مزح الرياييل ؟ عجيب غريب

حبكم لي يكفيني 21-07-2005 42 رد 4,081 مشاهدة
ح
الماضي الجميل:

هههههههههههههههههه

أزيدكم من الشعر بيت زوجي قال ينكت ويمزح معاي طبعا من المرات النادره

وماحسيت الا راميني بالخدادية القطن وطررررررررررررخ على وجهي

الله لايوريكم علّمت ......قلت له هذا مزح قال ماشفتي شي

ويشيلني وقدام عياله ويدور بسرعه وانا صراااااااااااااااااخ والصغار يبكون علي

على بالهم يضربني .......والكبار مبسوطين يتدربون

ومافكني الا انا ماشوف الدرب كني مروحه ههههههههههههههه

تسلمين على هاالموضوع وناسه


هلاو غلا الماضي الجميل
ههههههه
اما سالفتج تفطس من الضحك قوليله انا رقيقه ههههه

الله يخليكم حق بعض اللهم آمين
ب
والله عاد مسأله دفاشة فيهم دفاشة!!!
خصوصا الخليجيين!!! ما يعرفون يدلعون!!

والله يحليلج يا رعبوب كسرتي خاطري



عيل انا مرة ياني خطيبي ييبي يسوي جو.. قال لي انتي دريشه غرفتج تطل على شنو( بالتلفون يكلمني)؟؟ انا بعفوية طليت من الدريشة.. الظاهر اهو كان واقف تحت!!! ما عرف يكمل الرومانسية.. توني اطل اللي يقول (بخرعة صج!! ) هاذي انتي؟؟؟؟يمممة ينية؟؟؟؟؟؟؟؟؟؟؟؟؟؟؟؟؟؟؟؟




هاذي كلاااام ينقال عاد؟؟؟:cry:
m
هههههههههههههههههههه
حقلكم اية ولا اية بس
يالة احكيلكم وامر لله فكرتونى بالذى مضى
مرة كنت واقفة بتكلم مع اخويا وبيهزر معايا هزار اولادى تقيل بصيت لقيتلكم اية
هوا بس يا دوب بيهزر وبيضربنى فى كتفى
ولقيتلكم مى وقعت على الارض انبطحت ارضا
وتحتى النظارة بتاعتى واتكسرت طبعا
وفوقى انا والنضارة كرسى السفرة اللى كن واقفة جنبة والهارد بتاع الكمبيوتر فوق قمة المعركة
هههههههههههههههههههههه ودة بسبب الهزار
بس جت سليمة الحمد لله
أ
السلام عليكم
أنا وحده ماعندي اخوان كلنا بنات
بس قبل كنت على طول معارك مع خالي أو أولاد عماتي بووو تقلب وطق وسوالف
والله الشباب أحسن من البنات في المزح البنات كل وحده ادلع من الثانيه وماتقولين لها كلمه الا شوي وتصيح
ذ
هههههههههههههههههههههههههههههههه

حسبي الله على بليسكم

وش هالسوالف اللي تفرقع من الضحك

أذكر لما كنت صغيرة رايحه لبيت عمي وماشاء الله

عندهم 5 أولاد .. وكان أيام رمضان

زوجة عمي مسويه لبن بالجيك وقالت لواحد من عيالها

حطه على السفرة هو قال في نفسه الحين بيأذن المغرب

خليني أوزعة في الكاسات المهم كان وراه كرسي

جا يجلس عليه وفي يده جيك اللبن ..

أخوه من وراه سحب الكرسي وطار اللبن فوق

وبعدين رجع على راس ولد عمي ..ههههههههه

جات أمهم وشافت المنظر بغت تموت من الضحك ..

