باركوا لي.....

حبيبتي حبوبه اولا الف مبروك او منه المال او منك 15 درزن عيال:D

حبيبتي اول شي خبرينا انتي تبين تجهزين حق العرس مباشره والا قدامك ملجه.. (عقد قران) او بعدها بفتره بيتم العرس او على هالاساس انشاء الله بساعدك:)

السلام عليكم ...


مبروك وتستاهلين ومنه المال ومنج العيال ....



اهم في موضوع التجهيز ... الترتيب .. يعني تاخذين لج دفتر وقلم وتقعدين تحطين الميزانية اللي تبين على اساسها تجهزين نفسج ..

مثلا انا قمت خلصت كل شي بالترتيب ... يعني اليوم اللي بطلع فيه احدد انا وين بروح وايش بشتري وبكم ... ولا تبالغين في الشرا لانج بتردين تشترين ... وصيري ذكيه وخلي لج مبلغ بيفيدج انشالله بعدين


اول شي ابدي في قمصان النوم والملابس الداخلية والبيجامات وتوابعها ولا تكثرين منهم لان الموديلات تتغير كل اسبوع ..

بعدين امشي على العطورات الفرنسية والعربية والعود والبخور... وافضل انج تكثرين من العربية لانها احلى وتثبت اكثر في الجسم

بعدين الثياب من جلابيات وقمصان وتنانير وبديات وحددي الالوان لانج عليهم بتاخذين الشناط والجواتي ( الله يعزكم )) والنعل

عقب فساتين السهرة ... انا سويت ثلاث ... لا تسوين اكثر ماينلبسون ترى وايد ..

بعدين عندج بكل الشعر واللاستشوار والامشطه ..


امممممممم اي بيبقى عندج المكياج وكريمات الجسم .. طبعا هذول خليهم اخر شي

عندج بعد اطقم الفوط والكفر والتلبيس والشراشف ...

بعد اغراض الجمعية من مزيل المكياج والقطن واعواد القطن للاذن ومزيل المانيكير .. يعني اكيد تعرفين هالاشياء..

طبعا تحطين لج ميزانية لتنظيف البشرة وهالسوالف مالت الصالون ... غير مكياجج يوم عرسج وشعرج ...

ولا تنسين فستانج ... والحين بدال ماتخيطين الفستان باكثر من عشرة الاف صاروا يخيطون الفساتين بملبغ بسيط جدا وياجرونه عليج يعني انتي اول وحده تلبسينه ... اتبعي هالطريقه ...

يمكن اكون نسيت شي ... بس مب مشكله اذا بغيتي شي انا بالشوفه لاني توني مخلصة تجهيز وبفيدج وايد انشالله

al noor

ألف ألف ألف مبــروك

حبوبة

ممكن تطلعين على ملف : مواضيع تُهم العروس

وأيضاً الموضوع هذا

http://www.3roos.com/forums/showthread.php?s=&threadid=8884

وأي إستفسار حاضرين أختي

اختي حبوبه

حبيت ابااااارك لك واقول

الف مبروك

ومنه المال ومنك العيااااال باذن الله

والله يتمم لك على خير


اختك

بنت المملكه

هلا اختي حبوبه الف الف مبروك وعقبال العزابيه حبيت ابارك لك واقولك منه المال ومنك العيال انشاء الله والله يوفقلك يارب

وعقبال العزابيات ياليت اقدر اساعدك بس مااقدر انا برضو ابي استفيد من ذوات الخبره:D:D






الله يوفقلك يارب(l)(l)

اختي aldrqa...

الله يهديك هذي دعوة.... 15 مرة وحدة :confused:

ايش الفرق لو كان قدامي ملكة.؟؟؟؟؟:eek:

ومشكورة لك...

اختي AL NOOR..

مشكورة ....كانت بعض هذي الافكار عندي... لكن مو مترتبة

والبعض الاخر كنت ناسيته او ما توقعت اني احتاجة..

بالنسبة لفستان الزفاف .... ما احب اخذ مستاجر...اشعر

انه الافضل للوحدة يكون خاص بها مع ان تكلفته عالية..

وبما انك مرتي بالتجربة ...ممكن تقولي ايش عملتي يوم زواجك

افكار... عارفة طولت لك ممكن هذا الطلب منك ومن عضوات عروس

ابغى زفة لكن بدون موسيقى يعني دفوف فقط...

