مرحبا
شلونكم خواتي العزيزات؟
انا عندي مشكله صحية مو عارفة شلون احلها..اتمنى القى عندكم الحل...شوروا علي شسوي ؟انصحوني؟
في رمضان الماضي ادخلت الى المستشفى واكتشفت بعد الفحوصات والتحاليل ان عندي مرض خلايا بطانة الرحم المهاجرة(indometriosis) وسوولي عمليه منظار وشالوا كيس دم بحجم البرتقاله وعطوني علاج ابر زولاديكس لمده 6 اشهر انقطعت خلالهم الدورة تماما....قالولي اول ماخلص الابر بتصير حالتي طبيعيه وبترجع الدورة وكل شي تمام وماراح احس بالام...لكن عقب ماخلصت الابر ما جتني الدورة قالولي مو مشكله يمكن اثر الابر قلت اوكي والمفاجئه انه هالشهر لما جتني الدورة حسيت بالام اسوا من قبل وادخلت الى الستشفى لمده اسبوع ولما سويت فحوصات وتحاليل اكتشفوا انه المرض رجع وما راح وهالمرة مو كيس دم واحد ولكن اكياس متعدده تكونت في مناطق متفرقه من الرحم واللي خلى الوضع سيء هو اصابتي بالثيلاسيميا وهذا اللي سرع عمليه تخثر الدم وتجمعه ....
انا طلعت قبل يومين من المستشفى مليت منهم ...بارجع الشهر الياي اسوي تحاليل من يديد قالولي اذا ماراحوا الاكياس واختفوا من نفسهم بيسوون لي عمليه منظار مرة ثانيه لازالتهم وانا مابلي اسويه عمليه مو معقوله اسوي عمليتين في اقل من 8 اشهر للرحم وانا عمري 23 وحتى بعدني ماتزوجت!!!!
شنو تنصحوني اسوي؟ضاقت فيني السبل وماخليت طب او وصفات اخرى ما جربتها وفشلت معاي؟
مرض(خلايا بطانة الرحم المهاجرة )بيذبحني..شسوي؟
ف
13-07-2005 | 04:18 AM
ر
13-07-2005 | 08:16 AM
اختي العزيزة الله يشفيك وانصحك بالحجامة الطب النبوي وإن شاء الله ما تحتاجي لعمليات
روينا
روينا
R
13-07-2005 | 03:05 PM
الله يشفيك اختي
انا سويت بحث في الركن وشفت رابط هالموضوع
بطانة الرحم المهاجرة
وشفتك انتي صاحبة المشكلة
اهم شي اي علاج يوصفونه لك تلتزمين فيه
انا سويت بحث في الركن وشفت رابط هالموضوع
بطانة الرحم المهاجرة
وشفتك انتي صاحبة المشكلة
اهم شي اي علاج يوصفونه لك تلتزمين فيه
ب
13-07-2005 | 05:04 PM
حبيبتي روحي لشيوخ يقرون عليك واقري كل يوم على نفسك
بعد كل فرض صلاة تقرين بكاس مويه سبع مرات سورة الفاتحه واذا بتزيدين المعوذات احسن
وحدة سوتها وفيها الشين الله يكفينا الشر وماشاء الله اختفى
واقري على نفسك سورة البقرة كامله من غير ما فواصل احسن
واستمري على هالبرنامج لين تروحين تكشفين اذا باقي على الكشف كثير وبيستغربون الاطباء
ان شاء الله وبيسألونك وش مسويه
بس اهم شي اليقين والايمان ان الله بيشفيك والا ماراح يكون له فايدة
بعد كل فرض صلاة تقرين بكاس مويه سبع مرات سورة الفاتحه واذا بتزيدين المعوذات احسن
وحدة سوتها وفيها الشين الله يكفينا الشر وماشاء الله اختفى
واقري على نفسك سورة البقرة كامله من غير ما فواصل احسن
واستمري على هالبرنامج لين تروحين تكشفين اذا باقي على الكشف كثير وبيستغربون الاطباء
ان شاء الله وبيسألونك وش مسويه
بس اهم شي اليقين والايمان ان الله بيشفيك والا ماراح يكون له فايدة
ف
14-07-2005 | 12:48 AM
شكرا خواتي على النصيحه