من وقت عشان يقدرون يجهزون فستانك في التاريخ اللي تبينه لان عندهم زحمة ............وكل هذا عن تجربة لان اخواتي الثنتين اخذوا من عندهم حق زواجهم وبنت جارتنا بعد هذا غير المدح اللي اسمعه عنهم من ناس غير

ويأجرون كوشات مع سفرات عجم لكن السفرة لحالها بدون أكل او توزيعات وبالنسبة لي كانوا حلوين لكن الحين شوي راحت عليهم لكن يمكن نزلوا اشكال جديدة
ش
بصراحه ماعندي اي معلومات عن سفر العجم

واالبنات ماقصروا معاج

الله يوفقج حبوبة
ا
الف مبروك اختي

الله يوفقك
ا

وعليكم السلام ورحمة الله وبركاته
هلا فيج حياتي وألف مبروك الخطوبة مقدماً
ربي يتمم عليكم بالأفراح والخير والمسرات

أول شي بالنسبة لسفرة العجم
في محل في السوق الإيراني اسمه شيدا عنده كل أنواع وألوان سفر العجم
وبأسعار مناسبة يعني على حسب الأغراض اللي تبينها فيها وأكثر سعر تقريباً 150 دينار
وتقدرين تسوي الأغراض بروحج بالبيت بس صراحة يبي لج وقت ومجهود وأنا نزلت صور لسفرتي في هذا الرابط شوفيها وإن شاء الله تعجبج وتاخذين بعض الأفكار منها

سفرة العجم

ثاني شي بالنسبة للفستان أنا سويت لي فستان الخطوبة والزواج ايجار بس أول لبسة
يعني فصلته لي وبعدها رجعته للايجار فصلت فستان الخطوبة في كيدي وفستان الزواج في رومان ديزاين وكل واحد طلع أحلى من الثاني والأسعار على حسب الموديل والاكسسوارات اللي فيه طبعاً

نجي لسالفة الأقمشة
صراحة أنا كل مناسبة أروح آخذ القماش من السعودية سواء كان من سوق السويكت أو مجمع الراشد والخبر بلازا عندهم موديلات حلوة وراقية والحلو فيهم إن القطعة اللي تاخذينها مستحيل راح تشوفين أحد لابس مثلها بالحفلة يعني لون وموديل واحد وبس وأسعارهم أرخص من هني وأحسن


م
هلا happy moon

اسفه لو تأخرت عليك بس الموضوع ضاع مني

المهم .. اهي تبي فيها 90 دينار بس في تفاصيل ماعرف شلون اتفاهم معاك عليها بالعام (r)
H
مشكورين خواتي على المساعدة
مراوي مشكورة خيووو بس حبيت اعرف المحل اللي يسوي حلاوة السفرة وين احصل وبسعر مناسب
م
مو محل

اذا تبين احنا نسوي هالشغلات بس حددي لي ميزانيتك في حدود جم عشان اقدر اساعدك

حسب ميزانيتك نسوي لك بس المشكله ماعندك خاص اكلمك عليه
:)
أ
أختي مراوي
انتي تقولين
اذا تبين احنا نسوي هالشغلات بس حددي لي ميزانيتك في حدود جم عشان اقدر اساعدك

اذا مثلا حددت لك 20 دينار اي قد بتكون الكمية
ووين مكانكم عشان اشوف الاشكال

والسفرة الي قلتي عنها وين اقدر اشوفها؟
وهل ممكن تخفضني بالسعر
ا
حبيتي انا توني شايفة في قرية الأفلااح في المحرق سفرة عجم مع المسرح ب 100 دينار او اذا بغيت ورد طبيعي بعد يحطون لج .
غ
الف مبرووووك اختي الله يوفقج
م
عندج محلات وايد في البحرين اسون سفرة عجم حتى في وحدة من المنتدى اسوي اذا شفت الرابط بخبرج
ا
أكيد البنت من زمان عرست

الله يوفقها ويسعدها يارب

وعقبال كل بنوتات المنتدى ان شاء الله
X