ساعدوني في لبس للسفر بدل العباية...

انا اشوف ان عباية الكتف جدا مناسبة للسفر وممكن تخلينها فوق الجوزة بشوي بس عشان ما تتوسخ

القمصان الطويلة اللي لحد الركبة مع بنطلون واسع او تنوره

تلقين هالقمصان عند زارا و موديلاتها بسيطه وماتلفت وبعدة ألوان

ممكن تشترين واحد منهم وتودينه للخياط يفصل لك نفسه حسب الألوان اللي تبينها او اي تعديل او تطويل تبينه

بالطوات زارا الفرو والجلد بعد مناسبين

والبنطلوانات الواسعه والطويلة وتكون موديلاتها بسيطه بعد تلقينها في زارا وبكثرة وجميع الألوان

أول شي تروحين وتردين بالسلامه ان شاء الله

بما اني من الكويت والموضه اللي عندنا ألحين ((( البنجابي ))) مو تضحكون هذي الموضه الحين وشوفو الاجانب الحين
ممكن تلبسينه مع الجينزات (( ^&)§¤°^°§°^°¤§(&^الجينـــز ^&)§¤°^°§°^°¤§(&^)) ويطلع شكلج حلو ومرتب
و اختي رعبوب صاجه في كلامها ][®][^][®][ZARA][®][^][®][ عندهم بنجابيات حلوووووه وايد وطويله شوي تناسبلج

وتحياتي
|--*¨®¨*--|العروسه الناعسه |--*¨®¨*--|

العبايه افضل أختي وهذا شوري لاتزعلين مني

وفي موديلات روعه تناسب السفر

اتمنى لك رحلة سعيده

انا مع اختي شرفة القمر

يالغاليه وشفيها لو سافرتي وانتي لابسة عباتج ... ؟؟

اسمحيلي الغاليه ادري كلامي بيغثج بس كلمة الحق تنقاال .. صح ولا لاء
ابى افهم شمعنه في البلاد تلبسون العباه وبره تفصخونها ؟؟؟ ليييش يعني ... شو فيها لو كنتي لابسة عباتج ومسافرة وتكشتي وييتي .. يعني تتستحون تلبسوون العباه في بلاد بره ؟؟

عيوووني لا تزعليين مني انا هذا رايي وانتي عقلج في راسج تعرفين خلاصج

والسمووحة

بنفسووجة

مرحبا عزيزتي اجازه سعيده ان شاء الله --------- بالنسبه للبنات ترا هذي حريه شخصيه لبس العباه ولا وكل واحد علييه بنفسه وشكرا ---------- حبيبتي بتلقيين في زارا انا شفت الاسبوع الي فات جاكيت طويل لين تحت الركب كانه جلباب وساتر فيه الوان وكذا شكل ------ وفي برومود عندهم بنجابي مثل ماقالت الاخت من الكويت الموضه جييه ترراا انا شريت جييه حق السفر مريح وانيق -------- وعندج بعد ممكن تلبسين تنوره قصيره لين الركبه وتحتها بنطلون وجاكيت فوق------ هذا الي في بالي الحين الغاليه والسموحه

عمرون:
انا اشوف ان عباية الكتف جدا مناسبة للسفر وممكن تخلينها فوق الجوزة بشوي بس عشان ما تتوسخ

:up:



:up:




أقتراح حلو... والحين نازله الخامات اليديده اللي شوي فيها كسرات وحركات حلوه

مرحبا خواتي ...
بالنسبه للأخت .. أنا مثل ما قالوا خواتي ... فصلي لج قميص طويل أنيق أو أشتري لج ، مع بنطلون .. ترى الشكل يكون وايد حلو وبعدين مريح لج وايد خاصه حق التنقلات .. أنا توني راجعه من شهر العسل وكنت مفصله لي كذا موديل ...... بعدين بالنسبه للأخوات اللي قالوا العبايه، مع احترامي لهم، بس ترى العبايه في بلاد بره كلش مو عملية، و فوق هذا تلفت النظر ...... بعدين في أماكن وايد ما تناسب حد يلبس العبايه .. يعني تصوري تروحين البحر و أنتي لابسه قميص طويل غير اذا انتي كنتي لابسه عبايه و خايفه عليها لا تتوسخ أو شئ .....

شكرا جزيلا لخواتي اللي ردوا وللأفكار الحلوة اللي اقترحتوها........
خواتي عمرون، شرفة القمر، بنفسجة العين، بنت الفجيرة مشكورات على الردود، بس حبيت أوضح لكم أن أنا ما عندي اعتراض على العباية ومب من الناس اللي يفصخونها في السفر، بس حبيت يكون نوع من التغيير (الساتر)، مثل ما لاحظتوا أني اخترت البديل شي مشابه للعباية (جلباب أو بالطو) أو جاكيت طويل مثل ما اقترحوا الأخوات، وأنا شخصيا أشوف أنه ممكن يكون أستر من العباية لأنه مسكر كامل، وبعدين أنا وضحت أنه يكون تحت الركبة يعني طويل وأريح في السفر لأن في سفراتي السابقة أتبهدل مع العباية، لازم أمسكها دايما عشان ما تنفتح وأرفعها في بعض الأماكن (مثلا الجبال)، ياليت يكون قصدي واضح...........(f)

