@؟@ ضيف تحت المجهر ـ 3 @؟@

ابو داحم 17-06-2005 204 رد 11,995 مشاهدة
ر
هلا بنفسجة العين....والله عندي الا سؤال واحد...

لو ملكتي الارض لمدة سنة وحدة بس شو الاشياء والتغيرات التي بتحاولين تسوينه؟؟؟؟

وســــــــــــلامتج...
ش
وفديت قلبج انا بعد
بنفسجة تسلمييين على الاجابات الحلوة
الصراحة استمتعت وانا اقرأ اسلوبج روووعة
ماشاءالله في الاجابات لا صدقي يالغالية
تستاهلين وربي كل خير ..


بنفسجة سالفت العصير عجيبه يوم قلتي بار
ما قدرت اقاوم رحت يبت لي عصير ... وهم الجدري
بس تدرين حلو لجنه خاصة هههههههههههه
الكل يتمناها عشان عنايتهم حلوة اتصير يقولون
واهتمام ماكو مثله والطالبه تتشقق من الفرحة لا وبعض
الطالبات يزيدون بالدلع ليش لجنة خاصة
يعني المسمى vip ههههههههههه

مشكوووورة يالغالية على الاجابات العسل
مثل صاحبتها ..

واذا على رفيجاتي الله يكون بعونج
كاهم صافطين عند بوابة المنتدى بيدخلون
الحين والله يكون بعونج من العواصف مو
عاصفة وحدة ههههههههه ونسيت اقولج
هم هادين لانه الجنطة عندي انريحها اليوم
ههههههههههههههههه
بس ولا يهمج اشوف سهرات بعد عمري اوصلت
يالله تجهزي لاسئلتها الله يوفقج .....
ا

فرضٌ عليّ أن أكرر الترحيب الحار
بهذه الكوكبة المتتابعة من الأعضاء الكرام
وأشكرهم على جميل انتقائهم لهذه الأسئلة

ولا زلنا نتطلع لمزيدٍ من الأسئلة
لنتعرف أكثر وأكثر على شخصية ضيفنا الكريم





ابــ داحم ــو
س

تسلمين .. حبيبتي ..بنفسوجة .. على إجاباتك اللي روعة مثلك ..

هلا حبيبتي .. شجونة ..
أنا جيت مريت على بالي أن الشنطة قريبة ..
أثاريك للحين ماحذفتيها علينا ..
نبي كم ورقة بس .. مو كل الشنطة .. وشاكرين ومقدرين
***
أسئلتي .. بنفسوجة ..
أنا قلت لك .. الله يعينك علينا ..
س / هناك مراحل دراسية يبقى أثرها عالقاً في الذاكرة أكثر من غيرها .. فأي مرحلة تجدين أنها أكثر أثراً فيك ؟؟ ولماذا ؟؟

س / من خلال إجاباتك يتضح أنك مازلتِ في مرحلة تحديد مصيرك المستقبلي .. فهل سيكون لوالديك تدخل في اختيارك ؟؟ ومارأيك بالأبوين عندما يرغمون أبناءهم على دخول تخصصات تخالف رغباتهم ؟؟

س / ما أصعب المواقف التي مرت عليكِ في حياتك .. وكان لها أثراً في تغيير مجرى معين في حياتك ؟؟؟

وسلامتك .. وسلامة الحاضرين ..
شجونة .. تراي انتظر الشنطة ..
مو تخليني افحط بهاالأسئلة اللي ما أدري وشلون هي قايله..
ا

السلام عليكم ورحمة الله وبركاته..

أول شيء اشكر الاستاذ ابو داحم على اختياره الموفق لعضوة متميزه..


وارحب بضيفتنا بنفسوجه .. وابارك لها على النجاح مرة ثانيه..



شيء مثل يقول. better late than never ..

طبعا فيه اشياء ما تتغير.. العنيدة اخر الناس كالعاده..

بس ييت ويبت لج كم سؤال..

بس قبل اتفضلي




يلا السؤال الاول..

الكندر متى بيوصلني؟

لا لا.. مش هذا السؤال...

