الى قد المسئوليه تدخل

هلا فيج أختي عاشقة البراري حياج الله ويانا

ألف مبروك لأخوج والفال لج بولد الحلال ان شالله..

وايد حلوه فكرة الشعر وياليت كنت أقدر أفيدج.. شي في الرياض وايد أماكن تعطينهم أسامي ويسوون لكم قصيده بفلوس طبعاً.. وعن اغنية فطومه ماعرف والله ما أسمع أغاني..

بس بحاول أساعدج في شو تحتاجين للعرس... طبعاً الفستان دوري أول شي على الموديل اللي تحبينه وعقب دوري القطع المناسبه للموديل.. ولا تنسين يكون الموديل واللون مناسبين لجسمج ولونج مب بس عالموضه
وطبعاً الاكسسوار مكمل للفستان.. اذا فستانج فخم ييبي اكسسوار رقيق مثل سلاسل ناعمه.. واذا الفستان بسيط ييبي اكسسوار فخم شوي.. والجوتي الله يعزج يكون مناسب للفستان بعد..

ودامج من السعوديه مثل ما فهمت اكتبي طلب من بنات السعوديه يفيدونج بأسماء الصالونات الحلوه للمكياج والتسريحه.. ولا تنسين قبل العرس تسوين تنظيف للوجه عشان يكون الويه منور.. ولو يكون منزلي أحسن وأضمن بالماسكات والمنظفات الطبيعيه..
ونصيحه لا تسيرين عند اي صالون يسويلج تنظيف إلا إذا كان مضمون عشان ما تلتهب البشره.. ولا تخلينهم يسوونلج بخار لان الدكتوره قالت لربيعتي ان البخار اللي يسوونه تضر بالبشره..

هذا اللي يا على بالي الحينه.. ان شالله اكون افدتج..

وسلامتج