هل توافقين ان يكووووووووووووون خطيبك وزوج المسقبل من0000

أنا ما راح أوافق إلا يكون قريب من بلدتي لتقارب العادات

يعني خليجي ممكن بس غيره لااااااا

مستحيل

والتعليل أحنا نحما عادااااااااااات غيييييييييييير وأهم شي تقاليدنا

انا سعودية ما ارضى الا بسعودي

أنا من بلد وزوجي من بلد ثاني، لكن هذا ما يمنع إذا الرجال إنسان بيكرمك وبيصونك وما بيقصر معاكي إنتي وعيالك أنك تتزوجينه... مع الأيام والسنين نظرة الوحدة تتغير للأمور... ويصير تنظر لأي موضوع من عدة اتجاهات وتدرس سلبياته وإيجابياته و تكون واعية ومسؤلة عن القرار اللي تتخذه.

أصلا خلاص ما في مجال الواحد يختار ^_*

بس لو فرضنا ما راح أوافق لسبب وهو إني شفت وشلون تكون المعاملة للزوجة الأجنبية و أبنائها .. وبعدين الوحدة لازم تفكر بعقلها قبل قلبها في هالمسألة .. و تشوف الواقع ..

ومثل ما قالت الأخت شريفة " حلاة الثوب رقعته منه وفيه " ..

تسلمين الغالية على الموضوع ,,

ماوااااااااااااااافق حتى لو اقعد بدووووووون زواج لكن ماطلع من بلااادي


اشوووف هالشيء صعب وااايد مب شوي اول شيء بتفارقين اهلج وما تقدرين تشوفينهم الا بالمناسبات ( هذا اذا رضا الزوج ) وحتى التيلفونات ما بتكون يومية وبتحسين انج في عالم غريب عاداتهم وتقاليدهم غير عن اللي عرفتيهم وبتكونين وحيدة بدون اهلج ............... وبعدين اذا رحتي بتنسين بلدج يعني جنه مسوين لج ابعاد عن البلد وبيكون حالج وحال السياح واحد


ذكرتي المثل مصرية + سعودي
( فيه عدنا وااايد في الامارات ماخذين مصريات وماشوف خذوا عيالهم منهم بالعكس اذا عيالج يحبونج بيبونج حتى من آخر الدنيا لو ابوهم تخلى عنج لكن اذا امهم تبا تعيش في مصر ( بعد الانفصال ) فأكيد عيالها بيظلون مع ابوهم ومستحيل يعيشون في بلد غير بلدهم )


هذا رايي ^_^ والله الموفـــــــــــــــق

بكل صراحه لن اوافق

انا متزوجة من جنسية اخرى و مثل ما قالت جنة امل مادام مكرمك وصاينك وتحبوا بعض شو المشكلة والله في بعض الاحيان يكون احسن من القريب ولد البلد وما بيحسسك بالغربة ابدا اببببببببببببببداااااااااااااا

شكرا عزيزتي الجوري على موضوعج الحلو

احس انه الموضوع شوي صعب يعني فيه سفر وغربة عن الأهل
أحس لو تقدملي شخص مب من بلدي ما راح اوافق لني بفكر في العيال اذا صار الانفصال

هلا الجوري موضوع حلو
اكيد ما راح نكون افضل من الرسول لما علمنا ان نزوج من ارتضينا دينه بغض النظر عن الجنسيه.
ولكن لن نكون مثل الرسول او الصحابه في تعاملهم وان ضمنا انفسنا فلا نضمن الغير, من رائيي لو تزوجت من بلد خليجي فهالشئ عادي لاننا كدول خليجيه لنا نفس العادات والتقاليد وما راح يكون اشياء دخيله وغريبه على البنت لو راحت لدوله خليجيه ثانيه. بالنسبه للزواج من جنسيه عربيه اخرى ممكن تكون فيه صعوبة لان الواحد يفكر بكل الاحتمالات السيئه قبل الزينه والزظمن غدار, لو الرجال خليجي وتزوج من الجاليات العربيه فهناك يكون ازدياد لنسبة مشكلة العنوسه في بلده ويمكن الشاب يلجا لهالحل لغلاء المهور او لانه ارتبط عاطفيا بفتاة احلامه.وفي كلا الحالتين فاولاده مو متضررين والضمان بالله.
لكن لو الخليجيه تزوجت من احدى الجاليات العربيه فهنا ممكن تصادفها مشكله الجنسيه لاولادها,
وفي النهايه كله نصيب واذا الرجال واهله زينيين فهذا ما يمنع ولكن لكل قضيه امتدادات واعتبارات خارج عن نطاق المثاليه.