أسئلتي :

- من متى وانتي ادشين النت ؟

-شو اللي استفدتي منه؟

- شو اللي خلاج تسجلين في منتديات عروس؟

- شو اول موضوع لج في المنتدى؟ وشو اول رد؟ لو تذكرين ..

- بنفسجة العين.. تثقين بالناس بسهوله؟

- جد انصدمتي في حد؟

- شو اخر هديه وصلتج؟

- تحبين تسوين مقالب في الناس؟ اذا هيه قوليلنا عن اخر مقلب..

وبعد اذا حد مسوي فيج مقالب.. خبرينا.. اذا ممكن


- عندج ورقة وقلم.. شو بتكتبين؟

- منو شاعرك المفضل؟

- قصيده قريتيها و اثرت فيج.. شو هي؟

- أحلى بيت شعر قريتيه.. ؟

- من قصايدج.. شو هي القصيده اللي تحبينها اكثر شيء؟

- كلمه دايما ترددينها ؟

- " بنفسجة العين ملكة التنقيعات " شو رايج؟

- " امهر الطباخين في العالم رجال " .. تعليقك؟

- اذا حطوج مديرة مدرستكم لشهر واحد.. شو بتسوين؟

- شو الشيء اللي كان خاطرك تسوينه لكن ما سويتيه؟

- شيء سويتيه و ندمتى عليه؟

- كلمه قلتيها وندمتي عليها؟

- 5 عضوات من المنتدى ودك تتعرفين عليهن اكثر ؟

- اختاري 6 اعضاء من المنتدى وقولي رأيج فيهم ..

- نصيحه توجهينها لشباب اليوم والبنات خاصه؟

- اكتبي بيت شعر توصفين فيه شعورج الحينه.. اذا مش ممكن اختاري ابيات لشاعر ثاني.. واذا مش ممكن اوصفيلي شعورك بكلمات : )

- اذا عندج كلمه ودج تقوليها لي.. تفضلي..

- شحالج؟


شفيكم اطالعوني جذيه : (

خلاص for now


سوري طولت عليج.. واسمحيلي اذا شيء أسئلة مكررة.. تراني ما قدرت اقرا كل الاسئله.. وخفت اطلع من غير ما اسأل و ما ادش مرة ثانيه.. لأني مشغوله شويه هالايام.. بس بسير اقرا الحينه.. والاسئله المكرره حطي " مكرر "


:flower: :flower:
ص
صباح الخير

بنفسجة العين كيف الحال !!! الله يعينج على اسألت مشرفتنا العنيــــــدة™ مع انها مو كثيرة :s

هالمرة ودّي نغيّر في طابع الاسئلة الروتينية شوي ، شرايج لو نشوف الثقافة الدينية عندج وياليت لو تكون الاجوبة من معلوماتج الحالية دون الرجوع لأي مصادر وعقب ، راح نشوف الصح من الخطأ . . .

مستعدة !!!! يلاااااا GO :up:

ماهي شروط صحة الصلاة وهل تجوز الصلاة في مربط الغنم ( زريبة الغنم ) ؟
هل يجوز الوضوء بما البحر ، ام يُفضّل التيمم بالتراب في حال عدم توفر إلا ماء البحر ؟
ماحكم صلاة فتاة بان باطن قدمها وهي في السجود ، هل صلاتها صحيحة أم باطلة ؟
من هو الطاهر بين الخبيثين ولماذا سمّي بذلك ؟

ان شاء الله الكل يستفيد من الأجوبة
شكرا لرحابة الضيافة
تحيتي
س

ياهلاااا بغاليتنا .. العنيدة ..
مسامحينك على التأخير .. عادي ..
عارفين .. ماتبين نطيح على شنطتك ..

بس مسكينة .. بنفسوجة .. مايسوى عليها هالشوكلاته
نشفتي ريقها بالأسئلة ..
والا على سالفة .. أكرم الفم تستحي العين ..

حبيبتي بنفسوجة .. مو كأن شنطة شجونة أرحم ..

