مين فيكم شاف حلقه Oprah الإستفزازيه أمس

اختي على البال : نفس شعورج والله... شفتي كيف الحرية بنظرهم؟ شفتي كيف في نظرهم ان الحرمة تقدر تتصل بالريال وتطلب منه تطلع معاه هو الحرية قي نظرهم؟؟
الاخت العيناوية قالت ان رانيا هي طلبت من اوبرا تحط هذا التقرير في البرنامج.. قلتلكم تبا تشتهر على حسابنا

مانقول غير حسبي الله ونعم الوكيل

عزيزتي اولا هذي تحت ولاية يهود لان الاعلام بيدهم يعني شئ طبيعي الحقد الديني والدفع المادي بتسب السعوديه لانها متمسكه بدينها

ثانيا لانلقي اللوم فقط عليها ومو دفاعا عنها لكن لان المسلمات يستاهلون لشكوتهم بالكبت والحرمان الي والله لو عاشوا برا وشافو الاظطهاد عرفوا قيمة النعمه الي هم فيها

صايرين مثل الببغاوات نبغا الحريه وحقوق المراه لكن نشوف بعد عشرين سنه ويمكن اقل اذا ماتمنو العيشه الي الحين فيها وحسوا انهم ضيعوا منصب ملكات في مملكتهم

لكن ماتعرف قديري الا لما تجرب غيري ((قالوها))

انا بعد سمعت عن هذي الحلقة، واختي بعد كتبتلها ايميل وماخلت شئ....يعني بدال ما اوبرا ترمس حق مصر والأهرام وعن دور المرأة في السياسة في الكويت والإمارات...قاعدة تتكلم عن هذي الحرمة بس...أصلن هذه ماترمز الدول الخليجية....وشو هذي التفتهة يعني من موقف واحد حددت كيف أهل الخليج...وتقول انهم مطورت....اي تطور اي خرطي...والله تافهة وClose minded

يا بنات السعودية تقدرون تثبتون انكم على العكس
كلكم على ثقافة ولباقة عالية تقدرون تردون عليها ومتأكدة لاينقصكم العلم ولا التمكن من اللغة ... ردوا عليها واثبتوا انكم شي ثاني غير اللي اتقدم عنكم وعن باقي النساء العربيات
www.oprah.com

انا معاكم ...................................

أنا مع الأخت REEF

صحيح اني تفاجأت يوم جابت عن الشرق الأوسط
لكن ما توقعت ان كان قصدها شي ثاني

أنا ما قهرتني هي .. أنا قهرتني هذي اللي بنت اخو بن لادن الله يهديها
يارب انه يهديها وتقهرهم كلهم

تحياتي ................

السلام عليكم ورحمة الله وبركاته

اولاً احب اشكر اختي سندويشة على طرح الموضوع وما نقول غير حسبنا الله ونعم الوكيل لان بالفعل اللي شفنا شي يقهر !!

وانا مع الاخت على البال في كل اللي قالته..بصراحه موضوع رانيا الباز ما كان له دخل في موضوعهم... يعني لو حطو في حلقه عن العنف ضد المرأه اللي يمكن موجود عندهم اكثر من ماهو موجود عندنا بنقول ماشي الحال لكن انهم يدخلون الموضوع بهالصوره اللي تشوه صورة المرأه العربيه المسلمه فابصراحه احنا ما نرضا بهالشي ولا راح نسكت ..انا معاج يا اخت سندويشة في الخطاب اللي راح ترسلينه وانا عن نفسي راح اطرش لها رساله واتمنى من كل الاخوات اللي شافو الحلقه انهم ما يسكتون ويراسلونها.. خلونا نوضح لها عدم رضانا على اللي صار ونصحح لها معلوماتها عن دينا الاسلامي وعن مدى تكريمه وتعزيزه للمراه المسلمه ولو بصوره مبسطه

وتحياتي للجميع

تعرفون يا خواتى الغلط مب من اوبرا ومن الاجانب ..الغلط منا لانا ما نحاول انوصل صورة صحيحة عن بلادنا ..مكتفين انا انشوفهم ايسوبونا وما نحاول انصحح صورتنا
خواتى في يوم وحده فكرت منكن اطرش لاوبرا رسالة تتكلم فيها عن المرأة العربية؟
اوبرا لقت موضوع هاى المذيعة هوه الوحيد الى عندها عن المرأة في الشرق الاوسط فعرضته:angry:

[grade="FF4500 4B0082 0000FF 000000 F4A460"]المشكله الاكبر يا خواتي في اي قناه عرض هذا البرنامج .................. وللأسف على قناه عربيه خليجيه سعوديه ............بصراحه الواحد ما يقول الا حسبي الله ونعم الوكيل .[/grade]

انا بعد معاكم .وسبحان اللة توني كنت اسولف لخواتي عن الحلقة
فعلا حسيت بقهر وبغصة وكنت اتمنى اني متمكنة من الانجليزي علشان ادزلها ايميل.
انا بصراحة كنت احترمها واحس انها انسانة صادقه وموضوعية في الطرح
بس بعد حلقتها امس تغير رايى فيها..............
.يعني طلع الجمال في كل دولة ولما توصل عندنا تطلع نموذج واحد وسىء ومايشكل وضع المراءة المسلمة في نماذج كثيرة حلوة مثلا تطلع منى ابو سليمان مذيعة سعودية ومحتشمة ومثقفة واستاذة جامعية في نماذج كثيرة نفخر انها تمثلنما.........
ياريت اذا كان في وحدة من الاخوات الاعضاء متمكنة من اللغة الانجليزية تكتب وترد عليها
وحدة متمكنة مالنا خلق فشيلة ثانية.......................................................................

انا قهرتني هذاي الحرمة بن لادن
تقول انا ماقدر استحمل اعيش في سعودية والمشكلة تبغة تغني

وش عندها على السعوديه المراة السعوديه معززة مكرمه ياكوبرا ومهي زيك تعرضتي للا غتصاب وتربيت في ذل وفقر بلدك

بلد الحريه المزعومه ولا يضر السحاب نبح الكلاب

كل اللي ردوا ودافعوا عن السعوديه ياربي يسعدكم يابنات الامارات والكويت وقطر وعلى البال والله دمعت عيوني الله لا يحرمنا منكم
ومن طيبتكم





ارجو الالتزام بأدب الحوار

انا مع العيناويه فى رايها

ان رانيا هي الي بعثت الى أوبرا وأصرت انها تعرض مشكلتها ونشرت قضيتها في كافه الجرائد العربيه و الاجنبيه ..

وعبالكم اوبرا تجرأ تعرض مشكلتها بدون علمها وهذى رانيا دووم تحب تلفت الانظار لها تبى تصير مشهوره غصب وانا ماعمرى سمعت عن مذيعه اسمها رانيا اللى لمن كفخها زوجها ولو مرأءه شنعه ماعطت اوبرا فرصه ولا غير اوبرا بعد اسبوع من الحادث طلعت فى mbc مع محمود سعد وكأنها ماصدقت على الله يضربها زوجها وفى المجلات صورها وحالتها وبعدها هالفضيحه تبى ترجع لزوجها ولا حنا عارفين وش تبى والحين مع اوبرا وياعالم باجر مع منو؟؟؟

قبل لنحاسب اوبرا نحاسب نفسنا يعنى اوبرا جابت الكلام من برا مو هذا الكلام اللى كل يوم نقرأه بالمجلات والجرايد رانيا ضربوها رانيا مدرى اشو طيب وبعدين رانيا هذى ماكو احد يلمها شوى ترا والله فشله مفشلتنا مره ..

