.::أخبروني .. هل أوافق أم أرفض ؟؟ .::.

عزيزتي خبزه هانم
من اتاكم من ترضون دينه وخلقه فزوجوه اليس كذلك؟
ثم الوالدة دائما تحزن لفراق بناتها ولكن بالاخير تفرح وتنسى
أسأليني انا اكثر واحدة تعلقت بي الوالدة قبل الزواج وللحين
وكذلك كانت غير موافقة على عريسي وكنت صغيرة ايضا توه
اتخرجت من الجامعة اتزوجت , بس تعرفين الان زوجي احب شخص
على قلبها وهو يحبها اكثر من امه .
لطالما لم نفعل الا مايرضي الله اذن الله حيكون بجانبنا اكيد
وحيسعدنا ايضا .
بس لو تحاولين تعرفين الوالدة ليش رافضة ؟
كان استطعتي تلافين الاسباب وفرحتك تكمل انشاء الله
على الخير وبالتوفيق يارب

والله يا اختي فهمي من الوالدة اذا كان في سبب محدد وشرعي للرفض.. اذا لقيتي المشكلة هي تعلقها فيج.. فطمنيها انج كنتي وراح تبقين بنتها لو شنو صار!!


ما اعتقد في اي داعي للرفض اذا كان الولد ما ينعاب.. بس حاولي وحاولي انج تراضين امج.. لا ترعلينها.. حبيباتي الامهات والله

أختي قبل كل شي لازم تستخيرين ....
ثانيا جلسي مع امج و كلميها بهدوء و بحنان عن سبب حزنها و رفضها يمكن هي تدري شي مب قادره تقولة و اغلب الضن ان الوالده الله يحفضها يصيدها حزن بسبب الفراق و الفراغ اللي راح يسببه زواجج , صدقيني مافي ام ما تفرح ببنتها بس اكيد هي تخاف من الوحده و ان البيت راح يخلى من بعد زواجج و يا ريت لو تصاريحنها و تبينين ليها انج ما راح تسوين اي شي بهلدنيا من غير رضاها صدقيني بتلين و بتراجع نفسها و راح تفرح لج وايد...... الله يخليكم لبعض يا رب و ييسر لج زواجج و يرزقج الذرية الصالحة التقية اللهم اَمييين يا رب العالمين

أول شي استخيري .. وبعدين سألي أمج ليش مو مرتاحة
كلميها اهي بحاجة أحد يسولف معاها لأن كل أم بتخاف على بنتها ومصيرها وهالشي أكيد مسبب لها هالحزن
الله يوفقج ويكتب لج اللي فيه الخير

ورد نيسان

new 3 roos

آخر العنقو د

سكون

شكراً لكن لتفاعلكن السريع معي ..

في الحقيقه سارت مشكله بسيطه من طرف أهل الشاب يعني من أهل الشاب وليس الشاب نفسه .. يعني مشكله سخيفه مره ..

حتى ان اخته ( زوجه اخوي ) قالت لي انه مره زعل بعد هالمشكله وكان خايف انها تكون عائق في طريق زواجنا ..

وأصر على أهله ان يخطبوني له وفعلاً جاءوا ومعهم كبير عائلتهم .. وابي وافق احتراماً للرجل الكبير اللي معهم ..

وكمان لأن الشاب طيب وخلوق ..

هي قالت لي ان هذي المشكله هي سبب عدم أرتياحها ..

حتى انها امس شافت في المنام حلم مخيف .. وهو مازادها حزناً ..


وانا على عكسها مرتاحه تمام للموضوع ..

كلمناها لكنها مصره على كلامها ..

مدري والله .. مقدر اتزوج وهي مووارضيه .. ومقدر ارفض الشاب المتقدم لي ؟؟

ان شاء الله تكون شده وتزول ويتحسن الحال مثل ماقلتي اختي ورده نيسان ..

شكراً
:(

الوالدة اختي باين كثير حساسة هن الوالدات كدا وبعدين هسه تعرفين من تصيرين والدة انشاء الله , بس كوني واثقة ان كل الزواجات فيها مشاكل والناصحة الي ترفع ثوبها شوي
حتى لاتلوحها المشكلة وتعدي من فوقاها وهذي نصيحة مني ليكي اعتبري هذا العائق
الي في بداية زواجك تمرين او تجربة بسيطة حتى تتقوين ويصلب عودك او توقفين بوجه
المشاكل الي مثل ما انتي قلتي (تافهة) او ماتخليها تتحكم باختياراتك , هذا من حيث المشكله
اما الوادة فحاولي تبينيلها انك قوية او ما مهتمة فالحياة ماتعطينا كل يوم الي نرضى
دينه وخلقه .

تحيتي

حبيبتي

دام الجل اخلاق والرجال الي شوفه يعني اخوانك ووالدك ارتاحو له وهم ابخص فتوكلي على ربك بعد الاستخاره

عزيزتي بعض الامهات من النوع الي يشيل الهم ويمكن امك منهم

مثل ماقلتي دام امك كانت حزينه مع اخواتك الي قبل والحين ماشيه حياتهم ودامك مبسوطه و مرتاحه اقعدي مع امك وشوفي ايش الي مضيق صدرها وشوفي اسبابها واقنعيها

والله يسهل امرك

السلام عليكم ورحمة الله وبركاته

الله يسهّل لك أمورك أختي خبزة...

