حائرة ولا عارفه شو اسوي ابي مساعدتكم لا تبخلوا عليه

السلام عليكم ورحمة الله وبركاته..

سبحان الله

دايما لما اثنين يكون بينهم علاقه محرمه شرعا.. دايما يريدون بعض والولد مستعد يخطب البنت لكن..

1. اهل الولد مب راضين
2. الولد ما كون نفسه بعده
3. الولد يمر بظروف صعبه مثل حاله وفاه في العايله ولازم يأجل الموضوع
4. الولد اهله غاصبينه على بنت ما اعرف منو .. والولد ما يباها طبعا بس يبغى شويه وقت عشان يحل المشكله
5...
6...
7..

متى يا بنات بتفيقون من الغفله؟؟؟ انتو شو تبون.. تكلمون واحد يقولكم في الويه انا لا اباج ولا بتزوجج بس بتسلى فيج وبتركج؟ بالعقل يا جماعه فيه حد بيقول هالكلام حق وحده؟

اسمحيلي أختي .. لكن شو يعني "صديق لي ؟" أختي بارك الله فيج ما فيه شيء اسمه صداقه بين ولد وبنت..

دام انه شخص محترم وما يعيبه اي شي

وكيف عرفتي انه محترم وما يعيبه شيء؟؟

وكيف ما يعيبه شيء وهو مصادق بنات الناس مع احترامي الشديد.. وطلب رقمها وقعد يكلمها؟


وانتي بعدج عمرج 22 سنه ليش تخربين مستقبلج بايدج؟

حتى اني قلت هذا اول شاب اشوفه هالشكل يتكلم عن الزواج فشكله جاد.

بارك الله فيج أختي.. الشاب الجاد ما يقعد يتكلم مع بنت ويصر على انها تعطيه رقمها وتكلمه.. وكل مرة يتحجج بشيء.. بس يسير يخطبها..

تصفحي المواضيع اللي في هالركن وشوفي كم بنت انضحك عليها..

نصيحتي لكِ اختي انك تنسيه وتشيليه من بالك.. امسحي رقمه واشطبيه من الماسنجر..

هو يعرفج اذا يباج بيسوي المستحيل عسب يوصل لج..

كلامه واعذاره ما تعني شيء..

بيرد عليج وبيقولج جيه وجيه صار لي وما قدرت اكلمج.. وانتي بتصدقينه وتردين له وعقب فترة بيكرر نفس الحركه..

اذا هو صادق بيتقدم لج.. من غير ما تكلمينه..

لا تضيعين حياتج ومستقبلج.. واهلج ما يستاهلون انك تشوهين سمعتك وسمعتهم..


هذه العلاقات يالغاليه ما وراها الا المشاكل..


اسمحيلي لأني كنت قاسيه شويه.. بس اتمنى تفكرين بعقلج ومب قلبج..

واللي اقولج تسوينه مب صعب.. وبيكون اختبار.. منه بتعرفين اذا هو صادق والا لا..

اذا ما رديتيعليه ولا حاولتي تكلمينه.. لا تليفون ولا مسنجر.. اذا هو صدق يباج بيتقدم لج..

لكن اذا قعد يراسل ويحاول يدق عليج ... هذا ما اعتقد انه صادق..

العلاقه محرمه يا أختي.. وعذاب الله شديد.. والانسان مب ضامن عمره..

هذه الجمله ما تنسينها..

ادخلي هنيه.. بتحصلين محاضرات حلوه اتمنى تسمعيها

اسمحيلي على كلامي

والله يهديج ويهدي بنات المسلمين جميعا

:flower: :flower:

العنيــــــدة™

هلا اختي .. اول شي احب اشكرك على المرور

صح انه كلامش قاسي بس انين صاجة

بسوي مثل ما قلتين ولو يبيني بيجي لي

تسلمين اختي على النصبحه والله يخليج يارب

وشكرا على هالموقع وان شاء الله باستفيد منه

انا رايي من راي اختي العنيده

<<الواحد يوم يبا الوحده مافي شي يوقفه>>

والله يهدي الجميع

ويكتب الي فيه الخيير

واسمحيلي

حبيبتي شوفي كل الاحتمالات موجودة

يعني يمكن هو صدق يحبج يمكن لا
يمكن بس يلعب عليج
يمكن لا

يمكن فعلا اهله مو راضيين ويمكن لا

شوفي عزيزتي ماراح اجيبها لج بطريقة اتجرح مشاعرج ..انا افهم الحب واهو اعظم شي بالدنيا
والانسان الي مايقدر يحب انسان ضايع

بس في حدود للحب وماراح اعاتبج على اللي صار لانه مات صح!

الحين حبيبتي دام كل شي وارد
انتي حاولي تشغلي نفسج...ادري انه صعب .....بس حاولي

وسمي باسم الله وصلي على النبي وادعي ان الي فيه الخير يصر

اذا يحبج بيرجع وهذا شي اكيد
لو مايحبج بيتم يعلقج ويلعب لين مايتعب ويقولج خلاص

انتي شتسوين؟
سوي حد للي يصير

لاتطرشين ولا تتصلين

اذا هو اتصل قوليله هذي انج ماتبين اتكلمينه لان هذا الشي غلط واذا هو صج يبيج يجي ويخطب

وانتي مالج دخل فالاشياء الثانية

يعني اذا امه مو موافقة ولا لا هذا مايخصج

اللي يحب يخطب صح!!

وفي النهاية اقووول الله يهدي الجميع

وانتي حبيبتي لاتحاتين وايد

اختج
#رومانسية#

هلا اختي الرومانسيه

مشكوورة اختي على هذا الكلام الرائع

وشكرا على النصيحة وانا بالفعل الحين ما ناويه ارسل له ولا ادق عليه

ما احب انذل ويقول عني هذا طايحه ورايه

وخلاص قررت لو انه دق عليه برد عليه مره وحده وبقول له مثل ما تقولين وبقطع وياه نهائيا

والله اشكركم كثير خففتوا عني كثير

ولين الحين انطر مشاركات البقيه وابي اعرف راي اكثر الاعضاء

ومتاكده انهم ما بيقصروا معايه

حبيبتي .. نصيحة من القلب لأخت تربطني بها سطور بهالمنتدى الطيب ولكنها سطور صادقة نابعة من قلوب تحبج وتبي مصلحتج لوجه الله سبحانه

عزيزتي ثقي واخذيها نصيحة أي شي بدايته غلط بيكون مصيره الفشل .. لا تبدين حياتج الزوجية بعلاقة مجهولة وغامضة حتى لو دامت 6 سنوات في علاقة انبنت تحت اوهام النت حتى وان صدقت المشاعر فيها صدقيني بيي يوم ويعايرج فيها بعد الزواج وبيظل يشك فيج بكل وقت وانتي طالعة وانتي جالسة عالنت بتظل صورتج بعيونه البنت اللي تتسلى مع شباب بالنت

الغالية لا تزعلين من كلامي .. والله إنها نصيحة لج غرضها تصحين من اللي انت فيه قبل فوات الاوان .. وأسأل رب العالمين يرزقج زوج صالح يعرف قيمتج ويقدرج ويحس دوم إنج أطهر البنات وأحسنهم

رجاء أخير : ابتعدي عن محادثة الرجال بالانترنت .. ولا تصدقين أبدا إن في رجل يكلمج بغرض الصداقة حتى وان وجد فالشيطان بيظل ملازمكم في كل كلمة تقولونها

تحياتي لج والله يوفقج

العفووو حياتي

احنا في الخدمة دايما

هلا سكون

اشكرش من كل قلبي

يالغاليه انا من كذا سنه كلش ما ادخل المحادثات .. السنوات الاولى من النت قعدت عالمحادثات وتعرفت عليه

وصح احنى كنا نتكلم بس مو ذاك الزود مرات قليله كنت اكلمه .. ومدري فجاءه صار فتره يكلمني كثير ودش معايه بذا الموضوع

وان شاء الله بتذكر نصيحتج وبعمل عليها .. والله مدري شلون اعبر لكم واقول لكم شقد خففتوا عني

بحد اشكركم واااااااايد .. والله يسامحه على عملته هذي :(

تسلمون لي خواتي .. والله يوفقكم يارب ويسهل عليكم في حياتكم يارب

ان كان صادق النيه فسوف يتقدم لخطبتك

واذا كان من نصيبك فالتوفيق من الله عزوجل

وعسى ان تدووم حياتكم بالاعمال الصالحه والتوبه النصوحه

عسى الله ان يتوب علينا وعليكم ويغفر ذنوبنا ......امين

حبيبتي خذيها مني نصيحه

مااعتقد فيه انسان محترم بيكون حاط حياته ومعلقها بالماسنجر
يعني لو بنت نقول ان البنت مو مثل الولد في الارتباطات والطلعات فتشغل وقتها بالنت لكن الولد ليه؟؟

وبعدين يجوز مثل ماقالو البنات انه يحبك بس حصلت ظروف

ويجوز ان لعبه هذا كله عشان ياخذ الرقم ويماطل
لان الشباب عارفين نقطة ضعف البنات الاوهي الزواج

حبيبتي بدايتكم غلط واتمنى انك تنهينها لاتقولين مااقدر باين من كلامك انك قويه وقدها

وسوا جاء حياه الله ماجاء بسلامته اهم شئ انك ماركضتي وراه وقبل كل شئ مااغضبتي ربك

والحين ابيك بعد ماتقرين كلام اختك عاشقه تروحين تمسحين رقمه
وتحذفينه من الماسنجر ولاتردين عليه لانه يظل غريب
ولو دق وازعجك بالاتصالات ارسلي له مسج وقولي بيني وبينك الزواج ولاكل واحد في طريق
طبعا باسلوب محترم مافيه تطاول

والله يسهل امرك

سكون:
حبيبتي .. نصيحة من القلب لأخت تربطني بها سطور بهالمنتدى الطيب ولكنها سطور صادقة نابعة من قلوب تحبج وتبي مصلحتج لوجه الله سبحانه

عزيزتي ثقي واخذيها نصيحة أي شي بدايته غلط بيكون مصيره الفشل .. لا تبدين حياتج الزوجية بعلاقة مجهولة وغامضة حتى لو دامت 6 سنوات في علاقة انبنت تحت اوهام النت حتى وان صدقت المشاعر فيها صدقيني بيي يوم ويعايرج فيها بعد الزواج وبيظل يشك فيج بكل وقت وانتي طالعة وانتي جالسة عالنت بتظل صورتج بعيونه البنت اللي تتسلى مع شباب بالنت

الغالية لا تزعلين من كلامي .. والله إنها نصيحة لج غرضها تصحين من اللي انت فيه قبل فوات الاوان .. وأسأل رب العالمين يرزقج زوج صالح يعرف قيمتج ويقدرج ويحس دوم إنج أطهر البنات وأحسنهم

رجاء أخير : ابتعدي عن محادثة الرجال بالانترنت .. ولا تصدقين أبدا إن في رجل يكلمج بغرض الصداقة حتى وان وجد فالشيطان بيظل ملازمكم في كل كلمة تقولونها

تحياتي لج والله يوفقج

انا اضم صوتي للأخت العزيزة

والله يوفقج يارب ويحفظج من كل شر

اختي العزيزه

شاب يوم يبي يعلق البنت فيه وش يقول انا خاطري اتزوجج يعيشها باوهام في النهايه يقول

امي معترضه يحط حجج مالها اساس من الصحه



فاتبعدي عن هل العلاقه الي مو عارفه اخرتها

الله يعوضج بزوج اخير منه ان اش ءالله الي يدق البيوت من ابوابها

موفقه

السلام عليكم

احب اشكر وحده وحده على وقفتها وياي ونصائحكم ليه

على طول بعد كلامك حذفت رقمه من عندي نهائيا

وبالصدفه اليوم دش النت وما قال لي الا ان الاهل رافضين الفكره نهائيا .. واكلمج الدمعه على خدي

وما قلت له الا انه اذا اهلك من هالنوع ما كان المفروض تبدا هالعلاقة كلش وهم الي خسرانين كنت بحط الوالد والوالده في عيوني

واعتبر هالفترة الي عشتها وياك بعتبرها حلم وصحيت منه وانا اؤمن بربي والنصيب والقدر والمكتوب يصير

الحين ارتحت .. عرفت شو الي صاير وعرفت مصيري .. وانا اقول بكل ثقه اهله الي خسرانين

انا الحمد لله من عيلة محترمه ومتربيه احسن تربيه واعرف قدر الوالدين سوا كانوا اهل زوجي او اهلى

وصار الي صار .. وتجربه وتعلمت منها ... توني باديه حياتي و ورايه وااايد اشياء اسويها وابني مستقبلي

واشكركم مره ثانيه على هالتعاون .. والله لا يحرمنا منكم

حبيبتي انا رايي من راي العنيدة

بعدين كثير من شباب دول الخليج هالايام الامن رحم ربي لعاب يلعب بالبنت ويتزوج غيرها

شوفي قلبي اولا العلاقه من الاساس غلط ولو صار حب وتفاهم راح تكون حياتك تعيسه تدرين ليش

لان زوجك راعي نت وبيضل الشك والغيرة تاكلك اذا شفتيه قاعد على النت وهو بعد بيشك فيك

وحتى لو وثقتي فيه ياختي الوحدة منا ماتصدق زوجها يرجع من دوامه ويتغدى ويريح عشان يجلس

معاها شوي مو يقعد لها على النت يسولف مع غيرها ترا هالموضوع يمكن ماتحسينه كبير بس اذا جربتيه

تحسينه جحيم

وبعدين اهم شي انتي تبين تتزوجين من شخص من ديرة ثانيه ترا هذي قمه التعاسة انك تكونين بعيدة عن اهلك وصديقاتك

انا رأيي اقطعي العلاقة ولاتفكرين فيه ابد لانه ما يناسبك اساسا

السلام عليكم ورحمة الله وبركاته

ما شاء الله...البنات ما خلو لي شيء أقوله...كلامهم كله صح...

أختي ما بني على باطل فهو باطل...

و هذه الحجج سمعناها و شفناها و عرفناها...و الشباب ما أشطرهم في الأعذار...

لكن لو واحد يريد واحدة بركض عليها ركض...

ليش ترخصي نفسك و تتصلي و تبعثي مسجات ؟ مش هو لو يريدك راح ييجي... !

يعني ما في داعي لكل ذلك...ما تقومي بأي خطوة أكثر من ذلك...إلغيه من حياتك...إلا لو جاء باب بيتكم...

الله يوفقك و يهديكي يا رب

السلام عليكم

والله يا بنات مدري شلون اشكركم

بصراحه وقفتكم وياي ساندتني وااااااااايد وخففتي عليه

ما بكذب عليكم اشوووي متضايقه اليوم بس ما عليه كلها ايام وبنسى

اشكر وحده وحده عالمسانده والله يخليكم لي يارب ولا يحرمني منكم

نغووووووووومة