اختي همسة

مشكورة على الرابط...:D

مشكورة اختي بنت المملكة... اقدر اقول عقبالك..

شوق العيون...

يعني انا وانتي بالهواء سوا .... اتمنى انك استفدتي ...

وياليت لو عندك شي غير موجود تعطيني خبر...

ألف الصلاة والسلام عليك يا حبيب الله محمد
كلا كلا كلا كلا كلا كلا كلا كلا لييييييييييييييييييييييييييييييييش

بالمبارج بالمبارج ومنه المال ومنج العيال

وبارك الله لكما وبارك عليكما وجمع بينكما في خير

أقول لو تبين سؤال معين طرشيلي على الخاص لأنه عرسي عقب شهر :oوعندي خبره في زهبة العروس

الف مبروك
اختي حبوبة

والله يبارك لج فيه ان شاء الله

اول شي خذي لفة في المنتدى واللي ناقصج نحن حاضرين

أختي العروس مبروووووووووووووووووووووووووووووووووووووك
ونحن في الخدمة وإذابغيت شيء طرشي على الخاص

ألف ألف مبروك حبيبتي

والله يعينك ويساعدك والله هذي الفتره بتكون متعبه.. بس احسن شي يكون مععك دفتر وقسمي الدفتر لـ:

* ملابس بيت: وهذي كثري منها أكثر شي مع ان انا برأي اشتري اللي يكفيكي كم يوم واذا كنتي بتسافرين اشتري من بره احسن
* ملابس خروج: وهذي حسب عزايمك وخرجاتك أنا سويت منها اللي ينفع لطلعاتي يعني صحباتي واهلي ولا تلتزمين انه لازم يكون اكبر من سنك..
* ملابس سهره : انا ما كثثرت منها بس سويت 3... لأن عندي من قبل كنت مفصله جديد واهل زوجي ما قد شافوه وأخاف اتمقلب وأحمل.. اذا شفتي انك محتاجه بعدين فصلي..

** ملابس النوم:
* قمصان طويله: أنا ما كثرت منها لأن الطويل حسيته يكبرني ويعطيني أكبر من سني..
* قمصان قصيره
*بيجامات

* ملابس داخليه عاديه
* ملابس داخليه خاصه

* جزم(الله يكرمك)خروج عاديه: حاولي ما تكررين الألوان ولا تكثرين لأن الموضه تتغير بسرعه
* جزم سهرات

* شنط عاديه
* شنط سهره

* اكسسوارات يوميه
* اكسسوارات خروج

*لوازم للشعر: اللي هي بكل وربطات وأطواق وفرشة شعر ومشط (حسب اللي تفضلين) واستشوار ولفافات (اذا تستعملين)

* لوازم الحمام (الله يكرمك): مناشف و أرواب وشباشب وليف وشامبو وصابون وفرشة أسنان ومعجون..وشوفي انت وش تحتاجين

* العطور: قسميها لخفيفه وسهرات وهذي خليها اخر شي

** المكياج:

* المنظفات:منظفات البشره اللي تناسب وجهك حسب اللي ترتاحين له وهذي مهمه جددددددددددددداً وعندك مقسمه لنوعين:
1. الكلنزينج ميلك + تونك
2. أو منظف سائل ما تحتاجي للحوسه هذي (اذا كنتي كسوله) ولا تختار الا اللي يناسبك ويريحك واطلبي عينات أول ما تبدأي تجهزي عشان اخر الأيام تكونين عرفتي وش اللي ناسبك وطبعا اجلي لأخر شي عشان ما يخرب عندك..

* المرطب:
1. كريم الوجه صباح وكريم ليل
2. كريمات الجسم
3. كريمات خاصه

* الأساس: أساس يومي واحسن اللي يكون مرطب ملون.. وأساس سهرات
بودره للسهرات : وتكون بودره شفافه او اللي اتعودتي عليه
الكونسيلر

* مكياج العيون:
الاي شدو + الكحل + الاي لاينر + الماسكارا + قلم الحواجب(والافضل البوددره)
وهذي صنفيها لأشياء سهره ويومي( طبعا مو كلها)

* أحمر الشفاه و محدداتها
* المناكير
*احمر الخدود
( أنا صنفت كل شي لحاله بالنسبه للمكياج عشان اعرف وش الألوان اللي اشتريتها وتكملتها)
* الفرش المكياج:
فرشات البودره + أحمر الخدود + فرشاة لمزج ظلال العيون+ الفرشاة الحاده لرسم الظل اسفل العين + فرشات توزيع الروج.