:D2:D2:D2


شكرا على الموضوع اللطيف

تحياتي
أ
أنا أولاد عماتي عليهم حركات الحمدلله والشكر
في مكينه يستخدمونها العمال حق السمنت يحطونه داخلها ويلفونها باليد وهي تدور عاد هم كان واحد يدخل داخلها والثاني يفر المكينه <<<<< ملاهي ببلاش
ومره كلهم تعاونوا على واحد من ربعهم وطقوه طق ولما خلصوا حمله ولد عمتي وحطه عند باب بيتهم وطق الجرس ومشى عنه ومسكين ذاك ميت من الصياح
وبعد عليهم شكثر سوالف تذبح من الضحك
ح
جـويـل:
موضوعكم صج وناسه


الشباب مزحهم مرات يصير زياده عن اللزوم

مثلا ربع اخوي سووا في رفيجهم مقلب بالبر ...لبسوا واحد منهم نقاب و عبايه و دخلوه على الولد بالخيمه وقالوا البنت هذي دوختنا تقول تبيك وتعرفك المسكين قعد يبرر ويقول والله ما اعرفها و هي تلحقه بالخلا خخخخخ تخرع عباله صج حرمه جايته بالبر وبتجيب له مصيبه



وانا مره صار لي موقف مع اخوي صار له جم سنه بس ما انساه لانه يضحك .... كنت قاعده على الكرسي ووراي الدفايه المركزيه و قاعده اهزه الكرسي و جا هو يعني بيسوي نفسه حنون و يدلعني دز الكرسي بيهزني الا الكرسي رجع حيل و طحت على الدفايه بس الحمدلله كانت مو شغاله بس تعووووورت حيللل على ظهري حتى الدفايه انقلبت لاني ط ح ت فوقها وسويت نفسي اغمى علي لانه بط جبدي و بشوف شنو ردة فعله ...المسكين مايدري شيسوي يقول قومي قومي مافيج شي. ..وانا ما ارد عليه عاد هني حس انه صج وقام يقوم فيني عاد بعدها اشتغلت صفاره الانذار وانادي امي يما ولدج بغا يكسر ظهري عاد احنا البنات نموت عالحرشات و التفتين على اخوانا خخخخ

بس اخوي دايم جذي مواقفه مرات تقلب جد من دفاشته بس صج دمهم خفيففففف الشباب ...والله اني اضحك على سوالفه هو وعيال عمي وربعهم ..وفيهم ميزه ما يزعلون من مقالب بعض وعادي عندهم... احنا لو وحده نضحك معاها شوي تزعل



[grade="00008B FF6347 008000 4B0082"]هلا وغلا جويل

صراحة الشباب عليكم حركات وافكار ومزحهم غريب

تسلمين على المشاركة الرائعة والمرور العطر [/grade]
ح
new 3roos:
والله عاد مسأله دفاشة فيهم دفاشة!!!
خصوصا الخليجيين!!! ما يعرفون يدلعون!!

والله يحليلج يا رعبوب كسرتي خاطري



عيل انا مرة ياني خطيبي ييبي يسوي جو.. قال لي انتي دريشه غرفتج تطل على شنو( بالتلفون يكلمني)؟؟ انا بعفوية طليت من الدريشة.. الظاهر اهو كان واقف تحت!!! ما عرف يكمل الرومانسية.. توني اطل اللي يقول (بخرعة صج!! ) هاذي انتي؟؟؟؟يمممة ينية؟؟؟؟؟؟؟؟؟؟؟؟؟؟؟؟؟؟؟؟




هاذي كلاااام ينقال عاد؟؟؟:cry:



[grade="00008B FF6347 008000 4B0082"]هلا وغلا عروس يديدة

مب كلهم عروس يديدة بس في فئة فيهم دفاشة لكن مب كلهم

هههههههههه
اما عن سالفة خطيبج صراحة عجيبه
الله يوفقكم دنيا وآخرة [/grade]
ح
mai salah:
هههههههههههههههههههه
حقلكم اية ولا اية بس
يالة احكيلكم وامر لله فكرتونى بالذى مضى
مرة كنت واقفة بتكلم مع اخويا وبيهزر معايا هزار اولادى تقيل بصيت لقيتلكم اية
هوا بس يا دوب بيهزر وبيضربنى فى كتفى
ولقيتلكم مى وقعت على الارض انبطحت ارضا
وتحتى النظارة بتاعتى واتكسرت طبعا
وفوقى انا والنضارة كرسى السفرة اللى كن واقفة جنبة والهارد بتاع الكمبيوتر فوق قمة المعركة
هههههههههههههههههههههه ودة بسبب الهزار
بس جت سليمة الحمد لله



