قصة حقيقية

روي ان رجل اتى الى النبي صلى الله عليه وسلم وقال : يارسول الله من احق

الناس بصحبتي فقال الرسول الكريم : امك قال ثم من قال امك قال ثم من قال امك

قال ثم من قال ابوك ...

الأم مدرسة ً إذا أعدتها ************** اعدت شعبا ً طيب الاعراق


منـــــــــــــــــــــــــــــــــــــــــــقول ....

فيه إثنين شباب راحوا على البحر يجلسون على الشاطئ ومعاهم عشاهم . وهم جالسين يتعشون جتهم عجوز كبيره في السن وقعدت تلقط الأكل المنثور على الارض وتأكل. ولما شافوها قاموا عليه وقالوها انتي جوعانه قالت أنا هنا من الصبح وماأكلت شئ . جابني ولدي من الصبح وراح وخلاني وقالي راح أجي آخذك بعد شوي.المهم جابوا لها عشاء وتعشت . وبعد ما تأخر الوقت شالوا أغراضهم وحسوا الشباب إن الوقت متأخر والجو بدا يبرد ومايصير يتركون العجوز على الشاطئ لحالها في الليل وجاء واحد من الشباب وقال لها عندك رقم ولدك نتصل عليه نخليه يجي آخذك . قالت العجوز إيه معي الرقم في ورقه . ولما طلعت الورقه . ايش تتوقعوا مكتوب فيها ؟؟؟؟؟

مكتوب ( من يجد هذه المرأه يآخذها لدار العجزه ) انصعقوا الشباب من المكتوب في الورقه وجالسوا ساعه يترجون العجوز تمشي معاهم . ويحاولون فيها أنها تمشي أي مكان تبيه هي يودونه عليها . أكيد العجوز رفضت أنها تروح معاهم لأن ولدها وعدها إنه يجي يآخذها وتبي تستناه لما يجي.وكانت تقول ولدي راح يجي يآخذني وأنا راح استناه . ماتدري المسكينه إن ولدها تنكر لها ورماها في الوقت الي هي فيه محتاجه له .

المهم

راحوا الشباب عنها وأتركوها على أمل إن ولدها راح يجي يآخذها حسب وعده لها. فيه واحد من الشباب قعد يتقلب في الفراش وماقدر يرقد يفكر في مصير العجوز المسكينه وقام من فراشه وغيره ملابسه وركب سيارته وراح للشاطئ . ولما وصل . شاف الاسعاف والشرطه والناس مجتمعين ودخل بينهم شاف العجوز قد فارقت الحياه

ولما سألهم عن سبب وفاه العجوز قالو له أرتفع معها الضغط وماتت . ماتت من خوفها على ولدها يمكن يكون صار له شئ . ماتت وهي تستنا ولدها يجي يآخذها . ماتت وهي بعيده عن أهلها . الله يرحمها برحمته ويدخلها من أوسع ابواب جنته .أدعوا معي آمين. أرجو من كل من يقرأ هذه القصه أن ينشرها لتكون موعظه لكل عاق لوالديه...
وهذهـ قصيده بالعامية لكل ام تستحق الامومه والبر ... لأحد الشعراء

لـو يـجـوز اسـجـد تـواطيـت وخـضعـت *********** جـنة الرحمن تحت اقدامها

لـو كـنوز الأرض عندي ما اقـتـنعـت *********** ودي افـديها وازيد اكـرامها

مـن شروق الشمس صليت وركـعـت ********* اتــرجـى ربي يـزيد ايـامـها

هاجس دايم إذا رحت ورجعت *********** كيف اعوض حبها واحلامها

في بهاها لا نظرت ولاسمعت *********** نورشمس ما تغيب اعلامها

من ضناها زدني الشوق ورضعت ********* ديننا زود يقين اسلامها

لو وصفت النور منها مااستطعت ************ خلقة الله لبسنه احرامها

لو كتبت ولو رسمت ولو جمعت *********** مانطقت حرفي بدون اقلامها

والكم خالص التحيه,,,,