صديقاتي هجروني اقريها ممكن تكون قصتك:)

السلام عليكم ورحمة الله وبركاته
كيفكم يا عرايس؟
أكيد عارفين ايش هي مشكلتي من الموضوع محد مايحبني مالي أهمية مالي قيمة مالي مكان في الشلة نحن مسوين شلة سبعة بنات 3من بنات خالاتي و3من بنات خيلاني انا طبعي هاااااااادئة وخجووووووووووولة و انطوائية كل ماكنا نجتمع عند جدتي نجلس مع بعض يقولولي يالله انت مرة ساكتة اتكلمي شي كنت اقولهم ايش اتكلم يقولولي المفروض مايكون عندك فم ولسان ماتتكلمي
ويوم من الأيام كلهم راحو قعدوا عند خالتي الله يحفظها فرفوووووشة الكل موجود هناك ماعدا
:think:

أنـــــــــــــــــــــــــــــــــــــــــــــــــا ايوة كيف كنت أروح ماأدري انه كلهم هناك وبعد أسبوع لمن عرفت انه البنات كلهم هناك ماعدا أنا زعلللللللللللت مرة كتييييير محد ما قلي هداك اليوم حسيت من جد انا خارج الشلة وغضب الله يعلمه المهم أمي قالت لي روحي عند خالتك البنات ينادوك
ياللعجب أسبوع كامل قعدوا يستمتعوا ونسيوني ولمن حسوا نفسهم طفشانين تذكروا انه في وحدة نااااقصة :gum:قلت لماما مأبغى أرووووح قالتلي ليش روحي أنا ابغى اروح مكان مع أبوك تبي تقعدي في البيت لحالك وأنا أكبر خوافة لاااا أبغى أروح معاكم نحن رايحين بشغلة المهم سابوني عند خالتي وراحوا ولمن فتحت خالتي الباب محد مو جمبها علشان يستقبلوني قاعدين كلهم فيغرفة وكأنهم بيخططوا علي المهم سلمت على الخالىة وقالت ادخلي في الغرفة كلهم جالسين هناك دخلت : طق طق طق السلام عليكم ورحمة الله وبركاته شافوني البعض قام وحضنوني والبعض قاعدين ينتظروني سلمت على كلهم وجات خالتي وقالت شي لبنت خالي قامت هديكا صارت تنقز وتقول لااااااا ليش قلتي له حرام عليكي ياعمتي ليش قلتيلو وأنا مني عارفة شي سألت بنت خالتي كانت واقفة جمبي :ايشبها؟ تاني مرة ممكن ماسمعتني:ايشبها؟ والظاهر انه هداك كان تطنيش بعدين خرجت ورجعت وهي تبكي وانا ما أعرف ايش صار( مولازم تعرفي)بعدين راحت المطبخ وانا وراها وبنت خالي وبنت خالتي شربت الموية وحضنتني وانا دموعي نزلت ماقدرت اوقفها بعدين هما عارفين ليش كنت بأبكي ولمن قلت لهم ليش كنت بابكي قالو لي اصلا نحن ماقلنا لأحد خلاص لا تبكي نحن مرة نحبك لا تبكي بعدين نحن كمان نبكي معاك وكانوا الأولاد جالسين معانا قام قال ولد خالي كدابين لا تصدقيهم والله كدابين عااد قاموا وقالولو اسكت انت مالك صلاح بس بعدين بعد ساعة سكت وصرنا نلعب عادي ما كأن شي حصل
اما دحين انا غيرت نفسي صرت اتكلم كتير والتريكات عندي بهبل قلت ممكن يحبوني برضه مافي فايدة زعلت منهم مافي فايدة سويت اللي أقدر عليه علشان تزيد قيمتي وتكون لي أهمية وزي كدا حصلت لي مواقف كتييييييييييييييييييييييرة بس الموقف اللي ذكرت لكم هو اكتر شي اللي خلاني أبكي قدام الناس:cry::cry:
ساعدوني الله يدخل كم الجنة ايش اسوي علشان تزيد قيمتي وتكون لي أهمية
وعلى فكرة تراني مررررررة حساسة.:cry: