عزيزتي عيون وساع
هذي هي صلصة سيزر الاصليه ..
سلطة سيزر
المقادير :
زين زيتون 3 ملاعق طعام
صلصة رانش 2 ملعقة طعام
صلصه ايطاليه 2 ملعقة طعام
ليمون 1
توست (روتي سلايس ) محمص 4 قطع
بصل ابيض شرائح نصف حبه
جبن بارميزان مبشور 40 جرام
دجاج صدور مقطع على شكل طولي 3 صدور
خس امريكي 1 مقطع شرائح
ملفوف احمر نصف مقطع شرائح
خيار حبتين مقطه شرائح
الطريقه :
طريقة الدجاج ..
حبتين بصل احمر مقطع شرائح
ثوم فص واحد مدقوق
ناخذ البصل والثوم ونضعه في المقلاه مع قليل من الزيت
حتى يذبل البصل ثم نضع الدجاج ونحركه كل شوي ونضيف
شوي من الماي تقريبا نصف كوب ونضع ملح وفلفل اسود
ونتركه على نار هادئه حتى ينضج تقريبا 20 دقيقه ..
الآن ننظف الدجاج من البصل حتى يكون نظيف تماما
يعني راح نشووويه من غير البصل الي حمرناه مع الدجاج ما نحتاجه
الحين نضعه الدجاج وهو نظيف على الشوايه ونرش عليه فلفل اسود
ونسكرها حتى تنشوين من الجهتين لين نشوف لونها صار حلو وناضج
هذا شكله النهائي
طريقة السلطه ..
نخلط الخس والملفوف والبصل الابيض والخيار مع بعض
وعلى صحن ثاني نخلط الليمون مع الملح والصلصات وزيت الزيتون حت يتجانس
ونضعه على الخلطه
وعلى صحن التقديم نضع السلطه ونزينها بقطع التوست والدجاج وجبن البارميزان وتقدم
وللرغبه اذا كنت حابه تخلطين شوي من التوست مع السطله ما يخالف ..
يعني اخلط شوي مع السلطه والباقي للزينه من فوق
ويقدم وبالعافيه
اتمني يكون نال اعجابكم
والله انها لذيذه ونالت اعجاب الاهل واسمعوا المدح والله يجنن والتجربه خير برهان