اخخخ انا فيني غصه من يوم الاربعاء كنا طالعين مع الاهل و شفت وحده على بالي لبنانيه لابسه جينز و كم قصير و الشعر بره و بدون عبايه طبعا و لما تكلمة كانت سعوديه بغيت اذبح ريلها على هالشي و كان من النوع اللي يتبصبص اعتقد مستانس ان زوجته حلوه ماشاء الله
بس انا اتطالعته بنظره خليت كل اهلي يقولون شو سويتي ؟ احنا شفنا الريال يبي يصيح من الانحراج

الله يهديها ويهدي زوجها والكل

حساااااااااااافه هذي من اللي يشوهو سمعت السعوديات الخلوقات المحتشمات اللي ظفرهم ماينبان

السلام عليكم ورحمة الله وبركاته

الحمدلله على هالروح..انا بعد شفت الحلقه بس مو من بدايتها

وانقهرت من جد ونزلت هالموضوع بعروس

هنا الموضوع

حسبي الله عليها ..اتحدى لو استقبلت مسلم فاهم وملتزم وناقشته بهالموضوع هي اللي راح تسكت وماراح تعرف ترد بكلمه بالعكس تمااااما ممكن هالشي يفتح عقول كثير ناس على الكذبه اللي سوتها اوبرا

لكن شي مو من صالحها ليه تسويه...

اختك الدانه

ما اعرف انتو ليش شانين الحرب على اوبرا
اوبرا عندها برنامج و اي برنامج يحتاج ماده تنعرض فيه..و هاي الماده يتها بارده مبرده من رانيا..و طبعا عشان تعرض هالماده لازم تسوي مقدمه على الباكجراوند اللي يايه منه رانيا...و قالت ثلاث نقاط في بداية الموضوع و هي صح و ما نقدر نغالط عمرنا و نقول لا
1. المرأه في السعوديه ما تسوق سياره..صح
2. المرأه في السعوديه ما تقدر تسافر بدون رجل.. صح
3. المرأه في السعوديه لازم تلبس عبايه تغطيها من فوق لين تحت.. صح

و بعدين عرضت قصة رانيا كما سمعتها منها...و انا شفت البرنامج و ما شفت تحيز من اوبرا نفسها..لكن شفت الكلام طالع من رانيا اللي هي اصلا عطت نفسها الحق تتكلم عن باقي السعوديات و باقي العربيات بشكل عام..عطت نفسها الحق انها تقدم نفسها كمثل على المرأه السعوديه المضطهده المضروبه و المسلوب حقها
انا عقب ما شفت الحلقه...ما كان لي تعليق على اوبرا او برنامجها...بس التعليق على رانيا اللي فاضحه عمرها و فاضحه الناس وياها
يعني فعلا مكبره المسأله بشكل فضيع..في ممثله او مغنيه لبنانيه ريلها صب عليها ماي حار و لا سمعنا عنها لا حس و لا خبر
لكن شو نسوي بهالاشكال؟

ارجو الالتزام بأدب الحوار

والله مدري كيف عقول الناس

الله يستر علينا دنيا واخره

ويهديهم

بس المفروووض تختارووون الفاظ جيدة

مب تروحون تقولون العبدة كاستهزاء بها (كلنا عباد الله)

او تقولو هاذي يمنية او مصرية او من شلة حج وقعد كاستهزاء بهم واستصغارهم وكأن الامور السيئة تظهر منهم فقط

فكل شعب لديه المواطن الصالح والطالح

فليسوووا كل المواطنين ذوو الاصووول العريقه والعربيه او الاصلية خالين من البلاوي سواء شباب او بنات

الله يهدي الجميع
واغلب اللي لاحظته في المنتديات او الدردشات

ردود االاعضاء يكون بالسب والعصبيه والدعاء على الاشخاص

والقليل منهم من يرد بالكلمة الطيبه والدعاء لهم بالهداية

الله يهدينا ويبعد عنا الشيطان
ويحسن من كلام لساننا

امين