مفاجآت صيف منتديات عرووس.. دورة في فن التريكو

انواع الغرز للتريكو هى

(1 ) الغرزة العدل


( 2 ) الغرزة المقلوب

( 3 ) الغرزة الساقطة او المسلوتة


وسوف نشرحهم بالتفصيل


اولا الغرزة العدل
يوجد معنا الان الابرتين الابرة الشمال عليها غرز البداية والغرزة اليمين فاضية


ندخل سن الابرة اليمين فى داخل الغرزة من الابرة الشمال ونلف الخيط حول سن الابرة اليمين

من تحت الى فوق ونخرج الابرة وعليها الغرزة و هكذا تكونت اول غرزة نكرر الطريقة حتى ننهى

الغرز كلها التى على الابرة الشمال مثل هذة الصور





















يلا جربو
وهذا بعد لكم فيديوووو.عشان يووم أرد أشوووف بداياتكم

http://go.3roos.com/oeFff2RRuIx

ان شاء الله المرة القادمة الغرزة المقلوب

في الفيديو الطريقه بابرتين

بس في الشكل ابره وحده شلووون ؟؟؟

و في البدايه لازم نشد على الغرزه الاساسيه و لا عادي ؟؟؟

عزيزتي ام اسولة انتي في الشغل تستخدمين السنارتين
لان بالبداية الشغل بيكون في سنارة وحدة وبعدين تستخدمين السنارة الثانية في نقل الغرز مع زيادتها سطر واحد الى السنارة الثانية وهكذا كل ماتزيدين سطر تنقلين الشغل الى سنارة

اما سؤالك الثاني فانا ماعندي فكرة بس اعتقد نوعية الخيط له دور لاني لما جربت بخيط صوف عادي ضعيف يطلع الشغل مو مضبوط عندي.. بجرب بس للحين ماشريت لي خيوط متان..

بالتوفيق

وانا بعد ظيفوا اسمي :)

تسلمين ثلج و نار على الافاده

انا سويت وايد تجارب بس للحين ماظبطت عدل عدل يعني الشغل نص و نص

السلام عليكم و رحمة الله و بركاته

أهلاً أخواتي أنا رجعت اللي ماعرفت أو عندها سؤال تسأل ..

التريكو وااايد سهل أول تبدأين بسنارة وااحدة بعدين بسنارتين عشان شكل الغرزة و عشان نبدأالشغل ...

اهلا وسهلا استاذتنا الغالية

حمدالله على السلامة

انا سويت بس للحين ماجابوا لي وصلة تنزيل الصور للكمبيوتر

قريب بكمل الشغل وبنزل لك الصور تحكمين على شغلي..

واهلا وسهلا فيك مرة ثانية

أهلاً ثلج و نار يسعدني ردك و تفاعلكِ .. و أنا في إنتظار صور شغلك ...

ذكرتوني بأيام المدرسه علموني في ابتدائي ومتوسط
والشغل حلوووو بالسنارات يسلي بس يطول على مانخلص القطعه
وانشالله الاقي سناراتي وبشترك معاكم :D2

أهلا sweeta girl حلو إنك تسترجعين ذكريات الماضي .. نحن في مدارسنا ما يعلمونا أشغال يدوية بس ماادة الحاسوب .. لكن التريكو مجرد هواااية ..

الصراااحة ما توقعت إن مافي تفاعل مع الموضوع :mad2: .. و أنا توقعت أكثر من هذاا بكثير لأني سوويت بحث في المنتدى و ما لقيت شي يفيد عن التريكو كل اللي لقيته تساؤلات عن التريكو ؟؟؟!!! خلاااص أنا بحاول مع مشرفات الركن عشان يحذفووون موضوعي :sad: ...


خلووود

لاااااااااا ليش الموضوع ينحذف يمكن مافيه تفاعل بس يمكن عضوه والا ثنتين متابعين الموضوع حرام ينحذف
لو وحده تتابعه تستاهل ان الموضوع يبقى علشانها

والله كنت بشارك بس سالفة الجامعات و التسجيل شغلتني

اعذريني حالياا

السلام عليكم
انا اريد اتعلم كيف استخدمه بس وين وكيف

تسلمين حبيبتي sweeta girl .. بس تعرفين قهر بعد ما تسوين و تتعبين آخر شي لا يوجد تفاعل ...



هلا عزيزتي omfaisal_uae ... شوفي الموضوع من الأول ..

