هل يرضع الأبن من أمه بعد إنقطاع أسبوع؟؟

أي عادي ممكن يرضع لو هو متعلق بالصدر كثير لنه مرة وحده ربيعتي راحت العمرة لمدة عشر أيام وما خذت ولدها معاها وكان رضيع يمكن حتى ما مكمل السنة وأول ما رجعت يحليلة ما صدق على طول هممممممممممممممممممم .

بس انتي صدقيني مراح تتهني ما ادري أحس كذا بتظلي طول الوقت اتفكري فيه وصدقيني بتجلسي اتانبي نفسك لنك ما شلتية معاك فشوفي نفسك لو ةحسي انك تقدري تتركيه وتسافري توكلي على الله في بنات كثير سونها وخاصة انه ولدك بسم الله عليه كبير يعني ياكل من أكل البيت .

لا تعورين قلبي يأم أنوار زيادة بروحي كل ما لمه وأضمه ودي أصيح ولا ليلة من ولدته نام بعيد عني، بس هاذي ماليزيا من أيام شهر العسل كان ودنه نروح وما تهيأت الظروف وأهل زوجي قالوا ساؤس وما غيره والحين مرتبة رحلة كاملة لنه وبسعر مغري وماودنه نفوتها وولدي الحمد لله متعلق بأمي وخواتي وايد لأنه كل يوم الصبح عندهم ما حاتيه بس أحاتي الرضاعة ماودي أقطعه عنه ودي بالمناعة والقوة.

خلاص حبيبتي إن شاءالله ما علية باس وبعدين حتى لما ترجعي لو أنقطع عن صدرك ترا مثل ما خبرتك هو الحين كبير يعني ممكن ياكل بالإظافة للحليب الطازج أو الصناعي اللي هوه متعوده علية يشربة يوم اتكوني بالدوام . تصدقي انه اولادنا لما يكونو عند جدتهم وخالاتهم أتحسيهم غير هذا بس الدلع لعندنا أحنا الأمهات تحصلي الطفل يحصل العناية الكاملة والدلع بس ترا قلق الأم شو تعملي فيه.

عموما توكلي على الله والله يهنيك انتي وأبو عيالك.

معقولة محد منكم سافر وترك البيبي وهو يرضعه،،،، ردوا علي يا أهل الخير

[grade="00008B FF6347 008000 4B0082"]مرحبا يا أختي أنا السنه ألي مضت ذهبت الى الحج وتركت بنتي عمرها ثمان شهور وكنت معوتنها بالحليب الصناعي ولكنها ما نست الثدي من أول ما شفتها لميتها في صدري ورضعت وهي متلهفه إلي

تروحين وترجعين بالسلامه وهوما له شر [/grade]

الله يسلمك يا بنت الرمس، إنشاء الله ماينسى..

ايه اختي ليش ما ترضعينه ترى عادي روحي وردي بالسلامة وردي ارضعيه للحين الولد صغير وحرمان توقفين عنه الرضاعة.

الكتكوتة، صباح الخير، أصلا آنه ماودي أوقف عنه الرضاعة ولما نرجع من السفر بعدها ب3 أيام عيد ميلاده الأول.. آنه قلبي معورني أني باتركه بس الكل نصحني أسافر الحين لأن الياها مايفطن عدل بس بعدين مستحيل يتركنه نتحرك بدونه... الله يحفظه حتى نرجع..

لله يعينج حبيبتي....صح بعدني ما صرت ام, بس ما اتخيل ابدا اترك ولدي و هو بيبي لو شو ما كان....المهم مادري ما اقدر افيدج بس اكيد البنات فادوج و تروحين و تردين لولدج بالسلامه :)

Angle Eyes، تسلمين عزيزتي بس شاسوي محد براضي آخذه معاي ايقولون بتبهدلينه وايد بهالسفرة الي كل مدتها أسبوع بس، الحمدلله باحطه في أيدي أمينة أمي وأخواتي وهو متهود عليهم لأن طول اليوم تقريبا معاهم... وأحيانا أدخل من العمل الظهر مايبغاني بس يبي البطاقة مالت الشغل الي معلقة على قميصي ياخذها ويروح عني الله يعيني عليه لما يكبر .