جينا للجد .. بصراحة يالعنيدة أسئلتك روعة .. ماشاء الله عليك
يعطيك العافية ..
ف
[grade="00008B FF6347 008000 4B0082"]مساء الورد لكل أعضاء منتدى عروووووووووس

وخصوصا بنفسجة العين كيفك ياقلبووو

غاليتي ..

أنا حريصة على متابعة إجاباتك المشوووووقة (( ماشا ءالله تبارك الله ))

بس عندي كلمة واحدة بس






















































































أحبك في الله

أختك في الله

هااااايدي [/grade]
أ
ريم دار الزين:
هلا بنفسجة العين....والله عندي الا سؤال واحد...

لو ملكتي الارض لمدة سنة وحدة بس شو الاشياء والتغيرات التي بتحاولين تسوينه؟؟؟؟

وســــــــــــلامتج...



هلا وغلا ومرحبا الساااااااااع

اممممممم خياالج واسع انتي ؟؟ املك العاالم ولمدة سنه ؟؟؟
انزييين
تدريين شو بسوي
1- بمحي امريكا من الوجوووود
2- بييب راس شاارون وبعطيييه بووكس على عينه وبعدين باامر باعداامه
3- ببني مسااجد في كل دولة عشان ينتشر الاسلام ويدخل اكبر عدد من الناس في الاسلام
4- برد كل العرب المهاجريين لبلادهم
5- بعدل نظام العمل يعني كل واحد ياخذ راتب على كثر ما يشتغل مثل في اليابان
6- بسكر كل المراقص والملاهي الليليه
7- بمنع الخمر والكحوول والسجائر

امممممممممم وايد اشيااء في باالي
هااه شو رااايج ؟؟ انفع احكم العالم ؟؟ صح ؟؟

ثاانكس عالسؤااال
بنفسجة العين
أ
شجونة الحلوة:
وفديت قلبج انا بعد
بنفسجة تسلمييين على الاجابات الحلوة
الصراحة استمتعت وانا اقرأ اسلوبج روووعة
ماشاءالله في الاجابات لا صدقي يالغالية
تستاهلين وربي كل خير ..


بنفسجة سالفت العصير عجيبه يوم قلتي بار
ما قدرت اقاوم رحت يبت لي عصير ... وهم الجدري
بس تدرين حلو لجنه خاصة هههههههههههه
الكل يتمناها عشان عنايتهم حلوة اتصير يقولون
واهتمام ماكو مثله والطالبه تتشقق من الفرحة لا وبعض
الطالبات يزيدون بالدلع ليش لجنة خاصة
يعني المسمى vip ههههههههههه

مشكوووورة يالغالية على الاجابات العسل
مثل صاحبتها ..

واذا على رفيجاتي الله يكون بعونج
كاهم صافطين عند بوابة المنتدى بيدخلون
الحين والله يكون بعونج من العواصف مو
عاصفة وحدة ههههههههه ونسيت اقولج
هم هادين لانه الجنطة عندي انريحها اليوم
ههههههههههههههههه
بس ولا يهمج اشوف سهرات بعد عمري اوصلت
يالله تجهزي لاسئلتها الله يوفقج .....


حي الله شجونه
ربي يسلمج عنوووني
ههههههههههههه هييه والله اللجنة الخااصة عجيييبه
خااصة عااد كل مرة يسألوني تبين شي ؟؟ محتااجه شي ؟؟ شي في خاطرج ؟؟
ههههههههه اااخر دلع

