أما آن لنا أن نعرف الحب ؟!!

حمدالله على السلامه

آنه موجودة وتحت الطلب

النقطة الثانية اللي آبيكم تتكلمون فيها

راتبي وراتبك ... فلوسي وفلوسك

ياترى شراي عرايسنا في هذا الموضوع
هل مسألة الراتب تحدد نوع العلاقة بين الزوج وزوجته ؟
هل هذا يخلق نوع معين من الإنفصال الوجداني والنفسي ؟
ممكن يطلع لنا أزواج أنانيين... أو بخلاء ... أو مبذرين ؟
ممكن انفصال الراتب يخلي الأزواج ... نقدر نقول تخليهم عن المسؤولية للطرف الثاني ؟

ولو جاء في بالي أسألة ثانية بخصوص هذا الموضوع راح ارجع لكم
وممكن انتوا تزيدون فيه وتحطون نقاط ثاني

وهلا فيكم

الموضوع الثاني: هل مسأله الراتب تحدد العلاقة الزوجية؟

طبعا الراتب يحدد العلاقة الزوجية، وأسرد لكم كل نقطة أعتقد أنها مهمه في هذا الموضوع:

1. الزوج يعمل والزوجة لا تعمل
2. الزوج يعمل والزوجة تعمل
3. الزوج يحصل على راتب أعلى من الزوجة
4. الزوجة تحصل على راتب أعلى من الزوج
5. إلتزامات الزوج وإلتزامات الزوجة
6. واجب الإثنين
7. مثال حي

النقطة الأولى:
(الزوج يعمل والزوجة لا تعمل)

أعتقد أن هذه هي النقطة الوحيدة التي يتفاهم فيها الإثنان، لأن الزوج يخرج للعمل والزوجة تنتظره في البيت وتقوم بالواجبات المنزليه ورعاية الأولاد والطبخ وما إلى ذلك، لكن إذا كان الإثنين قنوعين باللي عطاهم رب العالمين يعني الزوجة ما تجبر الزوج إنه ياخذ قرض عشان تسافر وإلا تبغي سيارة وتحمله ما لا يطيق وتتسبب المشكلات.

النقطة الثانية:
(الزوج يعمل والزوجة تعمل)

[align=justify]قد تكون الزوجه عامله ولها راتب، فإذا كان الزوج محترم ويقدر زوجته ويخاف الله فماراح يكون راتب زوجته مشكله، لكن إذا كان الزوج هو المسيطر فما راح يخلي زوجته إلا إذا خصص لها فاتوره تدفعها مثلا فاتوره الإيجار أو الأكل أو التلفون أو مدارس الأولاد، وحتى ممكن يجبرها تاخذ له قرض، وإذا ما رضت يا ويلها من الكلام الجارح إنتي ما تراعين آنه محتاج فلوس مديون وأنتي ما تساعدين حسي فيني وفي المصاريف اللي على راسي، وبعدين يلعب إبليس في راسه ويقول: هذي أكيد تودي الفلوس عند أبوها وإلا أنه شفت أخوه عنده سيارة جديده بس أنه اللي أعرفه إني حافي أكيد ماخذه له القرض وما علمتني.

ومن هالكلام والوساوس لي يكبر الموضوع ويتدمر العش السعيد، هذي إذا كان سعيد أساساً.

النقطة الثالثة:
(الزوج يحصل على راتب أعلى من الزوجة)

هذي علاقة طبيعية بين الإثنين إذا كانوا هم طبيعيين، لكن إذا كانت الزوجه طماعه فما راح يرتاح زوجها لأنها على طول تبي تاخذ أو إنها تصبر لي الإجازه وما تسافر إلا أوروبا وأمريكا واليابان عشان تتعب ميزانيته وعشان بهذي الطريقه تكون حققت مرادها وقصصت جنحانه عشان ما يتزوج ثانيه، ودايما يكون الشك ماكلها عنده فلوس وايده يا ربي شنو الحل، وخصوصا إذا كان ما يصرف على البيت زين يعني فلوسه طايره على نفسه وسيارته وربعه، وفي أزواج حتى براتبهم الكبير يعتمدون على زوجاتهم في إدارة البيت وهذي أكبر خطأ وظلم.

