بنات ساعدوني ... ماني قادره امسك نفسي

ودي أساعدج
بس الخوات مابيقصرن ان شا الله

موفقه حبيبتي دنيا وآخرة

اختي مسك و ورد


اشكرك لمرورك .. و ان شاء الله البنات بيساعدوني .. ما راح يقصرون ..

مرحبا الغاليه

انا وحده ما اعاني من ها المشكله لان المصروف بيد زوجي وهو المسؤول عن الصرف وانا بس علي بمصروفي ومصروف اليهال بس عندي لج فكره انا احيانا اشمي عليها وانشالله تفيدج ..
الفكره يا طويلة العمر هي انج لما بتسيرين السوق او الجمعيه او المكان اللي بتشترين منه حاجتج اخذي مبلغ معين يعني لا تشلين معاج كل المصروف مثلا انتي سايره الجمعيه حطي فبالج شو الاغراض اللي تبينها وقيمي بالتقريب كم تحتاجين من المال واخذي معاج بجذي مابتقدرين تاخذين الا اللي انتي محتاجته ..
وانشالله تعجبج الفكره

تحياتي لج

السلام عليكم.........حبيبتي انا مشكلتي مثل مشكلتج :down:
من ادخل السوق اشتري الي احتاجه والي ما احتاجه.....سبحان الله هذا طبعي من الصغر
بس بدت المسؤوليات تكبر والالتزامات تزيد....اهني طقيت بريك ووقفت مع نفسي وانبت نفسي تانيب شديد على هالطبع
وقمت احاسب نفسي على كل شي اشتريه بدون لا يكون له معنى....وشوي شوي بديت افكر الف مره قبل لا اشتري الشي الي انا مو بحاجته
انا ما اقولج الطبع اختفى بالمره بس الحمدلله احسن من هبال قبل :shy:
ودايما احط الآيه الكريمه هذي قدام عيوني واحس انها تهزني وايد
بسم الله الرحمن الرحيم (إن الله لا يغير ما بقوم حتى يغيروا ما بأنفسهم)

صعب الواحد يقدر يغير طبعه بس ظروف الحياه تجبرنا ان احنا نعتدل في الشي
مثلي لما كنت بنوته كنت أصرف بدون أي حساب ولان كانت أحتياجاتنا محدوده فالوالد
الله يطول بعمر ماقصر بشي أبد وهذا الشي استمر معاي حتى لما اتزوجت كنت ما اخلي شي ببالي الا وأشتريه
والبيبي ما أجا للدنيا الا وكل احتياجاته موجوده وكل ما أروح السوق اشتري بدون حساب وأكثر من كل مره أشتري




لاكن بالاخير حسيت ان اللي اسويه غلط بغلط وواجد اشياء اشتريتها ما استخذمتها بالمره واغراض استخذمتها مره أو ثنتين بس
وفكرت عدل بالي اسويه ووقفت هالهذر والاسراف وصرت اشتري الضروريااات بس وأفكر مليون مره باللي اشتريه قبل لا أدفع ثمنه
والحمد لله كل شي ماشي عندي تمام التام وحسيت براحه افضل وأكبر من السابق

حددي مبلغ شهري للصدقات حتى يطرح الله البركه في فلوسج وصدقيني بعدها بتقدرين تمسكين نفسج والله يوفقج

الصراحة ابا انصحج بس ابوي يقول عني مسرفة والله يعين اللي بياخذني :gum:
وماجربت انحط في مسؤولية بس الله يوفقج واسمعي كلام الاخوات

عزيزتي انا مثلك وأسوأ لدرجة إنه يجي أول اسبوع بعد الراتب أكون فنشت

والحمد لله إن زوجي يصرف على بيته ولا كان رحنا وطي مااعرف أوفر ابدا وأتورط كثير

بس اكتشفت إني اذا رحت السوق ببطاقة الصراف اصرف كل اللي فيها

صرت اخذ مبلغ كاش افضل

اختي ليه يا غرام نسيت لا اقولج لا تنسين دعاء دخول السوق:
(لا إله إلا الله وحده لا شريك له له الملك وله الحمد يحيي ويميت وهو حي لا يموت بيده الخير وهو على كل شئ قدير)

السلام عليكم ورحمة الله وبركاته


صح إني مب معرسة بس من خلال علاقاتي بصديقاتي وزميلاتي في الشغل المتزوجات وتجربتي الشخصية قدرت أعرف بعض الحلول اللي ممكن تساعدج:

حددي أول شي اسرافج يتركز في شو بالضبط...مثلا لو في المكياج والعطور واللبس لا تحرمين نفسج بس ممكن تشترين كل شهر شي واحد بس....مثل بدله حلوه أو عطر أو روج.....حاولي يكون السعر معقول....يعني بضاعة زينه وفي نفس الوقت ما تقضي على المصروف

لو اسرافج يتركز في المجوهرات (مصيبة طبعا) حاولي ما تشترين إلا في المناسبات العائلية فقط....وقبل ما تشترين شوفي اللي عندج اذا ما عيبج تقدرين تشترين إكسسوار (الحين شغل الإكسسوار يشبه الألماس)

لو تحبين تغيرين أثاث بيتج كل سنة في شي بديل.....تعيدين ترتيب الأثاث وممكن مثلا تنقلين قطعة أثاث من غرفة لغرفه.....