شجوونه عيوني خلييها الشنطة عندج رحمييينا الله يخلييج ههههههههه

انا بانتظار اسئلتكم
بنفسووجة
أ
مرحبا بسهرات

حيااج عيووني
س / هناك مراحل دراسية يبقى أثرها عالقاً في الذاكرة أكثر من غيرها .. فأي مرحلة تجدين أنها أكثر أثراً فيك ؟؟ ولماذا ؟؟
والله كل مرحلة لها حلاتها
في المرحلة الابتدائية كانت رووووعة ...احلى شي يوم كانا ندرس موسيقى هههههههههههههاااااي لو تسمعيين الاصواات بتموتين ههههههههه دو ري مي فا صو لا سي دو ههههههههههههههههااااي
في المرحلة الاعداديه : كانت اكثر مرحلة ما حبيتها والسبه مديرتنا ... وكنت بالمرة مش مرتاااحة في المدرسة بس مع هذا كملت ثلاث سنين دراسيه فيها
اما المرحلة الثانويه : طبعا خلصت اول ثانوي بس والله كاانت سنة وااايد حلوة حسيت اني كبرت ..معاملة الابلات للطالبات شوي احسن عن الاعداديه ... باختصار كانت سنة راائعة .. واتمنى المرحلة الثانويه كلها تكون حلوة خاصة انها اخر مرحلة في المردسة
س / من خلال إجاباتك يتضح أنك مازلتِ في مرحلة تحديد مصيرك المستقبلي .. فهل سيكون لوالديك تدخل في اختيارك ؟؟ ومارأيك بالأبوين عندما يرغمون أبناءهم على دخول تخصصات تخالف رغباتهم ؟؟
شوفي الغاليه ابوي وامي ممكن انهم يقولون رايهم اما انهم يغصبوني على شي ما اباه ؟؟؟ لاااء .. عمرهم ما سووها
اخواني اللي اكبر عني اختارو تخصصاتهم بروحهم وامي وابويه كانو سعدين بهالاختيارات وما ارغموهم على شي ما يبوونه
اجاباتي على الشق الثاني من سؤالج : اعتقد انه الام والاب دايما يحبون يشوفون عيالهم في احسن المستويات فمثلا شي طبيعي انه الام تفض ولدها يدرس طب عن انه يدرس تخصص ماله فايدة ..ولكن شو الفايدة انه يدرس طب ويخسر سنين من عمره بدون ما يكون ناجح في هالمجاال ؟؟ يعني انا ضد انه الام او الاب يرغمون عيالهم على شي ما يبوونه ممكن يقنعونهم بس ما يغصبونهم ؟؟ لانه مافي شي ينجح بالغصب
س / ما أصعب المواقف التي مرت عليكِ في حياتك .. وكان لها أثراً في تغيير مجرى معين في حياتك ؟؟؟
مالي اي مواقف ادت لتغيير مجرى حياتي ....


سهرات اتمنى الاجابات تكون وافيه
وشكرا على تواصلج يالغاليه
بنفسجة العين
ذ
عمري العنيدة

:eek2::eek2::eek2::eek2:

شكلها عملية سطو على شنطة التحقيقات

ولا مو معقولة هالأسئلة ماشاء الله لاقوة إلا بالله

بقعد يومين ماني سائله

عقدنا بنفسوجة توها مخلصة من الإختبارات

بنفسوجة بعد عمري كنسلت اسئلتي

تحياتي
ا


بسم الله الرحمن الرحيم


السلام عليكم ورحمة الله وبركاته


حبيبتى وأختى الصغيرونة بنفسجة العين


غاليتى أنا كثير خجلانة لانى اجيتك متأخرة بس صدقينى الظروف

هى اللى منعتنى الوحم وخبر وفاة ابن عمى


مع انى قاعدة واكتب على الكيبورد ما اقدر اوصف


لكى تعبى وحاسة نفسى قرفانة حالى


مع هذا حبيت اعتدر منكى وأسئلك سؤال حتى لا تزعلى وتقولى

انى ما سألتك حبيبتى الغالية والله انتى حبوبة

وكثير بحبك والكل بيحبك


الله يسعدك ويحفظك طبعا اعتدر لم اقراء كل الاسئلة وردودك للاسئلة

بس اعدك انى راح اقرئها كلها


سؤالى لكى غاليتى هو :


س : لو فزتى بتدكرة سفر لشخصين لمدة اسبوعين لمدينة انتى تطلبيها

من الشخص الذى تودى اخده معك و

اكيد فى مدينة نفسك تروحيها الى اين يا ترى طبعا بلاد عربية ؟


لو حسيت نفسى زينة وصحتى احسن راح ارجع لسؤالك ان شالله يا قلبى


واذا لم احضر ابيك تعذرينى حبيبتى

تحياتى لكى ولكل العرايس الحلوين اللى ما قصروا

أختكم فى الله العيون العسلى
أ
حي الله العنيييدة
وانا اقوووول وييينج ؟؟ لييش تاخرتي ؟؟ هاااه ؟؟
المهم اخر شي ييتي ونروتي الموضوع عنوووني
الكندر متى بيوصلني؟
ماشي كندر ...الكندر خلص من الدكاكين والسوبرماركتاات قالو العنيدة خلصته ... الحين الصغاريه قاعدين يدعون عليج لانج خلصتي الكندر عنهم هههههههههه