[grade="00008B FF6347 008000 4B0082"]هلا وغلا mai salah

الله يعينج
الحمدلله على السلامة

تسلمين على المشاركة والمرور العطر [/grade]
ح
أنا الشوق:
السلام عليكم
أنا وحده ماعندي اخوان كلنا بنات
بس قبل كنت على طول معارك مع خالي أو أولاد عماتي بووو تقلب وطق وسوالف
والله الشباب أحسن من البنات في المزح البنات كل وحده ادلع من الثانيه وماتقولين لها كلمه الا شوي وتصيح



[grade="00008B FF6347 008000 4B0082"]هلاو غلا انا الشوق

تسلمين على المشاركة والمرور العطر [/grade]
ح
ذكريات ثائرة:
[CENTER]هههههههههههههههههههههههههههههههه

حسبي الله على بليسكم

وش هالسوالف اللي تفرقع من الضحك

أذكر لما كنت صغيرة رايحه لبيت عمي وماشاء الله

عندهم 5 أولاد .. وكان أيام رمضان

زوجة عمي مسويه لبن بالجيك وقالت لواحد من عيالها

حطه على السفرة هو قال في نفسه الحين بيأذن المغرب

خليني أوزعة في الكاسات المهم كان وراه كرسي

جا يجلس عليه وفي يده جيك اللبن ..

أخوه من وراه سحب الكرسي وطار اللبن فوق

وبعدين رجع على راس ولد عمي ..ههههههههه

جات أمهم وشافت المنظر بغت تموت من الضحك ..

:D2:D2:D2


شكرا على الموضوع اللطيف

تحياتي


[grade="00008B FF6347 008000 4B0082"]هلا وغلا ذكريات ثائرة

صراحة ضحكتيني تعبير للفرحة قبل الفطور

تسلمين على المشاركة الرائعة والمرور العطر [/grade]
ح
أنا الشوق:
أنا أولاد عماتي عليهم حركات الحمدلله والشكر
في مكينه يستخدمونها العمال حق السمنت يحطونه داخلها ويلفونها باليد وهي تدور عاد هم كان واحد يدخل داخلها والثاني يفر المكينه <<<<< ملاهي ببلاش
ومره كلهم تعاونوا على واحد من ربعهم وطقوه طق ولما خلصوا حمله ولد عمتي وحطه عند باب بيتهم وطق الجرس ومشى عنه ومسكين ذاك ميت من الصياح
وبعد عليهم شكثر سوالف تذبح من الضحك


[grade="00008B FF6347 008000 4B0082"]انا الشوق هههههههه حلوة ملاهي ببلاش

اما الثانية مب غشمرة خخخخخخ ضحكني الي شله بعد ماطقه رأف بحاله ههههه
صراحة غريبين

تسلمين على المشاركة والمرور العطر [/grade]
ي
هههههههههههههههههههه
فعلا مزح ثقيل
ح
سمااء:
هههههههههههههههههههه
فعلا مزح ثقيل



[grade="00008B FF6347 008000 4B0082"]تسلمين على المرور العطر [/grade]
د
هو ثقيل ثقيل ما ختلفنا
هاذا المزاح وين الجد ما شفتوا شي
ح
دمعة حزن_J:
هو ثقيل ثقيل ما ختلفنا
هاذا المزاح وين الجد ما شفتوا شي



[grade="00008B FF6347 008000 4B0082"]هلاو غلا دمعة حزن

الله يعينا على الجد


تسلمين على المشاركة المرور العطر [/grade]
و
تسلمين اختي مسك وورد على هذا الموضوع الجميل

صح مزحهم ثقيل بس مرات الجلسه معاهم تخليج تنسين سوالف البنات الي على طول مجاملات و اذا مزحتي تزعل

