هل عندكم هذي العادة أم لا؟؟؟

خلينا نقول العادة هذه قديمة وفي ناس وايد يطبقونها علشان الزوج يشتاق للبنت
يعني وهالفتره هذي البنت تجهز نفسها للزواج
يعني وراها صالونات وازالة الشعر الزائد بالجسم والوجه
وتكون بحاله مزريه قبل حفلة الزفاف
فلهذا لا يراها الزوج الا في الحفله ليرى الجمال
وزهوة العروس اللي تطلع باحلى حلتها وجمالها وشعرها ومكياجها وعطرها وفستانها
وبس هذا الهدف وكل انسانه حره بالشي هذا
انا حرمت زوجي عشرين يوم ما شفته و لاشافني
بس ماصبرنا قبل العرس باسبوع
خليته يمرني بيتنا بس اطفأت الاضاءه كلها ولا خليته يشوفني
وقال ليش الحين انا قاعد معاج افتحي الاناره
قلت لا مااابيك تشوفني الا وانا على الكوشه
والله سوالف حلوه وتضحك لما الواحد يتذكرها بس والله كان لها فايده يكفي الوله والشوق واللهفه

دمتم سالمين
اختكم شريفة

انا اذا انخطبت ما راح اخليه يشوفني او يكلمني قبل العرس بمده عشان اخليه يشتاااااااااااااق مره
متى بس انخطب؟!!!!!!!!!!!!!!!!!!!!! متى؟!!!!!!!!!!!!!

حبيت اعلق على كلامكم وبالاخص على كلام البحرينيه واقول انه مو كل البحرينيين بنفس العاده لانه عندنا بالبحرين عادات وتقاليد المفروض الكل يتمسك بها الا انه بعضهم يخالفون القواعد اللي مشوا عليها اللي قبلنا

وسلامتكم

احنا عندنا ما يشوفها الا ليلة العرس والليلة اللي جاي يخطبها فيها لأن الملكة تصير قبل العرس بيوم أو اثنين بس

موضوع حلو
احنا عندنا مايشوف البنت ولايكلمها إلا بعد العقد (الملكة)
قبلها: أهله يوصفوها له أو ياخذون منها صورة

بعد العقد
يجي عندها البيت أو يطلع معاها عادي
ويجهزون ويحددون موعد الزفاف

قبل الزفاف العروس بتكون زي ماقلتوا بحالة مزرية
فما يشوفها بس ماأعرف كم المدة
أختي كانت تطلع مع خطيبها للتجهيز وطبعا ماكان يشوفها لأنها متغطية
لكن عادي يكلمها بالتلفون

ولو حصل مشاكل هي ستحمل لقب مطلقة رسميا
ولكن الناس مايقولون تطلقوا، يقولون فسخوا

مثل ماقالوا الاخوات العادات تختلف من مدينة لمدينة بنسبة لي أنا واحنا بسعودية تصدقون والا لا؟
تخيلوا شافني بس يوم الملكة بس ......وما شافني الا يوم الزواج بس كانت المدة طويلة بين الملكة والزواج اربع سنوات ونص ..........بس كان في ها الفترة انة يكلمني او يشوفني بس أهلي ما يرضوا وكمان كنت استحي.

شوفي عزيزتي

حنا في السعودية كل منطقة تختلف عاداتها عن الثانيه

بالنسبه لعائلتي

العريس يشوفها لاول مره يوم الشوفه(النظرة الشرعية)

وبعدين اذا حصل قبول بين الطرفين

يشوفهااااااااا ويجلس معاها بحضور محرم لهااااااااااااااا يوم الملكة

وبامكانه بعد كذاااااااا يجي لم بيت أهلها ويكلمهااااااااا بالتلفون

عاااااااااااااادي بس تكون الزيارات قليله

اللّه يستــــــر من ذاك اليوم :o

مشكوره على الطرح

شكرا لك غاليتي

السلام عليكم ورحمة الله وبركاته
انا رفيجتي خذت واحد من قطر

وليلة الحنة يموت ويشوفها بس انا واختها قلنا لامه ان احنا في البحرين المعرس ما يشوف العروس في ليلة الحنة
وامه تقول ان هالشي عادي في قطر
ومن ذاك اليوم وريلها مايطيقني لا انا ولا اختها:smile:

واذا تكلمه عني يقول اييييييه هذي اللي ما خلتني ادش يوم الحنة:D2

السلام عليكم

أولاً أشكركم على الموضوع لأنه يعرفنا بتقاليد كل بلد ....

احنا في القطيف ، أول شي يخطب الولد البنت واذا يبغى صورتها يشوفها ، وبعدين اذا وافقت البنت تصير النظرة الشرعية ، واذا صارت موافقة خلاص يروحون يعقدون عقد الزواج بس يسموها فترة الخطوبة (يعني فترة الخطوبة عندنا تكون البنت معقود عليها) ويجي الولد يزورها في الأسبوع مره ، ويجهز وياها للبيت ومسموح انه يشوفها ويتكلم وياها على حسب العائلة ، بعض العوائل عادي عندهم تطلع بنتهم ويا خطيبها برا ، والبعض بس يسمح له قعدات في البيت ...

وقبل الزواج ما سألت اذا ممنوع يشوفها ولا لا ، بس بنات خالاتي وبنات أعمامي كلهم ما شافوه في الأسبوع الأخير من العرس ، كأنه عندنا عادة ما يخلون الخطيب يشوف خطيبته قبل الزواج بس ما سألت كم المدة ...

