اسألة محرجة.. بلاوي زرقة.. بس امانة للنساء فقط..

عزيزتي اسلامية صدقتي والله المهم انه الواحد يعرف كل شي قبل لا يتفاجئ..

حبيبتي في الله بنت فلسطين اشكرلج اهتمامج عزيزتي .. بس خير ان شالله ليش مب باقي لج شي في المنتدى ؟؟

اول شي الحمدلله امتحنت في وقت الامتحانات لا قدمت ولا اخرت ونجحت بعد بمعدل الحمدلله وايد زين بالنسبة للوضع الي كنت فيه .. :)

اما بالنسبة للموضوع.. زوجي يقول انه اكيد في تغيير وانه اكيد بيحس فيه .. يعني هو عارف شو بيحصل بعد اول لقاء.. لكنه مقتنع انها سنة الحياة وانه عشان انييب عيال لازم فيه مقابل انه جسمي بيتغير ومن هذا القبيل .. ومثل ما قلتي .. انا لأني متأكدة انه ما بيرضى يجرحني او يضايقني ما بينطق بشي .. وعشان جي انا ادور لحلوول لأني ما اعرف شو بيكون بينه وبين نفسه .. فيني يقين يأكد لي انه مهما صار زوجي ما بيتأثر بشي لأنه يعرف انه رابطة الزواج مش بس حياة جنسية ..:smile:

بس المشكله اني ما اقدر اخبي شعوري او الي فيني عن زوجي .. لأنه ما احبه انه يتفاجئ .. عشان جي كلمته في هالمواضيع لأنه وقتها مهما انصدم ما بينصدم كثر ما يكون جاهل كل شي في هالمواضيع ...

مشكورة الغالية بنت فلسطين ... والله يكتب الي فيه الخير ادعوا لي اليوم بروح اركب لولب ان شالله .. :)

اليوم انا بخلص الاربعين و ما ابا ارجع بيت اهل ريلي ههههه
ابا اشرد بس ما اعرف وين اسير تعقدت من الحمل و الولادة و مليون الف سؤال في بالي
انا قبل الحمل و الزواج كنت عظم حتى ما اعرف كيف شكل الكرشه و الحينه لايعه جبدي من شكلي
و سواد بطني و خطوط بنفسجيه كريهه
بس ما شفت المنطقه و لا تجرأت اشوف كيف تغيرت
هذا غير افرازات صفرة و تسبب لي حرقان ما ادري اذا هيه التهابات او شو بالضبط
هذا غير ان حجم صدر اكبر عن الثاني
ابااعرف شو كل هذه الاشياء
و هل راحت علي جسمي ما راح يرجع مثل اول ؟؟؟؟

لا يا حبيباتي جامي و عيون

الجسم يرد مثل قبل بس مش خلال شهر و شهرين لأ

على الاقل سنة كاملة مع المشي و المحافظة على الاكل الصحي

حتى المهبل يرجع يضيق بالتدريج و يرجع اوسع عنى قبل بحبين صغار بس

انزين يا فوانيس الافرازات اللي عندي هل هيه التهابات ولا بقايا من نفاس
لان انا عمري ما جاسني التهاب و ما اعرف هذا شو بس باط جبدي
و صدري شو مشكلته مع اني ارضع بنتي من الصدرين بس واحد اكبر عن الثاني

هلا فيك اختي عيون

الحمد لله على السلامه
بعد اللي قريته عنك

الحمد لله ان ولداتي كلها قيصري ولا كان تخبلت بعدين ليش تشوفين المنطقه
تبين تخرعين اكثر

بالنسبه لسواد البطن مع الكريمات يروح
الله يساعد الحريم يكسرون الخاطر
بعدين تعالي ليش تخبرين رجلك بالموضوع صدقيني ماراح يفكر في الموضوع بس كذا بتبطلين عيونه

وتخلينه يفكر فيه
الجسم بقدره الله يرجع مثل ما كان بعد كم شهر

ولك تحياتي

فوانيس مشكورة حبيبتي الله يطمن قلبج ... بس تدرين الوحدة بعد الحمل وتغير الشكل والمظهر تتمنى انها ترد نفس قبل على الأقل ..

عزيزتي جامي مطولة الغيبة ... انا مثلج بعد كنت عظم الحين البس التنورة والقميص تحصلين كرشتي مقسومة 3 اقسام :D2 الحمدلله والشكر ...

ماعليه لازم نصبر ..

عزيزتي بندور الله يسلمج من الشر .. بس انا قلت اني ماحبيت ريلي يكون مصدوم فحبيت انه يكون عنده فكره احسن ... وان شالله ارد نفس ماكنت ..

