تجربتي مع كريمات كلارنس للصدر

مشكوووووووره اختي .. fay fay
على الكريم .. ما ادري احصله بالصيدليات عندنا بقطر ؟؟
وياريت لو تكتبين اسمه بالانجليزي ..
وطريقة استخدامه .. انا قبل لا املك كنت نحيفه واسوي رياضه وبعدها زاد وزني وتركت الرياضه
والحين احاول انقص وزني .. والله لا يوريك الزوائد .. والعضلات اشلون صايره ..

ياريت تعلمينا بالتمرين اللي علمتك بنت اخوك :)

ولاهنتي يالغاليه .. وربي يوفقج ويسعدج يارب

توكس ع البركه خيتو :)

بالنسبه لمكان بيع كلارنس فهذي ياعيوني بتلقينها بمحلات فيسزز ودبنهامز وباريس غاليري يعني بالمحلات الكبيره :) بس طبعا بفيسزز اغلى بكثير ..

بالنسبه للتمرين راجعه لك بالليل باذن الله وبحاول اشرحهم عسا اقدر اوصل طريقتهم لك لان الوصف شوي صعب :)

اساميهم /



جل النهار :
Bust Beauty Gel
سعره 195


لوشن الليل :
Bust Beauty Lotion
سعره 160



انا بالبدايه شريت بس الجل والبايع قال اخذيهم اثنينهم لان صدقيني بعد فتره بترجعين تقولين ابي الثاني وماطعت كلامه وبالفعل بعد فتره ايام رديت له .. لان الجل يشد الانسجه الداخليه فينتج عن شدها ان الانشجه الخارجيه تطلع فيها خطوط تجاعيد وثنيات ولازم تستخدمين اللوشن الليلي عشان يشد الانسجه الخارجيه .. ولما استخدمته ضبط معي كل شي ..

شجعتيني أروح آخذهم ان شالله أروح آخذهم ... و شخبار كريم السيلولايت للأرداف معك لأني أفكر آخذه بعد مع المجموعه ... ابي شوي اعتني في نفسي فالاجازه و الله الجامعه ماخلت فينا شي صاحي ...

مشكوورة حبيبتي لانج عرضتي تجربتج لنا

بس ماخفتي تحطين كيماويات وكريمات على صدرج!!!!!

لان الصدر منطقة حساسة وتتاثر بسرعة

على العموم اتمنى لج التوفيق وان شاء الله الى الاحسن

تحياتي يا حياتي
#رومانسية#

بجد اختى هم افضل منتجات الى كلارنكس وايد حلوين كلامك صح

والله روووعه

بس ليش فيسيز اغلى من باقي المحلات ؟؟ هي ماركات عالمية وبكل مكان المفروض نفس الأسعار

اهئ اهئ انا دووم اتعامل مع فيسيز ،، خلاص شكلي برجع للبيت الحديث

جزاك الله كل خير وفعلا منتجات كلارينس كلها حلووووووه:up:

شكرا للمعلومات وبشتري هذول اكيد وياريت اتقولين تجربتج مع كريم السيلوليت لاني اقتنعت فعلا بهالماركه

وتعالي شخبار منتجات شانيل للبشره؟؟؟؟؟ انتي بشرتج دهنيه صح؟؟؟ شنهي احسن مجموعة عنايه بالبشره يازت لج

واسمحيلي على الاسئله الزايده

نورينا

هلا خيتو

:)

ان شاء الله الكريمات تفيدك مثل مافادتني يارب ..
بالنسبه لكريم السيولايت والله رهيب ومفعوله وايد حلو .. صج مابتحسفين عليه واحلى مافيه ان مفعوله سريع وبتلاحظينه من البدايه ..
بس طبعا هو مجرد كريم فاذا كنتي تبين تستخدمينه وفي نفس الوقت تاكلين اكل مب صحي ودهون وماتمشين ولا شي فلاتتعبين نفسك وتشترينه لان مابتشوفين نتيجه قويه :) والسبب نظامك في الاكل ..


رومانسيه
هلا اختي الغاليه
والعفو اختي ماسوينا شي :)
بالنسبه لمكونات الكريم فاختي كلارنس معروف كل كريماته زيوت طبيعيه ومستخلصه من النباتات في الاغلب
حتى اللي يدلك ان لما تدخلين موقعم بتلقين وايد مركزين على مكونات الكريم وكل مكون وش فايده .. بعكس باقي الماركات اللي تقول طبيعي وهي ساكته :)


موفقه اختي :)


سهر :)
اسعدني مرورك الغاليه ..


