شوية مشاكل محتاجة حلولكم!!

ه

هذاك اول

عروس مشاركة

19-06-2005 | 04:33 PM

هلا خواتي في المنتدى شلونكم شخباركم؟؟

والله هاذي اول مشاركة لي في المنتدى الاكثر من روووعة واتمنى انكم تعطوني ويه ولا تجاهلوني هه

في عندي مشاكل استوت لي عقب فترة اول مولود لي والمشكلة اني ماهتميت فيها ذاك الزود بس الحين ابي اتخلص منها

اول شي صار لي اسوداد في منطقة البطن ومنطقة الارداف اتفشل منه جدام زوجي

وطبعا ماننسى التشققات البيضة في منطقة الارداف

وغير ذي كله صدري صغر حجمه يبي له شد من عقب فترة الرضاعة

ما انسى اقولكم اني ضعيفة ابي امتن خصوصا من صوب خصري مافي طريقة تمتن الخصر او المنطقة الفوقية من الجسم يعني من الاكتاف والزنود وللبطن؟؟

وقبل لا اخلص بعد ادري ثقلت بس معليه ماعندي غيركم اذا عندكم طريقة تفتح لون الشفايف وتمليها ومشكورين مقدما بس لا تحقروني هااا

تحياتي للمنتدى واعضائه المتميزين

M

Marshmallows

مشرفة سابقة

19-06-2005 | 04:45 PM

يا هلا فيج غاليتي معانا

العناية بعد الولادة مهمه جداً

الأسوداد في الجسم عموماً حلوة خلطة الفازلين و الكركم

وانا بديت استخدم الهرده "الطحينيه" مع حليب باودر للجسم كامل والنتيجه حلوه

وهم في كم كريم تبييض بديت استخدمهم ،، لكن اذا طلعت النتيجه وتأكدت منهم راح اقول لكم عنهم

لاتنسين اهمية استخدام السكراب ومقشرات الجسم
مثل افريكا سبا من بدي شوب ومقشر المشمش من همالايا و السكراب الأخضر من لوريال اللي له نفس مفعول الملح او السكر من زيت الزيتون والليمون.

التشقق والخطوط البيضاء في الجسم او علامات التمدد تصير بعد التغيير في الوزن
عموماً كل ما سارعتي في العلاج كان افضل من ناجية النتائج
الكل يمدح خل التفاح جربي امسحي به ،، او استخدمي كريم Boi oil

لشد الصدر
كذلك خل التفاح مفيد ،، او ممكن بعد الحمام تتعودين على تمرير الثلج على الصدر

بالنسبة لزيادة الوزن ماعندي اي خبره

وللشفايف استخدمي المقشرات الناعمة للشفايف والمرطبات من بدي شوب ،، تأكدي انها خاصة للشفايف
داومي على عمل تدليك للشفايف بفرشاة اسنان soft
وممكن الورد المجفف المطحون مخلوط مع العسل يوضع على الشفايف في الليل و يوردها

للشفاه الممتلئه في منتجات تجميليه لكن نتائجها وقتيه يعني مو على طول

هذا كل اللي عندي واتمنى باقي البنات يفيدونك اكثر

ه

هذاك اول

عروس مشاركة

19-06-2005 | 05:13 PM

الاخت رعبوب

مشكورة عيني ماقصرتي والله

أ

أوراق الخريف

مشرفة سابقة

20-06-2005 | 06:38 AM

السلام عليكم ورحمة الله وبركاته..

الاخت رعبوب كفت ووفت ما شاء الله عليها..

1- انصحج بالرياضه اكثر شي..
2- واستخدام زيت السمسم يوميا مع المساج للتخلص من الخطوط البيضاء والتشققات وشد الجسم..
3- ودلك الشفايف بالعسل يوميا وتقشيرها به.. لتفتيح لونه..
4- ولتخلص من اسوداد البطن يوميا قبل النوم استخدمي كريم بالمرز بالكاكاو بتحصلينه في الجمعيه والسوبرماركت رخيص.. Palmer's لتشققات الجسم..
5- بعد ما تخلصين الاربعين يوم ابدئي اكلي كل شي بس اهم شي الرياضه للجسم وتمي اتسوينه ولا تيئسين..
..

يسعدني بان تشاركي بالرد على مواضيعي