إنتي خلّيكي على الإستخارة...و أطلبي من والدتك إنها تستخير كمان...

الأمهات عادة يحزنوا جدا لفراق بناتهم...مع رغبتهم أيضا بتزويجهم !

يمكن لمّا تسمع منّك عن طباع الشاب و معاملته الحلوة لك تغيّر رأيها...

الله يتمم لك على خير إن شاء الله...

حبيبتي خبزه هانم ، هل انتي مقتنعة بالشاب ؟؟

إذا كنتي مقتنعة لماذا لا تكلمي أمج في الموضوع و تقومين بالتكلم عن مواصفات الشاب و أخلاقه

و إذا كانت المشكلة التي اصبحت بينكم بسيطة لماذا لا تنسى الماضي

الأم بالتأكيد تكون حزينة بعض الشيء بسبب فراقها لأبنتها ، فراق الابنة صعب جدا

و لكن هذه سنن الحياة ، و حاولي أن تقنعينها نأنج دائما ستطمئنينها عليج

و الله ولي التوفيق

حتى انا امي اذا سمعت بطاري العريس كشرت وانقلب لونها حاولي تفهمينها والاهم استخيري اولا

قعدي مع الوالده وتكلمي معاها وفهمييها انها مشكله بسيطه وتعدي وتصير مع اي احد

وبأي وقت شي طبيعي يعني مو سبب مقنع لرفضه ممكن تتزوجين واحد غيره بس تصير مشاكل اكبر

والله يهديها وتوافق عليه وتتوفقين يااارب والله يهنيج

البنات مو مقصرين ردوا وقالوا الي بقوله لك

بس شوفي ياقلبي امك شكلها خايفة عليك من اهل زوجك

ترا اشين شي ان الوحدة تتزوج اخو زوجه اخوها لانه تصير مشاكل كثير

يعني لو خوات وماخذين اخوان عادي بس نفس حالتك صعبه شوي

لاتقولين انا مالي دخل باهله انا لي بالشاب لانك بعدين بتتنكدين منهم

بس نصيحتي الوحيد استمري على صلاة الاستخارة كل يوم والي كاتبه ربي بيصير

على فكرة انا تزوجت وكل اهلي معارضين مافيه الا ابوي راضي والحمد لله

الله يابنات ... كلامكم ريحني كثير ..

كمان أمي حسيتها اليوم مرتاحه ومبسوطه مو على عوايدها :)

وكأنها متحمسه شوي لزيارتهم لنا ..

الحمد لله أموري راح تتسهل بإذن الله ..

::::::::

ورده نيسان

شكرا لك عزيزتي .. بس مااظن اني راح اكون قويه في مواجهه المشاكل مهما صار .. انا اعرف نفسي زين :-(

الله كريم

-------

عاشقه الجوري 50

هلا فيكي اختي .. وفعلا امي من النوع اللي يشيل الهم .. الله يطول بعمرها ..

------

مرموم

وعليكم السلام ورحمه الله وبركاته

انا استخرت وطلبت منها كمان تستخير لي ..

وماراح يسير غير اللي الله كاتبه :-)

شكراً لك عزيزتي

----------

نوراه الدوحه

أيوه انا مقتنعه فيه ووالدي و أخوتي كمان ..

فعلاً يمكن تكون حزينه على فراقي وخايفه علي .. مدري ..

على كل حال مشكوره اختي عالتفاعل مع موضوعي

----------

لون الغروب

الله يوفقك اختي .. ويرزقك بالزوج الصالح الذي تتمنينه ..

نصيحتي لك ادعي في كل وقت .. بين الاذان والاقامه .. في السجود .. قبل السلام من الصلاه .. في كل وقت وربنا ماحيردك خائبه

انا دعيت ربي وحقق لي منايا ..
وان شاء الله راح تكون الخطوبه الاسبوع الجاي ..
مشكوره

--------------

مناير الكويت

هلا اختي .. خلاص الوالده وافقت ولله الحمد .. وفعلاً المشاكل مامنها مفر سواء معه أو مع غيره ..

شكراً لك

---------

جوري

الحمد لله انا مرتاحه لأمه واخواته إلا زوجه أخوي خخخـ مدري ليش .. حاسه انها راح تكون سبب في مشاكل كثيره ..

الله يستر بس ..

شكراً لك حبيبتي على المرور ..

مشكورين جميعاً على التفاعل مع مشكلتي والله يوفقكم دنيا و آخره

سلام

دايما الام تفكر بعاطفتها اكثر عن عقلها وتكون خايفه على بناتها

فعلشان جيه اغلب اللي اعرفهم في البداية الام تكون غير مرتاحه ودووم تفكير وصياح

وبالاخير عادي ولا كانه صاير شيء

خاصة اذا شافت انه النسيب الجديد زي العسل لما تحطيه على الجرح يبرى :D2