تحياتي

السلام عليكم و الرحمه

الصراحه عن نفسي إن شاء الله إلي راح أرتبط فيه من دول الخليج ... يعني مب من نفس بلادي

همي في الاول و الأخير إيمانه بالله و أخلاقه و إحترامه و ثقته فيني و يقدرني و يقدر أهلي

اصلا انا قبل لا يكون لي رأي فالموضوع اهلي ما بيوافقوا ...يمكن لو كان خليجي هذا يمكن بس غير الخليجي مستحيل
اذا كان احنا العماني اللي هو عماني ولد بلادي ومايوافقوا عليه الا بمواصفات معينه يدخل فيها الاصل والنسب فمابالكم بشخص مو من بلدي
اكيد فهالموضوع مو رأيي انا اللي بيمشي رايي اهلي بس لو جيتوا علي لو الواحد كان معروف بأخلاقه ودينه ومثلا كان عايش فبلادي فأنا ماعندي مانع
بس عاد اهلي ما بيرضوا وبتصير مشاكل وكل وحده اهم شي عندنا اهلها ورضاهم عليه ولا مابترتاح فحياتها

مشكوره جوريتنا ع الموضوع

بصراحة أنا عن نفسي أقول إنه الواحد أهم شي شخصيته وأخلاقه ودينه
والجنسية والأمور الشكلية كلها مظاهر وكلام فاضي

يااااامـــــا حريم متزوجات من أولاد بلدهم وندموا ويشتكوا وغيرهم تزوجوا من برا البلد ورضيوا ورتاحوا

مسألة الزواج يا جماعة أكبر من انها تتحدد تحت مقاييس

أهم شــــي التــــــــوافق الروحي والعقلي

وبعدين كل شي حيكون رائع.

خالص التحايا,

ما كنت أتوقع في يوم من الأيام أتزوج واحد ما هو من المنطقه إللي أنا ساكنه فيها...

بس الله وفق والحمد لله متزوجه واحد يسوى الرجال كلهم....

الزبده هو سعودي وأنا سعوديه صحيح هو من مدينه وأنا من مدينه ثانيه والفرق بين بيت أهلي وبيتي الحين 7 دقايق بس....

بس أنا ما أئيد إن البنت السعوديه تتزوج من دوله ثانيه إلا من دول الخليج...

أعرف وحده ملكت على واحد من ديرتنا وبعد أسبوع فكوا خطوبتهم... وملكت على واحد ثاني بعد 3 شهور...

والمفروض إنهم يتزوجوا بعد سته شهور... بس قبل شهر من موعد الزواج فكوا خطوبتهم...

تدرون ليش؟؟؟

يقول إن أهل العروس ما عطوهم خبر إنها كانت مملكه على واحد ثاني قبل...

مع أن يتهيأ لي أنا مش متأكده إن المفروض لما يملكوا الشيخ يعطي العريس خبر إنها كانت مملكه قبل...

وهذا هم من ديرتنا...

تخيلوا بس 6 شهور وتزوجت واحد إماراتي... وهذا هي عايشه أحلى عيشه الله يسعدها إن شاء الله...

انا مع الاخت بنت القمر الزواج قسمة ونصيب والواحدة منا تطلب الله على زوج صالح يصنها ويحافظ عليها ويخاف الله حتى لو ما كان من ديرتها المهم هو التفاهم والوفاء والاخلاص والحياة السعيدة وكل وحدة منا وجهة نظرها
وشكرا

اكيد لالالالالالالالالا لنا هو عنده عادات وتقاليد وانا عندي عادات وتقاليد احسن شي اخذ واحد مني وفيني مثل الاعادات حتى بعد ارتاح معاها احس انا وياها ما نختلف نفس الشي واكثر من هذا الزوج يؤدي الي الطلاق والسبه الاختلاف في كل شي هذا اذا كان غير خليجي ام اذا كان خليجي عادي لنا حنا الخليج عاداتنا وتقاليدنا نفس الشي ومراح نختلف بالراي و احلا شي الوحده تاخذ واحد منها وفيهاااااااا

أختي الجوري...
إذا كان عربي،،المفروض انه مافيها شي...بس صعب كثير وحده خليجية تاخذ عربي،،والسبب عاداتنا وتقاليدنا تختلف واجد...
أما بالنسبة للخليجي...بعد لازم تكون هناك شروط.....
يعني عن نفسي انا بيتنا ماراح يرضون لي غير واحد من أهلي اللي بالسعودية أو قطر بس،لأن أهلنا هناك،،ونعرفهم...أما واحد مانعرفه مستحيل ناخذه لأنه مهما يكن صعب تاخذين واحد أهلك مايعرفونه أو مايقدرون يسألون عنه.....

لكن في النهاية أفضل أن كل بنت تاخذ ولد ديرتها،لأنه أولى فيها،وبنفس الوقت أضمن لها ولحياتها،،وتكون قريبه على أهلها...

السلام عليكم ورحمة الله وبركاته
انا عن نفسي ما اوافق
لان الحين ولد البلد مانقدر نعرف عنه كل شي ،فشلون الغريب شلون اخلاقه وتفكيره وطريقة حياته
واهم شي الاولاد باثر عليهم وما ابي كلامهم مرقع وما اقدر بعد عن اهلي مكان بعيد

لا اوافق
انا لم اقرا المداخلات السابقة لذا سامحوني اذا تكررت الفكرة
اسباب عدم الموافقة كثيرة اهمها اختلاف العادات و التقاليد و نمط التربية و الى اخره

والرسول صلى الله عليه وسلم يقول: ((إذا جاءكم من ترضون دينه وخلقه فزوجوه إلا أن تكون فتنة وفساد كبير))

الدين يرضى بكل خاطب مادام متدين ويخاف ربه

انا والدي ما كان يوافق لما يجي حدا مو من بلدي ...

كان يقولي لوصار شي لا سمح الله ولازم تفترقو اولادك راح يضيعون

واللغة اللي راح تربي عليها اولادك حتسير متشابكة .. يعني الواحد يكلم اولاده بلغة والزوجة تكلمهم بلغة اخرى


والله اعلم