تروحين وترجعين بالسلامه

انا اسفه ما اقدر افيدج لاني من قريب متزوجة ما كملت شهر بعدني

بس خالتي مره سافرت وخذت الياهل معاها ووايد تعبت

علشان جيه اقول لج مادام انه في ايدي امينه روحي وانتي مطمنه عليه

وانشاء الله ما بيصير اي شي وبعد بترجعين وبتحصلينه بالصحة وعافية

انشاء الله

الله يحفظه لج

ورحلة موفقة

اختج
~.^.~دمع العيون~.^.~

مبروك الزواج مقدماً، وعقبال ماتصيرين أم إنشاء الله،،،
إنشاء الله الله الحافظ

ساعدوني بليزبنتي راح تكمل3سنين والى الان ماتركت الرضاعه في الليل تقوم كل شوي وتطلبهاحتى لوشبعتهاقبل ماتنام علماانها في محيط اطفال اصغر منهاوكلهم يرضعون رضاعه صناعيه وماني عارفه وش اسوي ساعدوني

أنا سافرت مرة وخليت بنتي عند الوالده لأنها كانت صغيرة عمرها شهرين وغبت عنها أسبوع وبعد مارجعت بهدوء حاولت
أذكرها بريحتي وبالتدريج خليتها ترضع والحمد لله رضعت عادي
بس أحب أقلك إنتبهي تفاجئيه عشان لايصير للولد شي لاقدر الله من الفرحة بس إذا ماعندك غيره وهو هادئ وماراح يعذبك
خذيه معاك وخذي كل الإحتياطات لأنك بتحسين بوحشه كبيره أنا جربت حبيبتي

السلام عليكم ورحمة الله وبركاته

أختي رانيا...

سافرت ببنتي و عمرها شهرين...و الحمد لله ما غلّبتني و لا شيء...بالعكس...خليتها تنبسط و تشوف الدنيا و الناس...

ليش ما تاخذي الولد...و الله بيفرح كتير معاكم...

بصراحة عن نفسي مش قادرة أتخيّل إني أسافر و أترك بنتي...أحسها صعبة :(

النجم الساطع،، ولدي تقريبا بيكمل السنة وحبوب بس أعصابه ساعات عجيبة والمشكلة ابتدأ يتحرك ومااعتقد بيتحمل الطائرة 7 ساعات والمشكلة التنقلات باتعذب معاه مع أن من داخلي قلبي يتقطع كل ما عد الأيام الباقية معاه....



مرموم،، الله يحفظ لك بنتك إنشاء الله، آنه بعد باتعذب بتركه بس أهو بيكون أريح له في بيت أهلي من عذاب السفر وبعدين باقي شهر من إجازتي راح أقضيها كلها معاه لأن سفرتنا بس 8 أيام...

يعني عادي الام ترضع طفلها بعد رجوعها من السفر سمعت ان الحليب يفسد

ما ادري عطونا خبراتكم

الحليب الفاسد هو الا يكون متجمع بالصدر ..
ولازم تشفطه كله وترجع بعدين ترضع عادي ..!
لانه بعدين بيكون يطلع ويتجدد عادي ..

نور مرام

رغم أني ما رضعت ولدي غير شهرين بس اللي اعرفه أنه طبعاً عادي

هو يقولو أن المضر الحليب المتجمع من مدة في الصدر لأنه يفسد ... بس بعد ما ينشفط ويتجدد الحليب أكيد عادي وما فيه شيء

أعرف كثير سافروا عن أولادهم من أسبوع ل 20 يوم ورجعوا رضعوهم بدون اي مشاكل