أسئلتي :

- من متى وانتي ادشين النت ؟
من تقريبا 3 سنين او اقل
-شو اللي استفدتي منه؟
والله واايد اشيااء النت فيه الزين وفيه الشين
اول شي يساعدني في حل واجبااتي المستعصية >>>>حلوة هاي المستعصية هههههههه
ثانيا اترعفت على ناس حلوين نايسين مثلكم
ثالثا :صار عندي شوية ثقاافة
رابعا : تعرفت على تجارب غيري واكييد استفدت منها
خامسا : اطلع أكلات واطبعها واقول حق امي شوفي بنتج بتطبخ والين الحين ما سويت شي من هالاكلاات ههههههههه
وااايد اشيااء لو بتم اعدد ما بخلص
- شو اللي خلاج تسجلين في منتديات عروس؟
اول شي انا دخلته كنت بس ابى اشوف بس قالولي لازم اسجل
فاضطريت اني اسجل وسجلت
- شو اول موضوع لج في المنتدى؟ وشو اول رد؟ لو تذكرين ..
اكيييد كان موضوع في ركن الاستقباال عشان ترحببوبي
واكييد ما اذكر اول رد .........
- بنفسجة العين.. تثقين بالناس بسهوله؟
قبل ..هييه كنت بسرعة اصدق الناس واثق فييهم
بس الحين استويت افكر قبل مما اثق في حد ..وللاسف مرات افكر واشوف انهم قد الثقة بس بعدين انصدم

- جد انصدمتي في حد؟
هييه انصدمت في وحدة كنت اعتبرها تقريبا ربيعتي بس الحين سويتلها باي باي عشان شي اكتشفته فيها
والله وايد ناس انصدمت منهم ما كنت اتوقعم جييه

- شو اخر هديه وصلتج؟
هدية من عند ابويه بمناسبة نجاااحي
يابلي سااعة حلوووووووووة وطقم

- تحبين تسوين مقالب في الناس؟ اذا هيه قوليلنا عن اخر مقلب..
هيييه
من يومين يوم سرنا دبي كانت امي مع اخواني تلعبهم وانا وخالتي رحنا الاسواق فشفنا نفس فستاان امي بالضبط وسالنا عن سعره
المهم يوم ردينا قالت خالتي حق امي شفنا نفس فستاانج بالف درهم ؟؟؟؟ وامي اصلا مفصلتنه ب3 الاف ....امي انصدمت ...الفرق الفيين .. بس بعديين قلنالها الصدق ..انه سعره 3 الاف وخمسميه ..ارتااحت ههههههههه
وبعد اذا حد مسوي فيج مقالب.. خبرينا.. اذا ممكن
يوم تسليم شهادات راحت امي من غير ما تخبرني تييب شهادتي ويوم يت تمت تقوولي : شو هذااا ؟ ليش جييه نزلت ؟؟ وانا هاييج الساااعة قلبي طااح في نص بطني مع اني كنت وااثقة من عمري ؟؟ وشويه وبصيييح ههههههه بسررعة خذيت الشهادة من ايدها وشفتها وهي قاعدة تضحك عليه

- عندج ورقة وقلم.. شو بتكتبين؟
لو الحين في ايدي ورقة وقلم ما بكتب شي .. بخليها فااضية لانه مالي بااارض
- منو شاعرك المفضل؟
صرت من المعجبات بالشاعر الكويتي : حامد زيد
- قصيده قريتيها و اثرت فيج.. شو هي؟
هالقصيدة سمعتها ما قريتها وكانت للشاعر المنهالي
رثاء لابويه زايد ربي يرحمه ... ما قدرت احبس دموعي يوم سمعتها

