يوم عقد القران

نبراس الشرقية 03-07-2005 22 رد 1,770 مشاهدة
ح
ما قصرتو اخواتي
ج
الجلوة تقصدن فيها الخلوة يعني تكون لحالها
أ
[COLOR="Green"]السلام عليكم

طبعا عندنا حفله الملجه في البحرين مميزه

وعادة تكون العروس لابسه فستان ناعم جدا وغالبا ما يكون باللون الاخضر ومغطيه بمشمر اخضر فيه زريي وشك ذهبي

ويجي ابوها يسلم عليها قبل لا يروح حق حفله الرياييل

في حفله الرياييل يجمعون المعازيم ويكون الشيخ والمعرس وابو العروس محط الانظار ويعقد الشيخ ويعد الفلوس ابو العروس او الشيخ نفسه

المهم عقب ما يخلص عشا الرياييل يرروح المعرس الى بيت العروسه

تكون العروسه جاهزه وكاشخه ومتعدله

وغالبا ما تكون الحفله في البيت ويكون البيت او الميليس مزين بالسناحات(الخلق الاخضر يلي فيه زري ذهبي)

ويسون سفره عجم ويكون فيها مناظر وقرآن وتوزيعات على المعازيم والفواكه المزينه

وتكون العروس جالسه ومغطيه بالمشمر الاخضر ليما يجيي المعرس

طبعا المعرس على الباب وحواليه النسوان من اهله زافينه بالاغاني الشعبيه

ويدخلونه ويوصلونه ليما العروس

يجي المعرس ويرفع المشمر الاخضر ويقبل جبينها ويقطون اهله عليهم الفلوس ويشببونهم بالشبه ويبخرونهم بالبخور ويقرون عليهم الايات للحفظ من الحسد

بعدين يطلعون الناس والمعازيم ويتم المعرس والعروس لحالهم

----------------------------------------------------------------------

ذكرتوني بيوم ملجتييييييييي صج حلوووووووووووووو ومميز معنيي ما سهرت كثير مع زوجي لاني قلت له تعبانه وبانام!! مسكين طلع لحاله قال عجل اخليك !! طردته من اول يوم!!:D:D:D

مو متعوده على السهر :ss::ss:!!

هبله صج ماا عرف !![/COLOR]
X