لالالااااا ليش حبيبيتي اصلا خسارة اذا حذفتينه انتين تدرين ان في ناس راح يدخلون المنتدى بس علشان ها الشغلات اللي مو موجودة في منتدى
عمري انا بشترك معاكم ولا تزعلين

لاااااا شنو حبيبتي خلود تحذفين الموضوع؟؟؟؟؟؟؟؟؟

انا كل يوم اجي اشوف في شي جديد منك او من غيرك هنا اولا!!!

وقعدت اشتغل واحاول من دروسك.. بس الشغل مو ضابط وياي عدل... مادري ليش؟؟
ويمكن لان الخيط صوف عادي متين شوي بس...دورت خيط متين نفس الأخضر الي بالصورة الي وضعتيها انتي بس ماحصلت..


لاتيأسين
نحن معاك.. ودايم متابعين للموضوع...بس الواحد احيانا يصيده انشغالات يخليه ينقطع عن المنتدى..

ايااااااااااكي وحذف الموضوع:cool2:

الله يعطيكي العافية

تسلمين و الله حياتي غنوة الحياة...





هلا حبيبتي ثلج ونار الله يعطيك العافية بس الصراحة أنا خاطري أكمل الموضوع بس ما في واايد تفاعل ... و ما أقدر أكمل الموضوع

لأن لازم تتقنين غرزة البداية و بعدين تتعلمين كيف تبتدين الشغل و تتقنينه ...

عزيزتي ثلج و نار إنتي شو اللي مو ضابط عندج ؟؟؟؟

الله يعطيك العافية اختي خلود

وانشالله نشوف تفاعل أكثر في الموضوع علشان تكملين
بس اذا ماكملتي انا وااااااااااااااااااااااااااااااااااااااااااااايد بزعل صراحة


لاني من زمان اشوفه وودي اتعلم هالفن وتوني هالصيف بس قعدت ادور بالنت وحصلت لي كم موقع واستفدت منهم شوي والحين اريد استفيد منك انتِ بعد واخواتي العضوات هم يستفيدون .. ولو كنتي بحرينية لما ترددت في الذهاب اليكِ لأتعلم منك الكثير.. بس للأسف بعيد عني انتي..

انا اعرف الغرزتين العدلة والمقلوب بس المقلوب ماتضبط وياي تصير القطعة مبهدلة يعني مرة تصير الغرزة واسعه ومرة تصير ضيقة وبالنهاية تطلع القطعة كاملة مو سيدا يعني كانها مزمومة شوي

اما الغرزة العدل فأنا بعد درسك الاول جربتها وانشالله اقدر انزل الصورة علشان تقولين لي تعليقك .. من زمان ودي انزلها بس عندي شوية مشاكل بالكمبيورت بخصوص الصور وتنزيلها وانشالله عن قريب انزلهم..

الحين انا ابتديت شغل جديد بالغرزة العدل وقلت بسوي قطع بلونين نفس الحجم.. وابيكِ تعلميني شلون اشبكها ويا بعض... بس انشالله اكملهم قريب.. لأن مثل ماتعرفين الشغل دقيق ويبي له وقت


يالله طولت كثييييييييير عليكِ اختي.. اسفة

في حفظ الله جميعا
وشاكرة لكم

عزيزتي ثلج و نار خلاص أكيد بكمل كله ولا زعلج يالغالية ...

الصراحة أخجلتيني حياك الله ..
الغرز جميعها سهله لكن تحتاج دقة و اتقان .. أنا في بدايتي مع التريكو كان الشغل يخترب أرد أفكه و مرة ثانية أبتدي ...

إن شاء الله تضبطين الشغل اليديد الذي بتسوينه .. و على كيف تشبكين الشغل مع بعض إنتي لازم تكوني تاركه خيط شوي طويل للخياطة و إبرة مناسبة للخيط .. تخيطين عادي و أنتِ قالبة القطعة و بعد ما تخلصين خياطة قصي الخيط و اربطيه و بعدها اقلبي العطعة على الوجه الصحيح .. و إذا كنت مب تاركة خيط في البداية .. مافي مشكلة الخياطة مثل الخياطة العادية ..

أتمنى إنك تعرفين كيف ..


أتمنى لك التوفيق ..

أخيرااااااااا جبت الواجب استاذة خلود..

http://go.3roos.com/elPatxD7Nhj

http://go.3roos.com/Rl0BY97CAS9

http://go.3roos.com/ULcEgVsENPs

وهذا قاعدة اشتغل فيه بسويه مثل الشال وبعدين بسوي لون ثاني وبشبكهم ويا بعض بسوي شال او لفاف برد

انشالله تطلع الصور بس