والله ماشالله عليكم يابنات ضحكتوووووني

المهم انا عن نفسي اخواني خلاص كبروا على هذي الحركات ... احسهم خلاص صاروا شوي رسميين
لكن عندي اخوي الي في الصف الاول اعدادي ... ماشالله عليه .. حركاته مرات تكون وايد سخيفه ..
يحب يخوفنا احنا البنات (أنا و اختي) بس أكثر شي الحركات هذي أكون أنا ضحيتها


يعني اذا كنت جالسه في أمان الله قاعده أشوف التلفزيون مندمجه ... و هدوء .. فجأة صوووت و دفشه على ظهري منه على باله مزح و يخوف والله ... يعني يفزز

المهم الموقف الي ابدا ما أنسااااااه ... مره قبل كم شهر كنت أنا بالغرفه مالتي .. قاعده على السرير(كانت الساعه 8 المساء) و في حضني الاب توب مالي .. أمي دقت علي باب غرفتي تناديني .. أنا رحت اشوف أمي و خليت باب غرفتي مفتوح ... دقايق و رجعت الغرفة
قفلت الباب و بكل هدوء قعدت على السرير اكمل شغلي على الكمبيوتر .. سمعت صوت.. قلت مستحيل أنا اتهيأ (أنا كنت وايد اشوف افلام رعب .. بس بطلت لانه وايد تعبت منهم نفسيا ههههه) المهم .. الصوت بدا يزيد ويتقرب .. فجأه شفت راس طلع من تحت السرير ... والله ما انسى هاي الحظه صرخت صرخه سمعها كل الي في البيت ... ثواني الا هو اخوي على باله مزحة بسيطة بس والله على طول ركض و طلع من غرفتي ... أنا طبعا في هاي الاثناء ايدي على ويهي و قلبي يعورني ... أمي جاتني تتطمن علي لكن والله قعدت اصيح و ابكي .. و امي وقفت مع اخوي لانه اونه صغير و مايقصد .. بس اختي وقفت معاي و هزبته و هاوشت اخوي وقعد يصيح

هههههههههههههه ... سوري طولت عليكم .. بس حلو القصه بالتفصيل عشان تعيشون الموقف .. و ابشركم اخوي بعده على حاله ماتغير
ا
ييتي عالعوووق أختي ههههههههههههههههههه


إلا مب دفاشة قولي قمة الدفاشة و الغرابة

و مواقف وااااااااااااااايد اتضحك الصراحة من الخوات

عندي 3 أخوان اللهم يحفظهم و الباجي كلهم بنات ما شاء الله

المهم أكبر واحد شطانة درجة أولى و الثاني نوعا ما هادي و يستحي و الأخير صغييييييييير بعده


المهم أخوي الكبير شطانته مشكلة

عادي اذا كنت طايفة عداله احصل لي نغزة في ينبي يعرف انه نغار أنا و خواتي من جيه يتعمد فينا هالحركة
ساعات لمن اسير اودي له أكل أو لبس في غرفته برع أو أسير أبا أطلب منه طلب يطالعني بنظرات شيطانية
خصوصا إذا طلبت منه شي هاي المشكلة العوده ما أشوف إلا واحد رافع ايدينه بشكل انه بيقرقطني و يركض عاد أنا وين
اتحصلوني أركض في الحوي لين البيت مثل المينونة و انا اصارخ وهو ما طلع اصلا من غرفته بس الحركة هاي و نقزته كانه بيركض وراي تكفي
عشان أسوي زلزال
صراحة فشلة الييران ساعات يسمعون صوتي عيب و الله ههههههههههه
و دايما معاه سوالف و مقالب

مره اذكر الوالده امسافرة الله يحفظها و الوالد نايم معانا بالغرفة
انا و اخوي الكبير سهرانين مع انه الوالد امحرص علينا ما نتأخر بالنوم
المهم اتأخر الوقت دخلت عزكم الله الحمام:o
ما أشوف اللا مره وحده الليتات اتسكرت عندي في الحمام لأنه مفاتيح الحمام برع
يقول لكم الصريخ وين وصل لآخر الدنيا
و أبوي مسكين فز من نومه مخترع خذني فديته و نومني في فراشي حسباله فيني شي هههههه
و أخوي عمل عملته الشريرة و انخش في فراشه و هو ميييييييت ضحك علي و انا الدمعه فعيني
خسارة انه ابوي نسى السالفه ثاني يوم هههههههههههه:shy:

