حماتي وزوجي وحياتي؟؟ ساعدوني

السلام عليكم ورحمة الله وبركاته

اخواتي الغاليات بقولكم مشكلتي باختصار الحمدلله متزوجه من سنه و7 اشهر من زوج طيب ومن عائله طيبه وللله الحمد

اسكن في بيت اهل زوجي وفي الاجازات يكونون عندي لانهم في قريه بعيده شويه عن المدينه اللي اسكن فيها

وتقريبا كل ويك اند يكونون عندي والحمدلله مبسوطين وحالتنا كويسه

خلال الايام اللي مضت زوجي اتخذ مسار معين اني ماروح لاي احد انا مالي خلق اروح له او ماتصل فيني يعني يقول لازم احد يعبرك ويعبرني يكلمونك عندك تلفون وجوال يتصلون عليك يشووفن ظروفك

بمعنى اخر ماتروحين لما احد يوصي لك

المهم حماتي ام زوجي زعلت وصارت تبكي لما انعزمت هي من قبل بيت اخو زوجها وماحد قالي من قبل يعني حددت هي ورتبت وانا اخر من يعلم وهالشي يزعلني

قلت لها مادري يمكن اروح لاهلي ومرتبطه معاهم طيب

هي صارت تلح علي ليش وليش احرجتني وقلت لها والله زوجي مايبني اروح لناس ماكلموني ولا عبروني يوم عروس انا ماحد جاني في بيتي يبارك لكن يوم بنتك ولدت وجت عندكم الكل جا عشانها

وبكت وصارت تبكي وتقولي ليش انتوا كذا وووو وخلاص بكيفكم
وضاق صدري قلت لها هذا زوجي وهذاطبعه واللي مايعزني انا اعز روحي لاتزعلين ودمعتك غاليه علي
وكلمت زوجي وقلت له خلاص كلم امك وفهمها وشو السالفه قالي خير انشالله وبس


من بعد يومين كنت انا وهي بالمطبخ ونسولف وفجاه قالت لي اصلا فلان اللي هو زوجي ماعاد يدلع اخته ومادري شلونه عليها تغير تغير مع العلم اخته متزوجه قبلي وعندها بنت

وهو مايقصر معاهم ابدااااااااا في مناسبه وغيرها نحاول نفرحهم ونجيب لهم هدايا ونسال عنهم وهي ماتهتم منا ابدا ولاتعطيني وجه ابداااااااا

مع اني والله يابنات طيبه مره وياما شفت منها من الحقران والتطنيش مع ذلك عشان خاطر زوجي اقول كله يهون
وفجاه قالت لي خالتي لي صار في خاطره شي لاتجين تقولين انتي خليه يقول

قلت انا ماقلت انتي احرجتيني وراه ماتروحين ولا ماتجين وقلت لك السبب وانتي اصلا ماتواجهين ولدك خلاص كلميه وترفض تقول لا ماقدر استحي اخاف وووو واشياء واجد تمنعني

اصلا هو ماعاد يبينا ولا يبي اهلنا ولا يجلس معنا ولالا
هم جونا هالفتره وكلنا بددوام وعمل وتعب نجي ننام ووقتنا محدود

قالت لي الناس بتقول غيرته حرمته تخيلوا؟؟؟؟؟

قلت انا ماغيرته على احد وتشوفون طيبتي معاكم واهلكم وهو ماتغير انتوا تبون كلشي لكم وحتى لو كان خطا

قالت خلاص انتي ماعليك منا ولا تدخلين وضاق صدري يابنات

وحكيت لزوجي وقالي خلاص لازم نتغير ولاتدلعيني عندهم ولا شي لان الموضوع بدا يتفاقم


والله يابنات ماعمري زعلتهم واحاول ارضيهم واجلس معهم حتى لو ماودي

وش رايكم؟ هل هم غايريني مني؟ ولا وش السالفه؟ مع العلم حماتي مره طيبه لابد من الغيره لكن وراها تقول الحرمه غيرت الرجال؟ وانا ماغيرته هو كذا طبعه لكم مايعرفونه؟