ممكن طلب - منتديات عروس

r

reem77

عروس نشيطة

26-06-2005 | 12:41 PM

السلام عليكم ورحمة الله وبركاتة,
بنات أبي مساعدتكم طلع عند زرجي الكلوسترول :cry:
والمفروض الان ما يأكل شي دسم
وانا محتارة شو اسويله من أكلات ما تضره بلييييييييييييييييييييييييييييييز بنات ساعدونيييي:sad::sad::sad::sad::sad:

ا

ام ثنوي

عروس جديدة

29-06-2005 | 05:19 PM

ما اتشوفون شر حبيبتي ...

و لا اتحاتين يعني الكولسترول في كل بيت الحين

اول شي تجنبي المقليات حق زوجج

اذا بتسوين له عيش استعملي اقل قدر ممكن من الزيووت . خل العيش يكوون ناااشف

سوي له مرقة سمج او دياي .. ابتعدي عن اللحم قدر المستطااااع

سوي له الدياي بالفرررن .. عشان تبتعدين عن القلاااي

السمك المشوي زين ...

الأجبان ابتعدي عنها ...

الحليب بمشتقاته استخدمي قليل الدسم

و عيشي حياااتج طبيعيه معااه ... تره مب مشكله كبيييره

والله يبعدكم عن كل شر يااا رب

ن

ناعمـــه

عروس متألقة

02-07-2005 | 09:55 AM

توني كنت بنزل موضوع نفس موضوعك تقريباً
أنا زوجي كان عنده نسبة كولسترول بسيطة والحمدلله قاومها بالأكل القليل الدسم
وفي بعض الأحيان الأكل الخالي من الدسم وتجنب المقليات والزيوت والدهون والأجبان

لكن الحين يبغي يمشي على نظام غذائي صحي بحيث يكون قليل أو خالي من الدهون
المشكلة
أني محتارة في وجبة العشا ماعرف ايش أعطيه ياكل
مايبي أجبان ولا مكرونات ولا حليب وانتوا عارفين ان معظم الأكلات اللذيذه تحتوي على الأجبان والنكهات
ياريت تعطوني أفكار سهلة وبسيطة وقليلة الدسم

س

ســــارونة

مشرفة سابقة

07-07-2005 | 03:29 PM

هلا اختي

انا ابوي عنده نفس المشكله...و اكله الحين صحي و الحمدالله نسبة الكولسترول خفت وايد عن قبل

اول شي لازم تحطين الاشية بقائمة الممنوعات :

حليب كامل الدسم
زبدة
اجبان
سمنة
سكر ابيض
مكسرات ماعدا الجوز و اللوز
اللحم
المقليات

و استبدليها بالتالي

زيت زيتون
زيت الكنولا
زيت السمسم
سكر اسمر و يفضل التخفيف من نسبة السكر لأنه يزيد الكولسترول
حليب خال من الدسم
جبنة خالية من الدسم
دجاج من غير جلد
سمك مشوي

و يفضل الاكثار من الالياف و الفواكه و الخضروات

و انشالله ماعليه شر

s

sara ibrahime

عروس نشيطة

31-01-2009 | 05:11 AM

الف سلامه على زوجك
يمكنك عمل الاكل بطريقه بسيطه وسهله
يمكن للافطار ان تضعى له الجبن القريش او البيض المسلوق مه الخبز والخضر الطازه
اما للغداء يمكنك ان تطهى الخضر بصلصه الطماطم مع البصل بدون اى دهون وضيفى البهارات اللى تحبيها
وكذلك النشويات مسلوقه بودن دهون
وبالنسبه للبروتين يكون مسلوق او مشوى وطبق سلاطه خضراء بمعلقه زيت زيتون
والعشاء فواكهه طازه
ولكن ابعدى عن الصلصات الدسمه مثل المايونيز والكاتشب والمسطرده
ويمكن ان تحطيه قبل كل وجبه بساعه او نص ساعه الاتى
فنجان شاى اخضر محلى بالعسل
او اغلى 10 حبات قرنفل وصبى الماء على بردقوش ويحلى بالعسل
وبالشفاء