- أحلى بيت شعر قريتيه.. ؟
امممممممم ما اذكر
بس في قصييدة للشاعر خالد العيسى تعجبني تتكلم عن الشعر والمشاعر
اقريها وقلي راايج فيها
الشعر وش هو غير ثورة مشاعر = تنتاب مرهف حس في بعض حالات
تداهمه فكرة معاها يسافر = باحساس مشحون بفكر وانفعالات
على بساط من خيال يهاجر= لاخر حدود في مدى المستحيلات
يبات في عين الغلا قلب ساهر = يبات يقطف من غواليه نجمات
يجني رحيق الورد بين الازاهر = ينضد عقد معناه كلمات كلمات
ما للشعر مهما تعمقت اخر = ما للفكر مهما قصى من نهايات

ما كل من بات الليالي بشاعر = ولا كل شاعر يدمع الحرف اهات
ولا ك موزون عليه النواظر = ولا كل بيت ينحسب بين الابيات
ولا كل من ابدع وصل لابن ظاهر = ولا كل ديوان ترك فيك بصمات
ان كان ما هز الشعر فيك خاطر= ولا خلف بقلبك دوي انفجارات
ولا حرك احساسك ولو بالمناظر = ولا ثار تفكيرك ولو باحتمالات
هذا شعر اجدى ينام بالمقابر = بعض الشعر خالد ولو شاعره مات

- من قصايدج.. شو هي القصيده اللي تحبينها اكثر شيء؟
كل قصايدي لهم مكاان خاص في قلبي ..احسهم كانهم عياالي
- كلمه دايما ترددينها ؟
( انزييييييييين ) خاصة يوم ارمس ربيعاتي لازم بين كل جملة والثانيه شي كلمة (انزييييييييين) والحنها بعد هههههههه
- " بنفسجة العين ملكة التنقيعات " شو رايج؟
التنقيعاات ؟؟ ربنا يسامحك
انا اصلا التنقيعات ما تعرفني ولا اعرفها كيف تقولين اني ملكتها
- " امهر الطباخين في العالم رجال " .. تعليقك؟
منو قااال ؟؟
والله ما ادري بطعم طبخهم وبعديين بخبرج

- اذا حطوج مديرة مدرستكم لشهر واحد.. شو بتسوين؟
يااااااااااااااسلااااام
بيكوون هالشهر اجاازة هههههههههههههااااي ما بداوم ولا الطالبات بيداومن ولوالمعلمات يبن يداومن ما عندي مانع يمكن بيدرسن عمارهن ههههههههه
لا لا امزح
اول شي بسوييه بيكون الدوام من الساعة 8 صباحا الين 2 ظهرا وبعديين ما يكون شي طاابور صبااحي ولا اذاعة صباااحيه
يكون شي بريك بين ك حصة والثانيه
لازم المعلمة تراعي ظرووف الطالبه وما تصاارخ وتنسى دفتر العلامات في غرفتها
كل اسبووع بيكون في رحلة وطبعا الرحلة بتكوون غير شكل مش مثل ما يسوون دايما ( ما عندهم غير يودونا حديقة الهيلي ) مثلا يودونا المبزرة ولا كلية التقنيه عشان ناخذ خبرة ونتعلم ولا الجامعة ولا المتحف ولا يودونا البييت ههههههه ولا دار رعايه المسنين او مركز المعاقين او المستشفياات نسلم على المرضى ونييبلهم هدايا ...

شي ثاني .. الامتحانات لازم تعتمد على الفهم مب الحشو والحفظ
و بغير مريوول الطالبات بسوي موديل يدييد
اوحد ملابس المعلمااات وخليهم يلبسن مراييل نفس الطالبات .>>>>قمة العدل والمساواة
بمنع الشبااب من الحوااطة جدام المدرسة وذلك بالسمااح للسيارات الخاصة بالدخول داخل ساحة المدرسة

