
اليوم ييتكم بموضوع مادري يمكن حلو ويمكن ممل بس ابي افيد واستفيد
انا عن نفسي ما احب سالفه البنوك و فلوسي تختلط بفلوس الربا ولاغيره فقررت اني اجمع فلوسي واوفر بنفسي واشوف شو بيصير

انا مسويه حصالتين
وحده للفقراء: احط فيها 10دراهم كل يوم الجمعه و في راس السنه اعطيهم للمحتاجين ولو خلال هالفتره حد سالني اعطيه
والحصاله الثانيه :
كل راس الشهر احط فيها 100 درهم و كل يوم الجمعه احط 100درهم بعد يعني على كل شهر اكون حاطه 500درهم بدون ما احس واخليهم لييين راس السنه اشتري فيهم اللي ابيه مثلا انا حاطه بعد اوراق كل شهر لما خاطري في شي وما اقدر اشتريه حاليا اكتب نوته مثلا( سياره التاريخ السعر) واحط هالنوته في الحصاله نفسها وكلما دخل خاطري شي جديد اسوي نفس الشي ولما بيكون راس السنه بشوف الاشياء اللي في خاطري و بقرر اني ابيها ولا خلاص مالها داعي واعدل عليها
طبعا ممكن يكون المبلغ اقل ولا اكثر حتى لو فقط 10دراهم كل اسبوع مو 100
وبعد عندي حركه ثانيه اني كل راس الشهر اشتري سبيكه ذهب (لاني مو متزوجه وما البس ذهب ) اما لو تحبين ذهب اشتري لك كل شهر قطعه واكشخي فيها (بس انا انصحك بالسبيكه اضمن
عاد انا وميزانيتي لو مضغوطه اخذ 5غرام 200وشوي بالدرهم و لو شوي عندي فلوس اكثر اخذ اكثر بس حاطه مواصفات معينه للسبيكه
مثلا لازم سبيكه مو خاتم ولا شي يكون مشغول وينقصون السعر بعدين
لازم السبيكه مافيها حلقه ولا الوان
انزين وبعدما اخذها احط وراها استكر صغير فيه السعر والتاريخ (عشان موعد الزكاه يا خواتي)
و رقمها يعني اول سبيكه 1 والثانيه 2
وطبعا الوزن مكتوب عليها
واحتفظ بالفاتوره
واخليهم كلهم في صندوق ليييييييييييييييييين ما ادري متى
انا عن نفسي عندي سبايك قيمتها 10000درهم والحمدلله وهذا كان من ايام الكليه يعني من مصروفي الخاص
وعلى فكره لاتاخذينها عاده انك كلما احتجتي فتحتي الحصاله و خذتي منها حاوليييييييييي قدر الامكان انك ما تلمسينها
وما تخبرين حد يعني الشغله تبي بركه مو دعاااااايه
شو رايكم بنات ؟
قولولي
السلام عليكم ورحمة الله وبركاته السلام عليكم ورحمة الله وبركاته