الخطوط البيضاء في الجسم (Stretch marks)

nsync lover 29-06-2005 23 رد 20,327 مشاهدة
n
عزيزاتي....

ارجوكم ساعدوني.... انا راح اتزوج عما قريب...

ومشكلتي ان جسمي مليان خطوط بيضاء... عشان جذي متعقدة من جسمي حدي والسبب اني كنت دبة لعمر 17 وبعدين سويت رجيم وخفيت وصرت الحين منيكان بشهادة كل من يشوفني بس مشكلتي اللي تحرجني قدام خطيبي وما تعطيني ثقة بنفسي برغم مدح الكل هي الخطوط البيضا...

ارجوكم ساعدوني اذا عندكم طريقة تخفيفها او ازالتها ومجربة اكيد...

قالولي عن وحدة عشابة اسمها ام حسين في الكويت عندها اعشاب تشيل هذي الخطوط وشريت منها بس اكتشفت انها كذابة واللي كتب عنها في الجرائد كلة دعاية..

آسفة على الإطالة بس ساعدوني ارجوكم...
ح


السلام عليكم ورحمة الله وبركاته


هلا اختى

بالاول الف مبروك الزواج وربنا يكملك على خير

تانى شئ ياريت تغيرى النوع الجنس فى بياناتك لانك كاتباها ذكر اختى

تالت شئ بالنسبه للخطوط البيضاء اللى تظهر

علاجها لازم علاج طبى اختى

فى بعض الاطبا بينصحوا بعمل تقشير خفيف بطريقه معينه وبجرعات معينه وبادويه معينه بتخفف قليلا من الخطوط البيضا لكن مش اكيده

العلاج الاكيد ليها بالليزر ان شاء الله فى عيادات التجميل والجلديه

ممكن حاولى اعملى تدليك ليها وانتى تتحممى

اما بالنسبه للزيوت والوصفات دى ماعرف عنها الىل اعرفه انها فقط تخففها عن طريق انعكاس الضوء عليها لكن الخطوط الاساسيه موجوده برضه

لكن فيه بنات قالوا انهم جربوا كريمات وكريم زبده الكاكاو من بودى شوب وبقولوا جاب نتيجه الى حد ما معقوله

لكن العلاج الاكيد ان شاء الله هو الليزر اختى او بعض العلاجات عن طريق الادويه

فانصحك الان تروحى لطبيب الاول وشوفى رايه ايه

وطمنينا عليك وقوليلنا عملتى ايه ياسكررررررررره
حبـــيبـــــــــه ,,,
ا
هلا فيك اختي (nsync Lover)

مقدما الف مبروووك .... والله يسعدك في حياتك
ومشكلة الخطوط البيضاء الكل يعاني منها بس انا راح ادلك على طريقة قريتها في احدى المننتديات والكل مدحها وهي
(خل التفاح ) تحطينة على كل جسمك الى ان ينشف اطول مدة ممكنه ..

يشد الجسم وخاصة منطقة الصدر ويزيل الخطوط البيضاء .. وانا يصراحة ماجربتها ابجربهابعد ما أولد ان شاء الله

بس اذا فيه وحده من البنات جربتها او عندها طريقه ثانية لا تحرمنا منها
ولكم جزيل الشكر ...
ص
انا اللي اعرفة ان الخطوط البيضاء تروح بخل التفاح بس انا ما جربتة بس لقيت هذا الكلام في منتديات كثيرة جدا و سمعتها في برنامج واتمنى اني اكون افدتك
m
العلاج ممكن بكون خل التفاح
د
خل التقاح = ناس تحذر منه
بسبب انو اللحمه تستوي منه والله اعلم
وناس تقول مع كثر الاستخدام تجيب البرص
متحمسه للاستخدام بس خفت بعد الي شفته
س
أختي بالبداية ألف مبارك لج..والله يجمعكم عى خير

من خلال اللي أعرفه
1. خل التفاح تخففيه بماي الورد ..وتحطيه برشاش وتستخدميه بعد الاستحمام قبل نومج
2. في زيت وايد بنات استفادوا منه وينباع بالصيدليات عاد ما ادري بالبحرين..دوريه عندج
اسمه BIO OIL وايد حلو ونتايجه سريعه وما فيه ضرر ان شاء الله
3. دووووم خلي بشرتج رطبة خاصة بزيت اللوز وزيت الخروع مع التدليك بشكل دائري
وان شاء الله تروح عنج التشققات
والله يوفقج
س
أختي تابعي هالموضوع

http://forums.3roos.com/t380896.html
%


طيب ممكن سؤال للي عندها التجربه
هل الليزر صدق يخفي التشققات يعني اذا اقدمت وخسرت راح استفيد ولا لاء ياريت الي عندها اجابه تفيدني ولها جزيل الشكر
ر
%بنت الرفاع%;9672084:


طيب ممكن سؤال للي عندها التجربه
هل الليزر صدق يخفي التشققات يعني اذا اقدمت وخسرت راح استفيد ولا لاء ياريت الي عندها اجابه تفيدني ولها جزيل الشكر



هلا أختي كثير من الأطباء الثقة أفادوا أن العلامات القديمة ماتروح لا بالليزر ولا بأي شي ثاني

يدوب يتحسن شكلها وملمسها

والليزر ينفع للعلامات الجديده والي ماتحولت للون الابيض
B
في زيت واايد يمدحونة واسمة بايو اويل من صدليه بوتس وااااااااايد ناس تستخدمة ويقولون اوكي
وانا ناويه استخدمة عقب الولادة ان شاء الله
H
حالي حالك اذا عرفتي شي زين علميني:(

بس احط زيت اللوز المر خف شوي وصار ملمسه ناعم بس مااختفى
k
انا ادهن بذبدة الكاكاو حق الشفايف اجيب لابيللو الكلاسيك البيضا عشان ما تسوي لون في جسمي واحسها اوكي ما راحت كلها لكن تخففها والله المستعان مشكله زفت الصراحه الله يعينا يارب
n
السلام عليكم يا أخوات
يا ريت لا تعبو حالكم كثير لأنه صعب و ممكن مستحيل تروح هالخطوط من أجسامنا فيا ريت من الأخوات الي كانو يعانو من المشكلة هي و تزوجو يشاركو عسى يخففو علبنات هي المشكلة و الله مسببتنا احراج كبير خاصة احنا المخطوبات الي عرسهن قريب الله لا يضيعلكن أجر و جزاكم الله كل خير
وينكم يا متزوجات؟؟؟؟؟؟؟؟؟؟؟؟؟؟؟؟؟؟؟نبي مشاركتكم بقوة
سلام
ل
السلام عليكم

ما في شيء اسمه مستحيل

كل شيء يبغاله صبر والاستمرار ، ما في نتيجه تطلع في اسبوع أبدا

أنا سمعت عن خل التفاح بس لازم تخففينه

وإن شاء الله بجرب زيت BIO OIL بس المشكله ما عندنا بالخبر صيدليو بوتس :(

بدروه وإذا لقيته قلت لك عنه
ل
توي صاحيه منها
يارب تشفينني منها شفاء لا يغادر سقم
ح
[GLINT]
امممممممم
والله مابعرف سووري
ومبرووووووووووووووك
كلللللللللللللوووووووووووووووويييييييييييييشششششش
[/GLINT]
ز
انا اللي اعرفه انه فيه حده تمدح منتج من زين الاتات يخففها

وانا سألت دكتورة جلديه

تقوول حلها صعب لحد الان

لكن هناك منتجات تخففها ولا تزيلها
ر
عزيزتي في يدك شيئين :
أولا تبدئين تعملين رياضة الآيروبكس تلقينها في النوادي الرياضيه اللي تكونون مجموعه مع مدربه تشيلون حديد 1كيلو أو نص حسب وزنك

وتستمرين عليها


قبل ماتروحين النادي :

تنقعين جسمك في موية فيها فنجان خل تفاح لمدة 10 دقايق

تتروشين بصابونه طبيعيه مصنوعه من زيت الزيتون ( منتشره عند العطارين ) واسمها صابون زيت الزيتون الملكي بورق الغار ناعمه وتهبل

تنظيف وترطيب سوا

لأن صابون الغار مع الوقت والاستمرار يفتح

وتفركين جسمك مش أي كلام يعني تتفركين بليفة البودي شوب


وتكونين منقعه قبل كذا يوم جزر مقطع شرايح في زيت زيتون تتركينه فيه لمدة إسبوع مثلا وإذا انتهى الإسبوع تصفينه وتعبينه في علبه وتستخدمينه قبل ماتروحين النادي
لان عصير الجزر فيه فيتامين a وسمعت إنه ينفع لإزالة السليولايت

