ولد خالتي مجنني ارجوكم

اختي..اصعب شي على الانسان انه يتعلق بوهم
وما يكتشف هالشي الابعد فوات الاوان!!

ولد خالتك ما اظن يفكر فيك كزوجة..لانه لاسبب يمنعه من التقدم لخطبتك
عمره 31 مو صغير علشان يفكر بعده

اذاهو يعاملك معاملة خاصة شوية يمكن هذا في افكارك بس
ويتهيا لك انتي انه يعاملك معاملة خاصة بسبب الاهل(فلانة لفلان)
وهذا اكبر غلط يسووه الاهل في حق ابناءهم

و من الطبيعي انك تشوفي العرسان سيئين وانك ما ترتاحي لهم
لانه قلبك وعقلك مشحون بصورة ولد خالتك

من راي..لاتبادري بالسؤال حفاظا على كرامتك

خللي امك تسال اختها بطريقة غير مباشرة
واذا بادر بالخطبة فالف مبروك
واذا طنش احمدي ربك انه مصيرك تحدد

هذا راي:)

بالنسبة للعرس يتهيا لي عادي اذا رحتي لان انتوا اهل ودايم تشوفوا بعض
على عكس اذا ما رحتي راح يشكون في الامر

بالنسبة لولد خالتج
بالمختصر اذا اي شخص زين لنفسه فكرة دايم يحس ان الفكرة حلوة حتى لو هي في الحقيقة بشعة...اللي اقصده انج زينتي في مخج وفي نظرج ان ولد خالتج مهتم فيج ويحبج لان انتي شحنتي راسج بهاي الفكرة ويمكن في الحقيقة ولد خالتج غير جذي يعني يعاملج عادي لكن في نظرج معاملة مميزة.............نفس الطالب يشحن راسه ان هذي المادة صعبة وما يقدر عليها لكن في الحقيقة ان المادة سهلة يمكنه حرز علامات عالية لكن فكرته اللي اخذها عن المادة عمت له عينه وخلته يشوف المادة صعبة

فمن الافضل مثل ما قلتي انج تجسي النبض من خلال شخص اخر.......ويتهيا لي اذا كان فعلا هو يحبج ويعاملج معاملة خاصة أجل اللي منعه من التقدم لخطبتج ربما يكون سفره المتقطع اذ هو ما يقدر يستقر لكن في نفسه يحبج (((مجرد شك)) فاذا هذا هو السبب فاذا الحب ما منه فايدة اذا ظل معلق بين مشاعرو لا تتوج بزواج مستقر يعني الكل يروح في حال سبيله
وبعدين تاخذي الاستخارة لان الاستخارة لازم تلتزمين فيها سواء زينة او لا

الله ييسر امورك

دزي له حد عل وعسى يفهم ويحس

مشكوووووورة جدا اختي نجمة الفجر وان شاء الله دايما نجمة في حياتك ع طوول وجزاك الله الجنة


مشكورة جدا اختي نجمة اليلل وان شاء الله دايما ستاااااااااااااااااااار وجزاك الله الجنة


مشكورة جدا اختي مرايم السعودية و اهلا هلا باهل السعودية والنعم وجزاك الله الجنة


ومشكورة جدا اختي المجروحة وان شاء الله مايبقى ولا جرح بحياتك ودايما سالمه واحب قطر واهلها كنت عندكم قبل 3 اشهر وايد استانست يا حلوها الدوحه وجزاك الله الجنة



بسسسسسسسسسسسسسسسسسسسسسسسسسسسسسسسسسسسسسسسسسسسسس

يا بنات راح اخبركم شو صار وخبروني رايكم

اول شي صليت صلاة استخارة بالشخص (العريس ) اللي تقدم لي وحلمت بعد ما نمت عقب الصلاة اني في الدوام وقاعدة حزينة


وثاني شي ولد خالتي خلاص يعني انتو اقنعتوني بوجهة نظركم وافكر اني ما افاتحه ابدا واعامله معاملة عادية بدون تميز

والعرس شلته من بالي ما ابي اروح له لاني غير متحمسه وما احب الاعراس


وان شاء الله اذا جاء نصيبي راح اوافق بعد استخارت ربي من غير ما انظر لحظه لشعوري اتجاه ولد خالتي



وجزاكم الله الجنة وايااااااكم


ما قصرتوا معي

هااااااااااااا ان شاء الله اكون كفووووووووووووووو

بسم الله الرحمن الرحيم
والصلاة والسلام على الرسول الكريم
محمد صلى الله عليه وسلم
عزيزتي..
ماذا تنتظرين؟؟
هل تلا حقين وهم؟؟
تقدم لك شخص للزواج فلماذا لم تستخيري الله
مهما اخذتِ من اراء البشر فلن يضاهي رأي الواحد الأحد
فكري بعقلانيه
واسألي نفسك الأسئلة التاليه
ماذا لو سمعتِ بعد فترة عن زواج ابن خالتك؟؟
وانتي ضيعتي على نفسك فرصة لا تعلمين ما وراءها
وفي هذه المواضيع المبادرة تكون من الرجل
احذري ثم احذري ان تبادري انتي بذلك
ليس لشيء ولكنك ستعلمين مع مرور الأيام فائدة هذه النصيحة
استخيري الله في الشاب الذي تقدم لك
وتوسلي اليه في الدعاء
وفقك الله الى الخير
وابعد عنك وساوس الشيطان
وصلى الله وسلم على نبينا محمد عليه افضل الصلاة واتم التسليم