فوق هذا ما اتوب عادي دومي وياه لأنه هو الأكبر و انا على طول وراه هههههههههههههههههه


تدرون مره بعد يخبرنا بسالفه ربيعه امسوينها في 1 من الشباب

يقول لكم الشباب كلهم يدرسون بجامعة الإمارات في العين و هم شلة من الفريج يعرفون بعض و أهل تقريبا
في 1 منهم كان بخييييييييييييييييل من الخاطر سوو فيه مقلب محترم
كان توه مهرجان التسوق في بداياته سنة من السنوات بدو ايبون لعبة القفز بالبانشي في خور دبي
التذكرة قيمتها 1000 درهم و هم 6 اشتركو بقيمة التذكرة شروها باسم ربيعهم البخيل هههههههه
يابوها للريال قالوله شوف هالتذكرة نتحداك اتسير تقفز بالبانشي هو الحين من كثر ما عيبو عليه قال لهم اتحداكم و بتشوفون بقفز
قالوله يعني خلاص بتقفز عطاهم رد الموافقة
ردو عليه إذا ما قفزت عليه يدفع لكل واحد فيهم 200 درهم يعني بيطلع الناتج 200 * 6 = 1200 درهم
الريال كل شي عنده ولا البيزات هههههه

اليوم الموعود سارو وياه يحضرون قفزة الريال التاريخية
قبل لا يركب اللعبة بدوا يلعبون باعصابه
يقولون له:
يمكن اتطيح في الخور و انته ما اتعرف تسبح
و اللي يقول له ترا عادي ريولك تنخلع بسبب الشد اللي بيحصله (لأنه اللعبة تعتمد على ربط الأرجل و القاء الشخص بنفسه من فوق رافعه كأنه بيطيح في الخور بس في مسافه بينه و بين الماي و في النهاية الرافعه اترد اللاعب لفراش عالشاطي و هو معلق من ريوله )
وغيره من الكلام لي يخرع

الريال وقف مره وحده قال خلاص ما بقفز هههههههههههه
ردو عليه اتذكر اذا أخليت بالشرط ملزوم تدفع 1200 لكل واحد 200 درهم
الريال مسك راسه شو يسوي !!!!!!!!!:s2

قال خلاص بقفز و أمري لله

سار و قفز

تتوقعون شو صار؟؟؟؟؟؟؟



الريال لمن ردته الرافعه على نقطه النهاية (الفراش اللي ينزلونه عليه عشان يبطل الحبال من ريوله)
الشباب شافو الريال متيبس يكلمونه ما يرد
خافو لا يكون صار فيه شي
ما شافوه الا مره وحده يصرخ من الخاطر:

هييييييييييييييييييييييييييييه سويتها
هيييييييييييييييييييييييييييه سويتها

هييييييييييييييييييييييييييه نقزت
و يحرك ايده بعلامة الانتصار شرات اليهال

شو اتلاقون الباجي ماتو من الضحك عليه

الظاهر كان شايل هم البيزات خخخخخخخخخخخخخخخخخخخخخخ:D2

ما استهم على عمره استهم عالبيزات الله يهديه


اسمحولي طولت عليكم

بس حبيت اخبركم بعض سوالفهم اللي ما اتخلص
ح
[grade="00008B FF6347 008000 4B0082"]ورد جوري

الخرشه

نورتي صفحتي

وتسلمون على المشاركات الروعة والمرور العطر

موفقين باذن الله تعالى دنيا و آخرة [/grade]
م
.
.
عزيزتــــ مسك و ورد ـــــي

تسلمي ان شاء الله على الموضوع الرائع

وبعد تفاعل البنات مع الموضوع كان اروع

بالنسبة لمزح الرجال اعتقد انه الواحده مننا الافضل لها تبعد عنهم لأنهم الظاهر مايحسون وهم يمزحون

يعني لو ضربتي الواحد على كتفه بشكل بسيط

لا تلومي الا نفسك وقتها يرجعها كل مضاعفه
X