ومشكورين على الموضوع

انه من خطبت (ملكنا) نمت معاه بعد اسبوعين
بس ما يصير بينا شي
خفايف بس هههههههههههههههه
و ظلينا مع بعض ليوم الزواج ...عاااادي
مع ان الوالدة قالت لي لازم اسبوع ما يشوفج بس ما نقدر نتحمل
ما رحت بيتهم فترة شهر تقريبا اهو اييني البيت
و نطلع و نروح و شحلاتنا يبه

انا ناويه ان شاءالله يكون قبليها بيومين ماشفهوش للاشتياق واللهفهوتكون مفاجاه فى يوم العرس

احنا عندنا بالبحرين ناس شكثر ينامون مع خطيبهم صح السالفه مو غلط ليشنه مالج عليها (يعني صارت ملكه وعقد قران مثل ما يقولون )بس السالفه تصير ما لها معنى والزواج يصير بايخ عقب ليشنه العروس لاصقه مع خطيبها اربع وعشرين ساعه

اخو خطيبي تمت زوجته تنام معاه لي اخر يوم قبل يوم الحنه

اما بالنسبه لي ما في امل اخليه يشوفني قبل اسبوعين من الزواج وخصوصا ان خطوبتنا طولت سنه ونص تقريبا

علشان اشتاق له ويشتاق لي ترى احلى شي في الحب الوله صح ولا لاء

موضوع جميل جداً..
إحنا عندنا ما يشوفها المعرس غير في يوم الزفاف فقط،، حتى ما عندنا ملكه ،، الملكة في نفس أسبوع العرس..
أحلى شي،، تكون فترة التعارف في شهر العسل

ونااااااااااسه

السلام عليكم ورحمة الله وبركاته

يعتمد على حسب الاتفاق بين العريسيين هما يحددون هالشيء واكثره شهر واقله يوم

الحمدلله احنا عندنا يشوفها ويقعد معاها و يطلع معاها..

بس بحدودو طبعا



اما سالفة انه يبات عندها ,,,صعبه شوي


احنا مسلمين مب امريكان

احنا في البحرين عندنا هالعاااااااااااااااااااده

على كيفك تبغي تسويها او لا

يعني مو مجبووووره

انا عن نفسي ما كلمت زوجي لمده اسبوعين .. 14 يووووم

تحيااااااااااااتي .. أنوار

هاذي عادات مو من ديننا

المفروض يكون في اشهار قبل لا يصير في نوم

إحنا عندنا الناس من عندهم يعني البنات اللي سبقوني كانت في فترة شهر قبل العرس ما يشوفون رجاجيلهم , هو مب شرط
لكن أحسن ..
بالنسبة لي ما تفرق لأني من تملكت ما شفته إلا مرتين بس : )

السلام عليكم ورحمة الله وبركاته

بس حبيت أصحح معلومه مهمه قد تخلق فكرة سيئة إجتماعيا عن العادات و التقاليد في البحرين...
ألا و هي :
بيات الخطيبة"المملوك عليها" في بيت خطيبها مو عاده متبعه بل مرفوضة في مجتمعنا... بصراحه مو لازم تعممون إن البحرينيات جذي و مين قال وايد جذي ؟؟ هذي فئه قليله جدا جدا .... و بصراحه هذا فيه إقلال لشأن الفتاة البحرينية و رجاءً رجاءً أي وحده تتكلم عن نفسها أو خواتها أو أي حد من معارفها ما تعمم على غيرها ... مجتمع البحرين مجتمع عربي مسلم محافظ ... أنا ما قلت البيات مع الخطيب المملوك عليه حرام و لكن أنا ضد هلشيء لأن هذا راح يعطي إنطباع للاَخرين أن البنت البحرينية سهله و ما عندها كرامه و مستعيله على رزقها..... و هذي التصرفات شخصية بحته يعني كل وحده و كيفها شبتسوي بس أكرر و أقول لا تعممون على خلق الله... أتمنى ما زعلتوا مني بس حرام تضلمون بنات ديرتكم من خلال تجاربكم الشخصية و دمتم سالمات و الله يهنيكم

صح كلامج اخر العنقود
بصراحه خذنا فكره مو حلوه واظن الاغلبيه جذي
شلون يعني تنام عنده وينام عندها الصراحه مالها حلاه ومصاخه
يعني اهلها وينهم مايكلمونها؟؟؟
وهي عادي جذي يعني تروح وترد عليه لاحسيب ولا رقيب
ماظن كل بنات البحرين جذي
طبعا مو حرام
بس عيب
ويمكن في ناس فري يسمحون بهالشي
بس اكيد الاغلبيه لا
والف لا
مايرضونها لبناتهم


اما عندنا بقطر
حسب كل عروس
والاغلبيه عندهم هالعاده
ولو كانت غير مقصوده لان العروس تنشغل بتجهيزات العرس
واحس مدة اسبوعين او 3 كافيه مو اكثر
عشان يشتاق لها
وتتغير لما يشوفها
وبعد حجه عشان الحاله الصعبه اللي تكون فيها
يعني بدون حف وبجلابيتها ودوم مشغوله وين بتفضى تتعدل وتستقبله

ولا شرايكم بنوتات؟.