اللي ربت في الوصل ضروري تدخل

L

Lovley_Eyes

عروس متألقة

25-06-2005 | 03:35 PM

السلام عليكم ورحمة الله وبركاته شخباركم يا حلوين.....بغيت اسألكم عن مستشفى الوصل..هذا اول حمل لي و محتارة وين اربي....واللي سمعته عن الوصل مخوفني..ناس قالولي انه خياطتهم مب زينه؟ ابي اتاكد ...و هل تنصحوني اروح هناك؟؟

ن

نجلا دبي

عروس مشرقة

25-06-2005 | 04:02 PM

مرحبا يا اختي الكريمة
تبين الصراحة لا تسمعين لاي احد عن اي مكان ،،
الوصل مثل دبي مثل ويلكير مثل الامريكي : فيه الصح وفيه الغلط
انت ومقدرتك على تحمل الام الطلق ومقدرتك على مساعدة الممرضات والطبيبة المشرفة
هي اللي تسهل لك ولادتك وطبعا فوق هذا كله " ارادة الله وعنايته بك "
لاتخافين يا حبيبتي وتوكلي على الله واذا تذكرت وقدرت تسوينه
يقولون قراءة " سورة مريم " عند الشعور بالطلق تعينك على الالام وايضا " سورة الزلزلة " ساعات الولادة
والله يسهل عليك ويقومك بالسلامة
على فكرة انا ولاداتي كلها في مستشفى دبي وعمات عيالي في الوصل ولي بعض الصديقات في ويلكير والدولي " عند د. نهلة "
وصدقيني كلنا نقول نفس الكلام عن المعاملة
مرة ثانية اقولك توكلي على الله ولا تحاتين

L

Lovley_Eyes

عروس متألقة

25-06-2005 | 09:27 PM

مشكوووووورة يا نجلا دبي ما قصرتي..الله يسهل علي انشاء الله و على كل الحوامل..........

م

مهرة

عروس مشاركة

25-06-2005 | 11:37 PM

انصحج اختي لالالالالالالالالالالالالالالالالاتربين فى الوصل

وايد يمدحون مستشفي دبي

a

angel eyes

مشرفة سابقة

26-06-2005 | 07:36 AM

انا مع نجلا دبي.....كل اللي قلتيه صح 100%

L

Lovley_Eyes

عروس متألقة

26-06-2005 | 10:11 AM

بس اللي سمعته اننه الدكتورة نهله ايدها خفيفة و تريح النفسية..ترى هذا اهم شي هذيج الحزه......على العموم انا عندي مدة كافية افكر فيها......و مشكورين

ف

فوانيس

مشرفة سابقة

26-06-2005 | 10:20 AM

هلا يا بنات
حبيباتي تطور مستشفى دبي للأحسن
و الحوامل و المربيات بعدد محدد و بدون زحمه

h

hindali

عروس جديدة

10-07-2005 | 02:03 PM

أنا مع أختي نجلا ...كلامها صح 100% وكم يسوى انج في الوصل بعد الولادة في غرفتج ترتاحين ولا حشرة وإزعاج الغرف في مستشفى دبي...تبين ترقدين ما ترومين!! وخياطتي في الوصل رحت أفحصها عند د. زينب الشنار وقالت عنها إنها تمام التمام.

b

bj3a

عروس ماسية

11-07-2005 | 01:46 PM

والله انا بتكلم عن مستشفى دبي لاني ما يربت الوصل .. الحمدلله كلهم كانوا خفاف وربيت بسرعة وما حسيت بتعب المبالغة من الناس .. قالولي بتحسين انج تموتين وروحج تطلع .. الحمدلله وقت الولاده الدكتزرة كانت تحاول تكلمني عن البيبي .. تسالني وانا احاول اطلع البيبي .. وتنصحني بطريقة الدفع والحمدلله ريحتني من الناحية النفسية .. والطاقم الي وياها كانوا حلوين معاي ومع البيبي .. صدق يشوقونج عشان بسرعه تشوفينه ..

الحمدلله .. واذا حملت مرة ثانية افكر اربي في نفس المستشفى

ع

عروس اللولو

عروس مبدعة

20-07-2005 | 09:59 AM

أنا بعد سمعت ان مستشفى دبي وايد يمدحونه .. بس بجهة بسألج منو الدكتورة اللي ولدتج .. و صدق الغرف مشتركة و لا كل وحدة عندها غرفتها الخاصة

b

bj3a

عروس ماسية

20-07-2005 | 10:49 AM

ما اعرف اساميهم لانهم اكثر عن وحده كانوا 3 معاي من الدكاترة و2 من النيرس

لا حبيبتي .. الحجر ما تكون مشتركه في قسم الولاده .. في اقسام القب والكلى وهاي الاماكن يمكن تكون مشتركه .. ما عليج من كلام حد ..
واذا تبين تتاكدين سيري مستشفى دبي القسم 6 ..