رعبوب
الاسعار اللي عند فيسزز هي نفسها اللي عند الباقين
الفرق الوحيد ان الباقيين يسون تخفيض بسيط وفيسزز لا ..
يعني مثلاً الجل .. انا من الدلاخه اللي جاتني يومها والكآبه شريته من فيسزز وعطاني اياها 225 ولما رحت للخريجي بالواحه قالي الكريم اللي اخذته سعره ب 195
تخيلي الفرق تحسين قهر والله .. نفس الشي مع العطور والمكياج وكل شي
فيسزززززززززز غالي
عندنا بالسعوديه محل فخم اسمه بقشان .. تخيلي بقشان بكبره يوم رحت اشتري منه البايع قالي ليش رايحه فيسزز ماتعرفين انه مايعمل اي تخفيض !!

:) انتبهي ..


نوماس
وياك خيتي :)
ويارب اكون افدتك


اشواق لاتنتهي
يارب اكون افدتك :)
بالنسبه لكريم السيولاليت حبيبتي فهو فادني ومفعوله رهيب بس انتبهي للي قلته فوق للغاليه نورينا :)
اما لكريمات شانيل فوالله مادري
عن نفسي كلششششششششششششششششششششش ماناسبتني وبالعكس طلعت لي حبوب .. والله ماستخدمتها وايد وعطيتها لاختي واختي من بعدي عافتها بعد لان طلعت لها حبوب صغااااااااااااار زي النقط وبقع جفاف ..


اما المستحضرات اللي ناسبت بشرتي مع العلم انها مختلطه مائله للجفاف بالاكثر .. لكن ناسبتني مستحضرات جيرلان الخاصه بالتبييض .. ناسبتني لدرجه ان الكل بمعني الكـــــــــــــــــــل دوم يسئلوني عن بشرتي وش فيها منوره وحلوه ^_^ حتى زوجي مب قادر يمسك نفسه عن لايقول بشرتك حلوه :)

اللهم لك الحمد يارب .. والحين المجموعه قربت تخلص وبرجع بعد بشتري من مجموعه التبييض الغسول والتونيك وكريم النهار
ومن مجموعه هبي لوجي كريم الليل والسيروم وكريم العين
وسبب اني بشتري كريم النهار من مجموعه التبييض هو لان مجموعه هبي لوجي مافيها وقايه من الشمس وانا بسافر شهر عسل واخاف الشمس تخرب النتيجه اللي حصلت عليها من مجموعه التبييض ..


استخدميها مابتندمين :)

عليج بالعافيه وربي يهينج وانشاااء الله دوووم تظلين جمييييييييييله ورشيقه^_^

مشكوووره fay fay
والله يوفقج في حياتج ويسعدج ...

اختي الرياضه اللي تشد الصدر شلون طريقتها
؟؟

تسلمين اختي .. وان شاء الله بعد كم يوم اروح اشتري لي الكريمات للصدر وكريما جيرلان

وبأنتظار الرياضه

/شكورة اختي على المعلومات لأني صدق ماكنت اقدر احصل حل حق التشققات إلا في صدري....وايد تعبت واتضايجت بس مشكووورة....وبسألج عن ماسكات حق الوجه؟؟؟ شو تنصحينييي؟؟؟؟ لأن facial وايد يفتح المسامات...

حبيبتي لاتنسين تشرحين طريقة رياضة الصدر............................. الله يسعدك في حياتك..............

ننتظررررررررررررررك.............

الله يعطيك العافيه على الافاده وننتظر المزيد ..........لا تنسى تكتبي طريقة الرياضه

ربي يسعدج على هالخبر الحلو مثلج ..

بس بسألج ..أنا عندي خطوط بيضه ..(ف بطة رجولي ) وب أفخاذي ..شكلهم موب حلو ومضايقني ..

عندج لي حل ..ترا نفسيتي زفت ..لان ملمس رجولي صاير بايخ ..كانها تجاعيد ..

وغير هذي ..حملات صدري :o موب ورديه ..جي لونها مدري وشلونه ..هل هالكريمات تعطيهم لون وردي مثلا ؟

وسوري :o:o

ربي يوفقج

فعلا منتجات كلارينس رووعه..انا اشتري عنهم البودي سبراي والبودي كريم رووعه عندهم لونين احمر وازرق..كلهم حلوين..جربيهم بعد وااايد حلوين واتم الريحه فالجسم والكريم ينعم