اكتشتفت اني انفع اصير مدييرة

- شو الشيء اللي كان خاطرك تسوينه لكن ما سويتيه؟
كان خاطري اشترك في دور ال ICDL اللي تقدمها الجامعة لطالبات الثانويه بس ما لي نصييب هالسنة يمكن السنة اليايه - شيء سويتيه و ندمتى عليه؟
قبل امس رحت دبي وندمت اني رحت
- كلمه قلتيها وندمتي عليها؟

ما اذكر ...
- 5 عضوات من المنتدى ودك تتعرفين عليهن اكثر ؟
شجونه الحلوة
ذكريات ثائرة
انتي
شيخة المزايين
الريم ه

- اختاري 6 اعضاء من المنتدى وقولي رأيج فيهم ..
ابوداحم : طرحه للمواضيع عجييب بس يميل للجديه اكثر
صارع : عنده افكاار تعجبني واحيانا احسه شييبه واحيانا اشوفه طفل صغير
كيوت انجل : احس انها زعلاانه مني والدليل انها ما مرت على هالموضوع .. بس بنوته حبوبه وبينا مشروع صداقة ان شاء الله
فتاة الجبال : احسها طفووليه وتحب الرسوم المتحركة
العيون العسلى : مرحة جدا واسلوبها حلو وصارلها يومين غاايبه يمكن الحمل متعبها .. الله يعينها
- نصيحه توجهينها لشباب اليوم والبنات خاصه؟
الشباب : انتو في مرحلة العطااء .. نتوقع منكم شي اكبر من جلوسكم والحواطة في المولات والمراكز .. انتو عزوتنا
لكل شاب اقول : اشغل وقتك بشي يفيدك .. اعمل يوم لغد افضل
حافظ على صلاتك واحفظ الله يحفظك

اما البنااات :
نصيحتي لكل بنت : حافظي على نفسج عدل .. واحرصي على سمعتج وسمعة اهلج ..وقبل ما تسوين أي شي فكري : هل هالشي بيضرج او بيفيدج .؟؟ بيضر اهلج ؟؟ بيضر سمعتج ؟؟
هالنصيحة اوجها لنفسي قبل ما اوجها لغيري

- اكتبي بيت شعر توصفين فيه شعورج الحينه.. اذا مش ممكن اختاري ابيات لشاعر ثاني.. واذا مش ممكن اوصفيلي شعورك بكلمات : )
والله اني هلكت ..تعبت من اسئلتج .. ايدي تكسرت
هههههههههه بس اسلتج عيبتني ما شاء الله عليج منوعة في كل شي
هذا شعوري
شعوري هو شعور انسان بين اهله وناسه
يحبهم ويحبونه يراعيهم ويراعون احساسه

ج كلمه ودج تقوليها لي.. تفضلي..
احبج كثر ما تحبين الكندر ههههههههههههه
- شحالج؟
ههههههه حلفي انتي بس
تو الناااس .. يوم خلصتي تسالين عن حاالي
انا بخيير طال عمرج انتي شحاالج
شفيكم اطالعوني جذيه : (
مستغربين بعد شو فيهم
خلاص for now
صدق ؟ خلصتي ؟؟ متاكدة ؟؟ ما نسيتي شي ؟؟
العنييدة الصراااحة صح اني تعبتع بس استمتعت وانا اجااوب
واطمني مافي شي مكرر
تشكرااات وايدات حقج

بنفسجة العين
أ
صـــارع:
صباح الخير

بنفسجة العين كيف الحال !!! الله يعينج على اسألت مشرفتنا العنيــــــدة™ مع انها مو كثيرة :s

هالمرة ودّي نغيّر في طابع الاسئلة الروتينية شوي ، شرايج لو نشوف الثقافة الدينية عندج وياليت لو تكون الاجوبة من معلوماتج الحالية دون الرجوع لأي مصادر وعقب ، راح نشوف الصح من الخطأ . . .