والله اليوم ركبت اللولب بس يعور :down: يعني مكان الخياطة حسيت بألم يلست اتخيل عيل عند الجماع انا شو بسوي .. الله المستعان

الحمد لله رب العالمين

افتكيتي من الامتحانات وألف مبروك النجاح عزيزتي

بخصوص إنه مش باقيلي في المنتدى شيء فهذا امر الله

شكله راح يكون صعب الدخول للنت بعد يوم الخميس الجاي

وربنا يسهل .. ما تنسي تدعيلي بولادة سهلة ترى ما باقي إلا شهرين ونص تقريبا

نراكم بخير

راح نفتقدج عزيزتي وان شالله تبشرينا بولادتج ...

الله يرزقج ساعة سهله وطفل سليم ان شالله ... :)

بس لا اتطولين الغيبة علينا ...

jami:
انزين يا فوانيس الافرازات اللي عندي هل هيه التهابات ولا بقايا من نفاس
لان انا عمري ما جاسني التهاب و ما اعرف هذا شو بس باط جبدي
و صدري شو مشكلته مع اني ارضع بنتي من الصدرين بس واحد اكبر عن الثاني

هلا حبيبتي جامي
دام الافرازات صفرا و حرقان ..احتمال تطون فطريات و لازم علاج عند الدكتورة

و ضروري كل وحده تطلع من الاربعين مراجعة الدكتورة للكشف العام

بالنسبة للصدر..عادي حبيبتي صدر واحد كبير و الثاني اصغر
يمكن احيانا تنسين ترضعين من الاثنين..فالثاني يكون اكبر و مليان حليب

السلام عليكم ورحمة الله وبركاته

وين ركّبتي اللولب أختي عيون أبوظبي ؟

اللي يألم العملية نفسها...واللا مكان الخياطة ؟

حبيبتي مرموم ركبته في دار الشفا عند الدكتورة جيهان ...

الصراحة الخياطة الي شو عورتني تدرين لان اول مرة بعد الولاة شي يدخل في هذيك المنطقة وغير جي الخياطة توها طريه شوي لانه ما صار لي 40 يوم من الولادة ..

اما العملية نفسها على قولة امي ما تعور ابد يعني شي بسييييييط ممكن تحسي فيه .. والوضع اختلف معاي انا

السلام عليكم ورحمة الله وبركاته

أختي ليش رحتي عند دكتورة جيهان ؟

ما سمعت أحد مدحها ؟

ليش ما رحتي عند دكتورة راوية في التخصصي أو نادية في دار الشفاء ؟

دكتورة راوية ما شاء الله يدها خفيفة في اللولب...و السيدات يطلعوا من مستشفى الكورنيش عليها...تضبط لهم الخياطة...بعدين يروحوا بيوتهم...و ييجوا لها آخر الأربعين تركب اللولب من غير ألم و لا شيء...

عزيزتي مرموم الدكتورة نادية دايما ما احصل عندها مواعيد يعني زحمة رهيبه ..

والدكتورة راوية تأخرت وانا بخلص الاربعين ولازم اركب اللولب قبل لا اخلص ...

وغير جي الدكتورة جيهان انا كنت اسوي معاها السونار ايام الحمل بس وادري انها مب ذاك الزود بس قلت دام السالفة لولب يعني ان شالله الموضوع هين لأنه ما يبالها سالفة .. عشان جي اتشجعت ورحت ... وكل الي آلمني في الموضوع الخياطة لأنها كانت اتدخل اللولب والمنطقة بعدها تعور مكان الخياطة ..

والحين ينزل علي دم مثل الدورة واغزر شوي ومادري هل هالشي من تركيب اللولب او دم الاربعين .. والله اعلم

مرموم يال غالية

يعني شو تظبط الخياطة
تسوي عملية مرة ثانية ؟

سلام عليكم أخواتي ....

بصراحة الموضوع اللي تكلمتون عنه معلومات جديدة بالنسبة لي , و عندي تعليق على كلامكم..من بعد اذنكم :shy:

الوحدة فينا لازم تتغير من بعد الولادة و هذا شيء طبيعي ، و لازم تفهم زوجها انه في تغيرات لكن ما تفتح الموضوع معاه الى حد يخليه يكره المنطقة ... يمكن يحس بتغير بس كثرة الكلام تضر ...........صح ولا لا؟؟

و لازم تخبره انه مع الوقت كلشي بيرجع مثل قبل ( بالعناية و الرياضة) السواد و البطن المترهل و المنطقة سوف تضيق مرة ثانية..الخ

و أشوف في أهلي أنهم ما طلعوا من الأربعين الا رجع جسمهم مثل قبل ( رشيق)!

ادعوا لي خواتي الله يسهل علي الأيام الجاية ، الصراحة آنا ما أخاف من هالمواضيع على الرغم من انها جديدة علي الا انها تفيدني حتى لا الاقي المجهول!