اشتركي ويا ربيعاتج في جمعية وخلي دورج آخر شي......وبالمبلغ ممكن مثلا تدفعين قسط مدرسة عيالج (لو يدرسون في مدرسة خاصة) أو ممكن تعدلين بيتج أو أو أو

الابتعاد عن بطاقة الائتمان.........البطاقة تخلي الوحدة تشتري بدون حساب ويوم ينزل الراتب تنخصم مشتريات البطاقة...

حطي خطة انج توفرين لو مبلغ تافه من المصروف وتحطينه في حصالة وما تفتحين الحصالة إلا عقب سنه مثلا.


لما تروحين الجمعية مثلا حاولي تروحين عقب الأكل على طول.......حتى لو ماكنتي بتشترين شي له علاقة بالأكل.......اليوع يخلي مخيلة الوحدة واااااااااااسعة و يوم توصل البيت تكتشف انها اشترت الجمعية كلها.

تذكري ان الزوج ممكن يتضايق من زوجته لو شافها مسرفة هالشي يخلق مشاكل ...والخدامة ممكن تطفر لو كل مرة يتأخر راتبها...


وتذكري كلام الله تعالي : {ولا تسرفوا إنه لا يحب المسرفين} (141 الأنعام).

انا عن نفسي كنت مسرفة قبل بس بعدين اكتشفت اني حتى مب مسوية حساب للزمن خصوصا ان مستوى أهلي المادي مب راااااااااااااااهي والله يطول بعمر أمي وأبويي تعبوا وصرفوا عليي لين تخرجت وهالشي نعمة من رب العالمين. أول ما اشتغلت قمت ألعب بالفلوس لين ما الله هداني وله الحمد و أول شي سويته : لغيت بطاقة الائتمان وقمت أشترك في جمعيات وساعات أحط فلوس في الحصالة وقمت أشتري الأشياء المهمه وفي نفس الوقت ما احرم نفسي....كل شهر أشتري شي خاطري فيه أو هدية حق حد من أهلي .......قدرت أغير أثاث غرفة نومي وأثاث الصالة وحاليا أيمع فلوس عشان أشتري السيارة اللي خاطري فيها (ادعي لي ).......وأهم شي الصدقة اللي تبارك في فلوسج....

:flower:

وآنا بعد هم مسرفة بس خطرت لي فكرة وهي أني أشترك بجمعية... وصرت أدفع كل شهر نص الراتب...:sad:


بس الحمد لله صرت أسوي ميزانية لنص الراتب كل شهر وأحاسب على كل شي... :shy:وأن شاء الله بعد يستمر لما تخلص الجمعية وحتى بعد الجمعية...:yes:

انا عندي مصروف البيت بس شهر يمشي لاخر يوم وشهر مايمشي انشاء الله بجرب طرق البنات وانشاء الله ينفع
مشكـــــــــــــــــــــــــــــــــــــــــــــورين

وهج الخيال

اشكر لج مشاركتج ... وبالنسبه لفكرتج سويتها بس ما انفعت تخيلي ....ما انفعت

noraleslam

شكرا لمرورك اختي الكريمه ...

احلى شهد

صدقتي يا شهد والله ابي اشتري كل شي هههههههههه ما احب اخلي شي في خاطري ..


ذكريات

شكرا لك اختي لمشاركتج

وان شاء الله ازيد من الصدقات والحمدلله اني دوم اسويها

Runaway Bride

اسمك حلو العروس الهاربه .. شفتي الفلم يجنن والله

بس افكارك حلوه ان شاء الله اطبقها ..ويعطيج الف الف الف عافيه


maryoom

شكرا لمشاركتج معانا اختي الكريمه ..
وبحاول اطبق اللي قلتيه والله ما قصرتوا ..يعطيك كل خير اختي


ملك روحي

والله فعلا حتى انا ساعات يدوووووووووووب يكفي وساعات نص الشهر ... ان شاء الله بطبق كذا طريقه هذا الشهر .. بحااول امسك نفسي ..


اشكر كل البنات اللي دخلوا سواء شاركوا ولا ما شاركوا المهم نستفيد خواتي الكريمات ..



واكم مني احلى تحيه

هذه مشكله لها اسباب عديده ومنها سهولة الصرف بالبطاقات الائتمانيه او حتى غيرها

لهذا ممكن تحتفظي بالبطاقات في البيت واذهبي الى السوق ببعض النقود التي تكفي لشراء الضروريات فقط

الله يكون بعونك وبعوني ..
أنا مصرررفه الى آخر حد

وع قووولة الوالد . .الله يخليه لي ..
الله يعين المعرررس ..
بتا كلينه من أول يوم

ريمــــاا

حبيبتي الله يفتحها عليك

انا بالنسبه لي ماعندي التزامات عشان كذا مصروفي كله علي
ومع ذلك محافظه على القرش لوقت الحاجه وبنفس الوقت مبحبحه على نفسي

بعد مانقدر نعطيك طريقه لمسك نفسك واحنا مانعرف عدد العايله والدخل وتقسيماتها عموما انتي اعرف بهالشئ

وامسكي فلسك تراك صاحبة عائله والدنيا الحين نار

حطي لنفسك هدف كل شهر شي مهم تحطين فيه فلوسك بس بشرط ما تنفذين هالشي اللا اخر الشهر وبالاخر بيتبقى شي من المصروف ولو احتجتي هالشي بشي ثاني اهم اصرفيها بالاهم لين الشهر الجاي هذي سياستي بالحياة

شي شي شي كثرت منها شكلك مافهمتي شي :(