مستعدة !!!! يلاااااا GO :up:

ماهي شروط صحة الصلاة وهل تجوز الصلاة في مربط الغنم ( زريبة الغنم ) ؟
هل يجوز الوضوء بما البحر ، ام يُفضّل التيمم بالتراب في حال عدم توفر إلا ماء البحر ؟
ماحكم صلاة فتاة بان باطن قدمها وهي في السجود ، هل صلاتها صحيحة أم باطلة ؟
من هو الطاهر بين الخبيثين ولماذا سمّي بذلك ؟

ان شاء الله الكل يستفيد من الأجوبة
شكرا لرحابة الضيافة
تحيتي



قصدك مسااء الخيير
هلا بو محمد
احلف انته بس ؟؟ الحين اسئلة العنيدة مب كثييرة ...عيل تعال جااوب اشوفك هههههههه
يالله تعااال

يالله انزين بجاوب على اسئلتك

شروط صحة الصلاة : النيه والوضوء وتكبيرة الاحرام والاتجاه باتجاه القبلة ........... اتوقع بس هاييلا

لا لا تجوز الصلاة في زريبة الغنم عشان المكان بيكون غير نظيف بسبب فضلات الغنم

الوضوء بماء البحر ؟؟؟ هيه يجووز لانه ماي ودامه نظييف ليش ما توضا فييه

ماحكم صلاة فتاة بان باطن قدمها وهي في السجود ، هل صلاتها صحيحة أم باطلة ؟ صحييحة

من هو الطاهر بين الخبيثين ولماذا سمّي بذلك

ما اعرف

صااارع
ما اعتمدت غير على عقلي ما سالت حد .. والله
يالله خبرني كم يبت ؟؟

بنفسووجة العيناويه
أ
سهرااااات
يامرحبا الساع
هههه حلوة هاي (اكرم الفم تستحي العين)
بس حلو طعمها الشوكولاته .. ما خليتلكم شي ههههههههههههااااي
ههههههههههههه هيه والله شنطتكم ارحم
العنييدة ربي يهديها ما خلت شي في خاطرها هههه

يالله سهراات وين باقي اسألتج ؟؟

بنفسجة العين
ص
في أخطاء في الإجابات
وراح نشوف رأي الاعضاء الباقيين فيها . .شرايج . .راح تعم الفايدة علينا كلنا
ذ
وشروط صحة الصلاة:


1) الإسلام:

2) والعقل: .

3) والتمييز:

4) واستقبال القبلة:

5) ودخول وقت الصلاة:

6) والعلم بفرضيتها:

7) وأن لا يعتقد أن فرضًا من فروضها سنة

8)وستر العورة:

9) والطهارة عن الحدث: أي الحدث الأصغر والأكبر.

10) والطهارة عن النجاسة غير المعفو عنها في:

_ البدن

_ والثوب:

_ والمكان الذي يلاقي بدنه:

_ ويشترط أن لا يكون حاملا للنجاسة كقنينة فيها نجاسة يحملها في جيبه.

الإجابة منقولة للفائدة
ا

أهلاً بكم مرة أخرى
ومساء الخير على الجميع




ابــ داحم ــو
ا
عزيزتي بنفسجية العين

حضور رائع ورونق لا يضاهي روعته مثيل ... أمتعتنا فعلاً ... ورحلنا الى عالمكِ
الرائع تجولنا بين مراحل حياتك التي يكسوها المرح والسرور أدامه الله من فرح
ادخل السرور الى قلوبنا لا عدمناكِ يا أُخية ذخراً لوالديك ... وذخراً لنا نحن أخوتكِ .

غاليتي النك الثاني اللى اخترتية (( احساس القصيد )) رائع وجميل ..
بس بنفسجية العين اجمل من ناحية شخصيتكِ الرائعة المرحة والمسرورة ...
وصرنا نعرفك على طووووول الاسم مميز
بصراحة واحساس القصيد راح يكبرك اكثير ... خليكِ دلوعتنا
انا عندي راي انتظري لين ما يطرأ جديد على شخصيتك وبعدها غيريه
الى ما يناسبك ...

العيون العسلي ...
عظم الله اجركم ... واحسن عزاكم ... الباقي والدايم الله...الله يرحمة ويغمد روحة الجنة
والانسان مذكور يا الغالية دائما عند ر به .ونشكر لج هذي المداخلة الطيبة رغم الظروف
العصيبة التي تمرين بها الان.

أختكم الداعية لكم بطيب المقام والعيش دائما
العتب

X