اتمنى لج التوفيق يارب


وان شاء الله الله يجمعج ويزوجج من اللي يتمنااه قلبج ... قولو امييين

ويسعدكم يارب

°ˆ~*¤®§(*§*)§®¤*~ˆ°مرحبا اختي
اولا حبيبتي اذا هو الى الان ماتقدم لك ولا فااتحك بالموضوع فليش تنتظرينه الى متى يعني؟؟
ثانيا من ناحية الخطيب اللي جااايك فلا تتعذرين بأشياء مالها داعي عشان ولد خالتك ترى هذا ابلييييس يوسوس لك
انا من رايي تسألون كويس عن الشخص اللي خاطبك وتستخيرين الله والله انشا الله بيكتب لك اللي فيه خير لك
ولاتقولين ماحبيته او ما ارتحت له الحب مااايجي الا بعد الزواااج مو من اول مره تشوفينه وعشاان اريحك انا مررريت بنفس قصتك بس مو ولد خاالتي
والحمد لله تملكت الحين من شخص ثاني ما اعرفه مع اني كنت اتوقع اني ما رح احب خطيبي بس الحمد لله الله خيب ظني
سبحان الله اللي يجعل بين المتزوجين موده
دعواااتي لك بالتوفييييق°ˆ~*¤®§(*§*)§®¤*~ˆ°

إي والله صرتي كفو

لا تخلين سبب رفضك للعريس هو ولد خالتج ترى العمر يجري والبنت محاسبه أكثر من الولد والناس تتكلم وأول ما تدخلين الثلاثين
راح تتعب نفسيتج لأن اللي في عمرج عندهم أولاد

خلي الحب عنج إذا الريال يستحي معليش منه وخصوصا إنه سمع كم مره في عريس متقدم لج وما حرك ساكن

يعني لو كان يبغيج جان ركض بعد أول عريس تقدم لج

بس أنورج

حبيبتى
انا رايى انك تفكرى كويس وبعقلك علشان انا بشوف ان زواج الاقارب مش كويس وبيجيب مشاكل
وغير كده هو الا الان لن يعترفلك بحبه

مع تمنياتى بالتوفيق

اختي هو لو يبقيج كان خطبج من زمااان واللحين صار عمره 31 صدقيني هذا اعجاب فقط لاغير يمكن احساسه نف احساسج الاعجاب من الصغر لو يبيقيج تزوجك وش يخلي واحد يحب وحده ينتظر هالسنين كلها وهو مب ياهل و بالغ راشد يعرف يفكر ولو يحبج من قلبه كان ماصبر على طول اخطبج اقولج اول ماتزوجين راح تنسينه وبتضحكين على الايام اللي فكرتي فيهااا وهالشعور راح تنسينه

انتي حطيتي بعقلج وقلبج لان اول مافتحتي عيونج عليه فخلال هذي السنوات كلها تحلمين وتفكرين انه زوج مستقبلي لكن اول ماتبتدين حياه جديده مع غيره وتتكيفين فيها بتنيينه انتي اللحن كبرتي لمتي بتنتظرينه لين يصير عمرج 30 ويمكن مايخطبج وبعدين بتحسفين هو بيتزوج وانتي قعدي بالبيت تتحسرين على ايااامج

سوري اختي يمكن كلامي قاسي لكن لمصلحتك لاتعيشين نفسك باوهااام

اختي الغاليه بما انك استخرتي لله وربي بين لك في الحلم خلاص كل شي وضح لك عن العريس والله اعلم
واتمنى لك الخير والسعاده والرزق بالذريه الصالحه والزوج الصالح لك ولكل بنات المسلمين يارب ياحي ياقيوم

ما شاء الله عليك اختي

والله طلعتي قدها وقدود وكفو

عندج عزيمة جبارة تبارك الرحمن وان شاء الله دوم

عسى الله يوفقك ويريح بالك

حبيبتي الغالية مثل ما تفضلت الاخت مريوم وقالت انكم موب صغار وكل واحد اعقل من الثاني وعارف وين مصلحته، دام كل هاي المشاعر داخلج ليش كاتمتها ليش الحينّ شو تنتظرين لين توصلين ال30 وهو يوصل ال40 يلا تحركي ومثل ما يقول المثل ( دقي الحديد وهو حار) انا طبعا ما اقولج روحي واخطبيه من نفسة اكيد لا بس على الاقل وضحي بطريقتج الخاصة حقيقة شعورج، بس اسألي نفسج مليوووووون مرة هل هو هذا الشخص فعلا اللي يستاهل صبري كل هاي السنين؟؟؟؟؟؟ توكلي على الله والله يبارك لج مقدما ويهديج للطريق الصحيح ويكتب لج السعادة.