* لوازم اخرى:
قطن تنظيف
قطن اذان
اسيتون
مستلزمات الأظافر (مقص + مبرد)
اسفنجة المكياج

( وايضا افضل المكياج يكون اخر شي)


وكل ما اشتريتي شي اكتبيه بالدفتر واكتبي سعره جمبه عشان تعرفي وين صرفتي المهر

واذا كنتي مسافره لا تكثرين واشتري من بره أحسن
ولا تكثرين ملابس وتشترين بالمهر كله لأنك الموضه بسرعه تتغير وتطلع اشياء جديده يصير تشترينها بعدين

ولا تنسين تحطين ميزانيه لهدية العريس.. وهذي أهم شي لا تنسيه


وهذا تجربتي والحين ما باقي على زواجي الا 3 أسابيع أدعو لي بالتوفيق...

والله يوفق الجميع

**** وحده بنت...

الف مبروك لك ..انتم السابقون ونحن اللاحقون :o
ومشكورة اختي ... وما تقصرين اذا احتجت شي على طول
ارسالك على الخاص مع اني اعرف انك مشغولة...


****lura...

مشكورة اختي...

****شموسة الحلوة....

ما تقصرين اختي...

****دلوعة حبيبي...
فكرة الدفتر مطبقتها من فترة لكن فيه اشياء كانت رايحة من بالي

لكن اخواتي العضوات ماقصروا ذكروني فيها .... وانتي ما شاء الله

عليك من زود الخبرة عندك وقرب الوقت ...كاتبة كل شي...


مشكورة ...

الاخت العزيزه حبوبه الف مبروك وبارك الله لكما وبارك فيكما

واذا هناك اشياء ترغبين بشرائها فانصحك بالتالى :

1 - تقوى الله فى السر والعلن

2 - الحب هو زاد القلوب فاجعلى الحب زادكما

3 - الوفاء اجمل صفه فاجعليها تاج عرسك

4 - اجعلى كل ايامك كيوم فرحك فلا تهملى نفسك كى لا يهملك

5 - اهتمى به ليزيد اهتمامه بك

وبالرفاه والبنين وعقبالنا يارب

اللة يوفقك يارب... انا تزوجت قبل ست شهور.. وانتظري مني رسالة مفصلة بالنصايح والارشادات(l)

مرحبا ... انا كمان عرسي في الصيف وانا البنت الكبيرة وما عندي قرايب في الامارات لحتى اسألهم .. شكرا كتير على النصائح والافكار اللي حكيتوها ... بس عندي سؤال .. انا زي ما حكت اخت ALNOOR نفسي اصير ذكية واخبي جزء من المهر اشتري فيه ازا نصحت بعد الزواج كمان جزء استفيد منه ؟؟ بس سؤالي شو يعني استفيد منه؟؟ كيف يعني ؟ كمان ازا كان مهري 20000 ذهب وملابس كم اخبي منه مشان استفيد منه
خطيبي دايما بحكيلي نفس كلامكو بس انا حاسة حالي تايهة لانو كمان ماما بتلح علي بدها تجيب اشياء كتير .

××× ابو الوفا..

تسعدني مشاركتك.... وكلامك سوف يوكن امام عيني دائما

××××كنار..
مبروك على العرس..... وانا بانتظار رسالتك بفارغ الصبر:rolleyes:

لاتتاخري .... والله محتاجة كل عون ومساعدة منكم ....مع انكم ما

قصرتوا .... لكن ظروف دراستي وهذي سنة التخرج وامتحانات

وزواج ..... وباسكن بمدينة ثانية... اشعر اني تائهة....

×××سوسو...
الف مبروك .... انا مثلك البنت الكبيرة ....عندي اختين ...

لكن للاسف اعمارهم اقل من 7 سنوات :confused:

اختي بالنسبة انك توفرين جزء من المهر...

هاتي ورقة وقلم وقسميها على حسب الاغراض وضعي امامها

المبلغ اللي بتشترين فيه....وبكذا تقدري تحددي كم تصرفين...




:confused: :confused: :confused:
طالبتكم.... ابغى زفة بدون موسيقى يعني شعر ودفوف...

ألف مبروك:smile: