ماذا ستفعلين إذا اكتشفتي أن زوجك يخونك....

معقول يا بنات؟؟

أنا جاية وعشمي فيكم....

ليش اتخذلوني؟؟؟؟؟

اختي الغاليه

مدام انتي باول زواجج واكتشفتي ان يخون لازم تصارحيه قبل لا تقولين لاي احد

وشوفي ردت فعله اذا فعلا اعترف بغلطته وندم فالستر احسن لان كل انسان يغلط وانسي الموضوع او تناسيه بالاحرا لاني ادري انه صعب تنسينه وراح تتذكرينه طول عمرك وادري انك راح تتعذبين باول فتره بس مع انشغالاتك راح تنسين ان شاء الله

لكن اذا رد مره ثانيه وان شاء الله مايرد فقولي لابوه اذا كان موجود ويكون احسن من الام
واذا ماكنتي حامل اخري الحمل شوي عشان لا يصير في ياهل بينكم ان صار شي لا سمح الله

لان اذا رد مره ثانيه راح يكررها اكثر من مره ( بو طبيع وما يجوز عن طبعه)

واتمنى اني افتدج

أنا رأيي من رأي wardyah11

مشكورات أخواتي عل مشاركة......

أنأ قلته في يوم من الأيام.... بس قتله أنا حاسه أنك اتخوني.... قالي مو صحيح و عصب علية...... وكل ما أجيب سيرة الخيانة الزوجية.... ايعصب

اتمنى بقية البنات ايشاركن بآراءهن

بصراحه عورتي قلبي

ولو انا منج ماادخل احد بالموضوع بس اشوف شلي خلاه يخوني واحاول اعدل من نفسي

اما اذا كان هذا من طبعه وهذا يبين على خطيبج لانه ماصار لكم 6 شهور المفروض يكون متخرع عليج هذا الوضع الطبيعي

اما الحل فلازم يعرف انج تعرفين انه يخونج بس تصرفي بحكمة واخذيه بعقل يعني بالتفاهم واحقريه وقت عشان يحس بس

اكرر لاتدخلين احد بالموضوع

والله يوفقج ويسعدج

الله يكون في عونج يا الغاليه

جوفي حبيبتي

إذا زوجج يخونج صارحي بس إشلون

أقولج شلون: قوليله إنت اليوم معزوم على العشاء إرجع الليلة من وقت وجهزيله أحلى عشاء ولبسي وتعدلي وبعد العشاء كلميه بصراحة وقوليله تصور صديقتي زوجها يخونها وهم ما صار لهم في زواجهم شي يعني توهم معاريس وتصور شافته أو سمعته (وقولي اللي خلاج تشكين فيه) بس بذكاء يعني كأنج تتكلمين عن صديقتج

وهني راقبي وجهه وقوليله إش رايك في اللي مثل زوج صديقتي
إذا حسيتي إن وجهه إنقلب وبدا يعصب، قوليله إنت شفيك معصب محد قال إنه إنته آنه أقولك إش رايك لأن صديقتي تبي شوري شنو تسوي، فأنا قلت لها أخليك تكلم زوجها وتقنعه، هو طبعا ما بيوافق

وإذا تجاوب معاج وبدا يتكلم عن زوج صديقتج المزعوم بقله إحترام يعني هذي مو خوش ريال شلون يسوي جذي، فقوليله عيل ليش إنت تتصرف مثله

وبعدها طلعي ورجعي بيت أبوج أبرك لج

تعرفين ليش؟؟؟؟؟؟؟؟؟

عشان ما يقعد يفكر ويخطط ويدبر لج مكيده قذره عشان يرميج بها، لأن يعرف إن مشكلته ما راح تنتهي ولا هو بيجوز عن اللي قاعد يسويه، وعشان وقت الطلاق يقذفج بتهمه الزنا وتصيرين الجاني بدل المجني عليه.

والله وياج

جان زين بيكون يوم السعد عشان افتك منه ومن اهله شبعت عذاب ومذله بزواجي الله يسامحني لان حبيته في يوم

مشكورات يا بنات عل مشاركة.....

بنات زوجي مو مثل ما أنتو فهمتو....

هو طيب وقلبة رقيق... ايحبني موت...... وانا أموت عليه... بس هذي البنية كانت رفيجته قبل ما ايعرفني... حسبالي يتركها بعد الزواج...........

بس ظل معاها..... هوه حنون.....

أنا اتكلمت معاه بعد تشجيعكم حقي..... وبكل حكمة.... وهوة أخذ الموضوع بهدوء وأقسملي بالمصحف إنه ما ايخونني ولا يلمس وحدة غيري......


أرجع أشكركم على تشجيعكم حقي......



وإنشاء الله يهدي زوج كل إنسانه.............

ام محمد..... أنا صحيح ما اتأكدةت إنه ايسوي حرام معاها.... بس يكفي إنه يتكلم مع وحده غيري عشان أطلب الطلاق.....

كنت ناوية اتركه و أروح ف بيت أهلي......

لأن كوني أعيش مع واحد ايغازل وحده غيري.... يشعرني بلنقص..... وما عاش اللي ايوصلني لهذا الشعور.....


شهاده وعندي..... شغل و عندي.... يعني وجوده مثل عدمه.....

وإذا عل حب ف أنا أدوس حتى على قلبي إذا ايحب واحد ما يستاهلني....


بس الحمد لله......

غير إنا اقسملي.... صارت شغلات بهل يومين اكدتلي حبه اللي و إنو أنا بالنسبه إله اكثر من روحة

الله يسعدج ويهنيج الظاهر إحنا كنا متصورين شي وايد عود

الله يهدي سركم

الحمد لله.... الله ايوفقج اختي.... وايهدي سركم.....

[grade="0000FF FF6347 008000 4B0082"]السلام عليكم ورحمة الله وبركاته
حبيبتي اني احس بيك جداً فان اعرف شعور ان ترتبطي بشخص لانك تحبيه وانتي تعلمي انه علي علاقة بأخري
اول شيء لازم تتأكدي من الكلام هذا مئه بالمئه من غير هو ما يحس وحاولي ان تعرفي شكل العلاقة بينه وبين هذه الفتاه عامل كيف يعني اية نوع من العلاقات فيمكن ان تكون هذه الفتاه من نوع الفتيات التي يستطيعنا جذب الرجال بطرق كثيرة مهما حاولنا نحن لا نستطيع فعلها حاولي ان تعرفي لماذا ينجذب لها اكيد لوجود تقصير في شيء ما فان الرجل لا ينظر الي اخري الا لوجود تقصير ما ولا اقصد حبيبتي ان تكوني انتي مقصره معه في شيء من واجباتك بل ما اقصده انه يمكن انك تستحي ان تفعلي معه ما تفعله هذه الاخري معه هذا زوجك لا تستحي ابداً من ان تجذيبه لكي بكل الطرق الممكنه استخدمي اسلوبها بل زيدي عليه فهو زوجك لا تستحي منه ابداً اشعريه انه مرغوب به اشعريه بهذ بقوه اكيد هذه الفتاه تفعل ذلك لانها لا حياء عندها فقومي انتي بذلك فهذا واجبك لكي تستردي زوجك ولا تخبيريه ابدا بما يدور في عقلك لان هذا سوف يكون شرخ كبير بينكم حاولي بهذه الطريقة وانتظري وشوفي رد الفعل وان شاء الله يكون خيراً
وطمنيني عليكي .[/grade]

حبيباتي انا ما اشوف ان من الحكمة انه الوحده منا كل ما شافت شي عند زوجها اتروح وتواجها لازم نبين له انا نثق فيه ثقه عمياء وصدقوني فيه وحدة خبيرة علاقات اسرية كنت متواصله معاها بسبب مواقف مرت عليه وكانت اتقولي بيني لزوجك انك تثقين فيه وصدقيني راح يقدر هاي الثقة وحتى لو خان مرة بيحس بندم وبيرجع وضميره يأنبه...بس المهم انه كل وحده دايم تكرر على مسامع زوجها انه جدير بثقة وانها ما اتصدق انه يفكر في غيرها وصدقوني بتنزرع هاذي الصفة فيه وبيمشي عليها....
ولا شوه رايكن؟؟؟

الله يوفقج حبيبتي ما عليج من كلامي انا كارهه ريلي وايد ويمكن مثل ما قالولي خواتنه بالمنتدىعشان حامل شكلي اتوحم عليه !!

الله يعينج..
والله أنا أعرف وحدة مرت بنفس حالتج وريلها راعي بنات ..الله يكافينا الشر وهي مسكين تموت فيه ومو مقصرة بواجباتها ومراعيته هو وعياله بس ماكو فايدة كل ما تكشفة يتأسف ويعتذر بس بعد فترة يرد حق سوالفة المشكلة إن ربعه معظمهم عزوبية وتعرفون سوالفهم وهو كله يماشيهم ويتأثر فيهم وهي تقوله أذا أنت ما تحبني وكل يوم رايح حق وحدة ليش تزوجتني؟ يقولها أنا أحبج وأموت فيج بس تعرفين الشيطان والإنسان مو معصوم عن الغلط ..
وهو بصراحة مو مقصر معاها وكل شي تطلبه يلبيه لها بس هذا عيبه وهي مسكينه صابرة عشان عيالها وعشانها تحبه وما تقدر تعيش بدونه..

مشكورات أخواتي عل ردود الحلوة..... وكل كلامكم صحيح..... hllla... حبيبتي أني قتلة إني أثق في.... بس لأن إلي صار أنا عرفت هذا الشي بوجوده.......
هوه اعتذرلي و وعدني وعد حبيب لحبيبته.... و من يومها و هوه اتغير بشكل عجيب.... صار ايحبني اكثر, وما ايزعلني, وايقصر علية بشي (مع العلم هوه مو امقصر علية من أول زواجنا......

أم محمد... الله ايساعدج... و يهديلج زوجج....

عزيزتي

اولا قبل اتخاذ اي اجراء
مانوع الخيانه؟
ان كانت مجرد مكالمات وهي زميلته سابقا
فأين المشكلة؟؟

هذه ليست خيانة
الانسان يعيش في واقع
يحيط به كلا الجنسين
استعيذي من الشيطان الذي يحاول تفرقتكما
زوجك صرح لك بحبه
واجعلي الثقة اساس حياتك
حتى لا تتمكن منك الوساوس
وترافقك طوال حياتك معه
وابتعدي قدر الامكان عن التدخل في اموره الشخصية ومكالماته
حتى لايجد الشيطان مدخلا لينفذ به الى عشكم
و يفرح لفرقتكم لاسمح الله
وفقك الله وادام حياتكم بهناء وصفاء