النقطة الرابعة:
(الزوجة تحصل على راتب أعلى من الزوج)

هذي ما يكون سبب إلا إذا الزوج كان طمعان فيها وعشان جذي تزوجها فعزيزتي الفتاة إذا تقدم لج واحد ما تعرفين عنه شي لأنه جاي من طرف الخطابه وإنتي مدرسه أو دكتوره ومستواج أعلى منه تركيه ولا تقبلين هذي العلاقة لأن المشاكل تبدي عن هذا الطريق ولو كنتو أنتو متفاهمين يجي دور الناس في إدخال الشوكه بينكم، فيحسسون الزوج إنه مو قدها ليش أخذها أكيد عشان فلوسها وإلا هي ما تستاهل ومهب ذاك الجمال، ويروحون للزوجه يقول إنج ما تساعدينه بشي وهو اللي قايم بالبيت لا ويعطيج مصروف بعد، والحقيقة تكون مختلفة فيحس الإثنين إن الطرف الثاني متضايق ويشتكي للناس ويمكن يكون هذي صح ويمكن غلط، ولا يعلم ما بين الزوجين إلا الله.

النقطة الخامسة:
(إلتزامات الزوج وإلتزامات الزوجه)

وتدخل من المشكلات إلتزامات الزوج مثل: رعاية والدين المسنين (يعني مخصص من راتبه ما يعيشهم)، إلتزامه لأخوته القاصرين إذا كان والده متوفي، إذا والدته تبغي تسافر يعطيها، وغيرها
ومن إلتزامات الزوجه: قد تكون مثل إلتزامات الزوج وزياده عليها طلعاتها ما صديقاتها، عزيمه في البيت للصديقات، تبي مخصص لحفلات الزفاف القادمه، هدايا المعاريس، سفراتها، ثيابها وأناقتها ومكياجها، وإلخ

لكن المشاكل تبدأ لما طرف يقصر على الطرف الآخر ويبدي أهله، أو يكون الطرف مو مقصر معاه بس هو غيور وما يبغي الفلوس تروح لأحد لأنهم أبدى فيها. أو إن يكون الواحد منهم ما يتنازل عن رفاهيته الشخصيه لما يمرون بظرف طارئ.

النقطة السادسة:
(واحب الإثنين)

من واجب الزوج: يراعي زوجته وتعبها في العمل عشان هالراتب، فمن حقها تتأنق وتشتري، ومن واجبه يصرف على البيت من الفواتير إلى الأكل، وما تشتريه الزوجه للبيت هو رغبه منها لا واحب، وما يقصر عليها في حين إنه ما يقصر على والدته. وبعد شي مهم لا يحق للزوج أن يأخذ قرش من راتب زوجته.

ومن واجب الزوجه: إنها ما تعطي أحد فلوسها إلا بعلم زوجها، وتساعده إذا إحتاج لأن الحياة مشاركة، ومن الجميل أن تساهم الزوجه في مصروف البيت ولكنه ليس واجب عليها.

من أسباب السعادة في الزواج إن كل طرف يعرف حقوقه وواجباته ويعرف بعد حقوق الطرف الثاني عليه وأهم شي القناعة لأن القناعة كنز لا يفنى.

النقطة السابعة:
(مثال على ما سبق)

 حكاية وحده الله يفرج عنها، تزوجت على صغر وزوجها متسلط عليها كان ياخذ فلوسها بل يتمادى أكثر لدرجة أنه محتفظ ببطاقة البنك وهو اللي يسحب من راتبها ويعطيها ويحتفظ بالباقي.

 مره كنت بالسوق وخبركم في صراف آلي دخلت وحده الصراف وكان في واحد ينتظرها بره وكانت عنده عصايه وأول ما طلعت خافت منه قالت له إش فيك قلت لك ما عندي فلوس إنت إش تبغي، فرد عليها بتعطيني وإلا أكسر راسج، وهي خافت وعطته الفلوس فآنه إستنتجت يا أما هذا زوجها أو أخوها.

 واللي يجي ويفتح رسالة البنك لزوجته ويكتشف إن عندها فلوس من وره ظهره، ويتهاوش وياها وتزعل وتروح عند أهلها، والصحيح أن الزوج ليس له أي حق في فتح رسالة خاصة بالبنك كما أن ليس له حق في التسلط على تعب زوجته لأن الزوجه في علاقة الزواج لا تملك شئ ولن ترث إذا لم يتكتب لها هو ذلك، وإن كان البعض يظن أن له الحق، فهل يرضى أن يكون مكان هذه الزوجه، وماذا سيكون رده؟

كونى حبيبته .. كونى ملهمته .. كونى زوجاته الاربعة
لا تخطئ خطأ الست أمينة
الهمسة .. اللمسه .. النظره ( الازواج و الحواس الخمسة)
اكسرى حاجز الصمت .. اكسر حاجز الصمت
جدد حياتك الزوجية .. وداعا للملل
قولى بحبك قولى
السعادة من صنع ايدينا (همسات صغيرة .. حتى يبقى الحب)