إذا ماعجبتك ريحته
زيت زيتون فقط حطيه على جسمك بعد الترويشه وروحي النادي بتلاحظين إنك تعرقين وتتعبين أكثر من البنات وإستنتاجي إنه يزيد معدل

الحرق والله جربته بنفسي طبعا زيت الزيتون يساعد على منع ظهورها بالأصل لاكنه من الإشياء اللي تساعد على التخلص منها

الرياضه تساعد على زوال هالخطوط بنسبة 50% وأعتقد إن غلطتك سويتي ريجيم بدون رياضه أكبر غلطه

وفي وقت ثاني من اليوم قبل النوم
مش كل يوم

يوم في الليل :
خلطي كميات متساويه من خل التفاح مع زيت الزيتون ( مقدار بياله اللي تعادل نصف كوب ) مع ملعقة صغيره شبَّه مطحونه
ودلكي مره باتجاه عقارب الساعه ومره عكسه على كل جسمك ونامي به

واليوم اللي بعده في الليل :

مثلا تروشي وحطي خلطة روح البحرين لإزالة السليولايت مع مرطبها زبدة الكاكاو ( أفضل بودي شوب غاليه بس ربي يشهد أحلى زبدة كاكاو شفتها بحياتي مش كريم بزبدة الكاكاو لأ هي زبدته ) بماي الزنجبيل
الطر ق ذي كلها موجوده بالمنتدى واذا مالقيتيها راسليني

ودهني جسمك بالزبده بطريقة التدليك وخذي وقتك يقولك تدلكين كل منطقه لمدة ثلث ساعه الله يساعدك

بس أهم شي إنتبهي للصدر تعلمي تمرين شد صدر لاني أخاف إنه يغير حجمه التدليك يكبره او يصغره لان له طرق وأضمن طريقه تسوين تمرين للصدر بعد ماتدهنينه مجرد دهان لمدة 60 مره أنا أعلمك تمريني توقفين عند حائط وتبعدين عنه مسافه تعادل المسافه اللي تمدين فيه يدك وتكون يدك ماسكه الجدار بعدين تدفعين نفسك تجاه الجدار وجسمك واقف في مكانه يعني تنزلين بجسمك بواسطة ثني يدك بس جزئك السفلي رجلينك وقفين بمكانك بس الجزء العلوي يروح جهة الباب تقريبا تلصقين فيه وترجعين هالتمرين تسوينه 60 مره على الأقل وبكذا تكونين دلكتي صدر بطريقة تشده بدون ماتدلكينه بطريقة عشوائيه ممكن تغير حجمه وإنتي ماتبين ترى شد الصدر حلو مش تصغير العظمه تبرز والجلد ينشد بدل مايكون مترهل ومذوي يكون مشدود

وربي يساعدك ويتمملك على خير وعقبالنا يارب

بس لأنك تشتغلين على الجلد أنا أقول على الأقل 10 دقايق يعني يبيلك ساعه ساعه ونص إلا وإنتي مخلصه جسمك ممكن بعدها تمشين ثلث ساعه لو حبيتي عشان تتفاعل الخلطه مع جسمك
أو تسوين تمرينات شد نفس اللي تعلمتيهم في الآيروبكس حفظيهم بتستفيدين أضعاف مضاعفه أو لما تروحين النادي تكونين حاطه خلطة الزنجبيل مع زبدة الكاكاو وعلى فكره الزنجبيل يفتح بدليل كريمات التفتيح اللي أسمع عنها بالزنجبيل ومجننه البنات

أو ممكن اليوم الثالث : تسوين خلطة بنت عذاري لإزالة السليولايت الي بالقهوه وزيت اللوز
وتطلعين من الحمام وترشين خل التفاح مع ماي الورد وتسوين تمريناتها وعندها عنوان بشره بلاتصبغات شوفيه
وسوي تمريناتها على الأقل نعمه


بس استغلي على جسمك صح ولاتخافين ينقص وزنك ماينقص مع الرياضه إلا لو سويتي ريجيم هو بس بيتشكل صح
م
أهلين بنت ديرتي

انا فيني خطوط حمرا برجلي

وجربت استخدمت خل التفاح والماء ورد

ما راح اقول ما لقيت نتيجة يعني

احسها تخف وترد ترجع

بس ما ادري هل الحل نفسي الشي بالنسبة للخطوط البيضا


ومبروك ع الزواج
X