حركة البيبي

شوفي الغالية اول شي ربي يطمنج ان شالله ...

الجنين في السابع تكون حركته ملحوظة وقوية شوي ... و تبدا تخف وتقل في الثامن والتاسع اكثر شي بسبب ضيج المكان ...

الشي الوحيد الي بأكد لج عليه سيري اكشفي على طول هالشي والله كل ما تبطي الوحدة فيه كل ما تندم عقب .. وانا ما ابا اخوفج ولا ابا اخليج توسوسين .. بس هالكلام انا اقوله عن خبره ومن الي شفته ...

وحدة من هلنا كانت جي وتطنش على بالها عادي لين ما لقوا الجنين ميت في التاسع ... الله يبعد الشر عنج وعن جنينج وهالموضوع يحرقلي دمي وايد لأني احس بحرقة اليوف الي تصيب الوحدة لما تكتشف نفسها انها هيه الي كانت اتطنش ...

في المستشفى بيقولون لج لازم 10 حركات على الاقل في اليوم ... انا لما كان ما يتحرك يوم كامل على طول اربع اتطمن ..

هلا حبيبتي

|أفضل حل عمل سونار للكشف عن البيبي

او الاستماع لدقات قلبه

سوي سونار وتطمني الله يطمن قلبج يا رب

3yoON_AD

البيبي الحمدلله يتحرك بس الي اقصده مب وايد. يعني في اليوم الواحدمش اكثر من اربع الا خمس حركات. و انا من بدا يتحرك البيبي و انا جي. يوم يكون عندي مراجعه في الكورنيش يقولولي عادي صحه البيبي اوكي بس يمكن انتي ما تحسين بحركته وايج لا متينه... الله يخسهم طفروبي و يا هالمتن.و عندي موعدتاريخ 2.8.2005..... اتريااااااا ردج بلييييييييييييييييز

مااااااااااااااااااا علييييه.... هل الكثر الي يقرن موضوعي و بس اربع يردووون...
هو الا سؤال مب لغز......الله يسامحكم

اعنبوووووووووووووووووووو شو بلاكم عفان الله ما تردون شو ولا وحده حامل ولا كانت حامل في الشهر السابع شو انتو تنقزون من السادس لين الثامن على طول ولا انا بس الي مريت بالشهر السابع.......!!!!!!!!!!!!!!!!!!!!!!!!

هلا أختي

أنا توي دخلت الثامن من اسبوعين

واحب اقول لج ان الي في بطني ما شاء الله حركته واضحة

وبالنسبة لعدد الحركات ما حسبتها بس الحمدلله الحركة كويسه

غير كذا لما يمر يوم ما احس بحركة الجنين على طول اروح المستشى واطمن

غير كذا حركة البنت و الولد واحد لان في ناس تقول ان الولد يتحرك اكثر من البنت وهذا غلط

وانشاء الله افدتك بشي

هلا حبايبي البنات أنا توني في نهاية الرابع وباقي كم يوم وأدخل الخامس
وحركة البيبي عندي توها مبينه حركه جدآ خفيفه وأول ماحسيت فيها إفتكرت إن بطني إألمني وكنت أشتكي من الألم وبعدين سألت الوالده وعمتى وفهموني إنها حركة البيبي طبعآبعد ماوصفت لهم إشلون الألم.

السلام عليكم

هلا اختي اشحالج

انا وياج بعد بالسابع والحمدالله حركته قويه وزينه ماشالله واحس مرات حركاته تكون سريعه فديته

حتى لما اقعد اراقب بكني اجوفه يمتد

وانت يومنج ما تحسين بحركته على طول روحي المستشفى لان بالاولي كنت مكنشه وهو ما يتحرك
وصار الي صر وانشالله الله بيعوظني بهلولد انشالله ادعولي

وانت انشالله ما في شي وطمنينا بعد ما ترجعين

ام عبدالله

السلام عليكم

هلا اختي اشحالج

انا وياج بعد بالسابع والحمدالله حركته قويه وزينه ماشالله واحس مرات حركاته تكون سريعه فديته

حتى لما اقعد اراقب بكني اجوفه يمتد

وانت يومنج ما تحسين بحركته على طول روحي المستشفى لان بالاولي كنت مكنشه وهو ما يتحرك
وصار الي صر وانشالله الله بيعوظني بهلولد انشالله ادعولي

وانت انشالله ما في شي وطمنينا بعد ما ترجعين

ام عبدالله

هلا أختي .. أنا وياج بعد بالسابع ... بس بحالتي بالسادس كان يتحرك أكثر من اللحين و لما خبرتهم سوو فحص الجهد اللي هو التخطيط و سونار .. و الحمد الله .. قالوا لي النونو بخير ..بس يمكن انتي ما اتحسين فيه عشان المتن !!
و أنا صدق بالسابع انتفخت صرت متينة أكثر عن قبل .. بس أحسب و الغالية لازم ما ترقدين على ظهرج .. و نامي على الجنب الأيسر .. و اذا ما حسيتي بالياهل 3 أو 4 ساعات سيري المستشفى .. أنا جيه الدكتورة قالت لي ...

و لازم تفحصين الضغط لأني سمعت لما الضغط يكون مرتفع الأم ما اتحس بحركة الياهل .. بس ان شاء الله ما عليكم شر .. و الله يقومج بالسلامة

السلااام عليكم ..


أنا نفس الحاله كنت أحس بحركة البيبي في الشهر السادس أكثر من الشهر السابع .. ومن يومين بالتحديد الحركه جدا قليله ومر عليه يوم الجمعه ما حسيت فيه أبدا .. والله العظيم خفت لأني مستويه دفشه هاليومين ما اراعي حركتي بالقعده والنومه ..

الله المستعان .. ان شاء الله كلنا نولد بالسلامه وتمر هالاسابيع الباقيه على خير ..

عجيبة الله يهداج .. اتحملي من عمرج .. و بعدين كيف يوم كامل ما حسيتي بالياهل ... و ما سيرتي تفحصين ... الغالية هاي روح أمانة في رقبتج

و ديري بالج على عمرج

اسمحيلي اختي وديمة بطيت عليج .. :)

حركة الياهل مثل ما قلت لج تكون واضحة وقوية في السابع .. حتى انج بتشوفين بطنج يتحرك مع حركته ...

وانتي لا تترين مواعيدج عشان تتطمنين اذا كنتي شاكة على طول سيري الطواري ..وانا ما بغيت اخوفج ولا قصدي اني اخليج تحاتين .. بس من الي شفته في وحدة من هلنا غمضني ..

بعيد الشر عنج ... كانت جي يعني تحس بحركات خفيفة واحيانا شوي 5 مرات مثلا في اليوم وعلى بالها عادي ... لين ما اكتشفوا انه عندها غدة مادري شو اسمها المهم انه هالغده مخليتنها كسلانة وتبا ترقد دوم .. لين ما وصلت التاسع لقوا الجنين ميت بعيد الشر عنكم ..

انا يوم كنت حامل كنت احس على الاقل 9 حركات في اليوم ماكنت احسب بس كنت ادري انه يتحرك وايد ... واحيانا اكثر بعد وجي اكون انا في قمة السعادة ... انتي خبريهم في المستشفى انه حركة جنينج شوي ما توصل 10 .. وان شالله تكونون بخير

أختي انا يموم كنت بأول السابع كنت ما احس بحركات البيبي وايد يعني خفيف
ولما رحت المستشفى قالوا ليي الماي الي حوالينه شوي عشان جذي ما تحسين بالحركات

ايه اتوقع كلامهم صح لاتخافين