الأخوات رعبوب، العروسة الناعمة، Missuae، insana ، مشكورييين ع الأفكار الحلوة ، وهدفي هو مثل ما وضحت الأخت insana الراحة في التنقلات......، انشاالله اليوم سايرة زارا وبرومود، وبشوف الأشياء اللي اقترحتوها..........(f)

عزيزتي

طبعا انك تلتزمين بحجابك وعباتك حلو وليه تغرينها بالطلعات
بس بماانك طلبتي انا اقولك
يعتمد وين تروحين
يعني لو اوروبا وشاكلتها البسي لك البلايز الطويله الي لحد الركبه اوتحت مع بنطلون وسيع عشان تاخذين راحتك بالمشي ولاتنسين غطاء الراس

امااذا بتروحين لاحد الدول الي صار السياح العرب منتشرين فيها يعني العبايه مو مستنكره وملفته فالبسي عبايتك

حبيبتي Aryam بالنسبة لي أنا أشوف أنو افضل شي تلبسه ممكن يكون الجلباب بس برضو الجلباب بالنسبة للبحر والجبال مو عملي وأحسن حل بنظري هو أنك تلبسي القمصان الطويلة متل ما حكو البنات وأنا عن نفسي كل ما أروح دبي و كل ما خواتي ييجو اجازة عنا هون من دبي بوصيهم على تشكيلة ملابس من زارا لأنها كتير حلوة وعملية و بنفس الوقت أغلب ملابسهم و بلايزهم طويييلة
وتروحي وترجعي بالسلامة و رحلة موفقة
وأتوقع أنو زارا الو محل بالسيتي سنتر بالطابق الاول على ما أظن

حبيت أقول إن الله موجود في كل مكان في الحل والترحال
وسوي إللي يرضي ربك ودينك

تحيـــــــــــــــــــــاتي

شكرا للأخوات اللي ردوا واللي ما ردوا بعد، بس بلييييييز ماحد يفهمني غلط، أنا مو قصدي التحرر، القصد أني ألبس شي يكون مريح في السفر...........

فية موديلات مسكرة حتى من العباءة عشان ما تنفتح.. وعباءة المطار غير عن عباءة الرحلات, والاصل في العباءة ستر مفاتن الجسم وعدم تحديد معالمة حتى ان بعض الفقهاء حثوا على البعد عن الالوان الفاتحة والجذابة لانها تلفت الانتباة, وعلى فكرة الاوربين مايحبونا بعباة ولا بدون عباءة

وعلى فكرة الاوربين مايحبونا بعباة ولا بدون

:up:
:up:

هلا خواتي، أنا أساسا في كل سفرة ألبس العباية اللي تكون مسكرة كاملة، بس اتعب فيها لأنها طويلة عشان جذي فكرت بجاكيت طويل أو بالطو خفيف حتى لو كان لونه أسود بس يكون شوي قصير، تخيلو أسوي عباية قصيرة :smile:
بعدين أنا والله مش هاميني الأوروبيين، عنهم ما حبونا، شو بيسوي لنا حبهم يعني بيدخلنا الجنة؟؟؟!! بس حبيت أقول شي ما أدري إذا حد يعرف عنه والا لا، مرة كنت أتابع برنامج الإفتاء اللي يطلع في ال Mbc، وكان الضيف شيخ وايد معروف بس ناسية اسمة، المهم في حد سأله عن اللبس الشرعي وصفاته، قال من الشروط المهمة في اللبس أنه ما يكون غريب وملفت في البلد اللي أنت فيه، هو بنفسه كان لابس بشت فقال حتى البشت على سبيل المثال ما يصير أني ألبسه في أوروبا أو دول أجنبية لأنه مو معروف عندهم، وأعطى وايد أمثلة ثانية، وأنا سمعته بأذني يعني محد خبرني..........والله أعلم...
وسلااااااامتكم

فااااااااااااااااااااااااالج طيب أنتي متى بتسافرين إن شاء الله؟؟

أنا من دبي و عندي كمن بالطو بنفس المواصفات اللي تبينهن يمكن أطرشهن لج و شوفي إذا عيبنج إلبسيهن، أو بحاول اطرش لج إياهن صوره عن طريق البريد الخاص..(مالبستهن يا غير مره أو مرتين)..

و انا أايد كلام الأخت اللي قالت لبس البنجابي لأن بصراحه وايد مريح في السفر و ساتر في نفس الوقت..

أنا سايره ماليزيا نهاية الأسبوع الياي إن شاء الله و ما احتاج لبس البالطو هناك لأن الجو مول ما يساعد، و بالمناسبة إذا أي حد منكم حاب أي شي من ماليزيا ترا مايردكم إلا لسانكم (أتكلم جد) :smile:

مشكورة الغالية [size=1][size=4]غرام القلب [/size][/size]وما تقصرين،
ياليت فديتج تطرشين لي الصور على الخاص إذا مافيه تعب، وإذا كانوا الصور واظحات بفصل مثلهم، وانشالله تلبسينهم بالعافية....
واتمنى لج سفرة حلوة وممتعة وتروحين وتردين بالسلامة.......

كنت في السابق من أنصار المحافظة على العباءة أثناء السفر ولكن لاحظت أنها تشد الأنظار إلينا ويتم استغلالنا في بعض الدول لمعرفتهم بأننا خليجيون ، فاستبدلتها بالبنجابي أي البنطال الواسع والقميص الطويل الواسع أيضا فارتحت كثيرا بهذا الزي لأنه عملي ومريح للسفر .