شو الحل؟؟؟؟؟؟؟؟؟؟؟؟؟؟؟؟

بنااااااااااااااااااااااااااااات


خطبني واحد امه شافتني في عزا في بيت ربيعتي المهم ما اعرفهم بس سألنا عنهم وطلعوا ونعم فيهم كل حد يمدحهم والريال ابوه متوفي وله مواقف حلوة ويا اهله ووافقت هي خطوبة مب ملجة
وامه تعلقت فيني وايد بس خواته وغدات ما بينا علاقة ما يتقبلون شايفات نفسهم المهم بديت اكلم خطيبي طبعا لاحظت فيه انه بخيل كل شي يطلب مني اسويله اياه واتسلف له وهو بيدفع يوم بيمر علينا وكم مرة سمعته يتصل بمطعم وعقب شوي يتهاوش وياهم عسب الفلوس ويسكر بوييه راعي المطعم المهم مع الايام خبرتني وحدة انه خطيبي يدخل شات وواجهته قال ايه قبل كنت ادش فقلت اوكي ربيعتي قالت بعده يدخل وانا اعرف ايميله لاني اكتب له مرات تقارير حق شغله عشان اساعده انا اشطر منه بالكمبيوتر
فقلت له ابا ايميلك رفض وسبني وقال انا مب يهودي ولا ما ادري شو عشان اعطيج وتكلمين شباب فقلت والله ما بتكلم بشوفه واسكره وخاصمني كم يوم المهم فوضت امري لله
وفي مرة قال لي بيرقد شكيت احس مرات يقول لي كلام ما يقنعني فدخل النت ودخلت الشات وكنت معطتنه بلوك وشفته موجود اون لاين بس عاطتنه بلوك وشفت اسمه بالشات الفضيع داخل باسمه الحقيقي وقلت يمكن تشابه اسماء فتحت ايميل وضفته نفس الاسلوب والكلام تميت على هالمنوال 4 ايام كل يوم ادخل عليه بشخصية وكل يوم افتح ايميل يديد حتى اتأكد
المهم لاحظت انه ما يعرف اسلوبي رغم اني ما اغيره ونفس لون الخط واخر مرة الرابعة يعني دخلت على اني وحدة تشتغل في ديوان واحد من الشيوخ وابوي في الدوام وحاطة صورة عيون تهبل فعيبته وصدق انها عيوني طبعا عيوني حلوة بس هذي لزوم المسرحية فقال هذي عيونج قلت ايه قال ابا الصورة كلها قلت اسفة قال بسمع صوتج قلت ماني من هالنوع المهم هو يطلب وانا ارفض فتمسك فيني اكثر فقلت له في راي ابا اثبت لك نظرية قال اوكي قلت عطني مسنجرك اشيك عليه رفض قلت له ادري كله بنات ما بسوي شي بس بشيك وبظهر خاطري اشوف كم بنت عندك قال اخاف
قلت له لا تخاف مني والله برجعه الحين قال عطني مسنجرج قلت اسفة اتفقنا اعطيك رقمي مقابل افتح مسنجرك قال اوكي
هذي احدى الصدمات يعني اضاف غريبة ما يعرف حتى اسمها وامنها مسنجره ومع كل كلمة الغالية وفديتج ولا بياخذ الرقم
المهم انا ما كان عندي قلم فطبعت الرقم واسم الايميل على الورد نسخته يعني وما صدقت خبر دشيت والقى لكم 42 بنت و3 شباب ومعطي الشباب بلوك قبل ما اطلع ضغط على علبة الوارد ورجعت له المسنجر طبعا هو يكلمني وانا قاعدة اغير الباسورد
شفت صور بنات وكل وحدة كاتبة له حبيبي ان شاء الله عجبتك واللي كاتبة رسالة طويلة عريضة شو تتخيلون كان شعوري حسيت بكره شديد له ومسحت كل الصور وفتحت البلوك عن الشباب وخبرتهم انه معطيهم حظر وكتبت رسايل للبنات احذرهم منه
وسكرته ورحت انام طبعا مسكرة تلفوني
اتخيلوا مطرش لي مسج قال لي ايميلي انسرق وعطيني بلوك فقلت له انا اقدر ارجعه واحد من اهلي يقدر اييبه قال اوكي مع شوية خوف اني اشوف اللي فيه فقلت له ليش خايف انا من زمان ابيه وانت ترفض الحين بشوف كل شي فيه فقال سمعي كلها علاقات سابقة وماضي لاتحاسبيني عليه
نسيت اقولكم في كل مرة اضيفه ينكر انه مرتبط
فقلت اوكي بحاول
صبرت يوم واتصلت قلت له هذا باسوردك وانا مسحت كل شي بالايميل وصور البنات اتخيلوا عصب لاني مسحت الصور وحاول يوهمني انه ربعه عاطينه الصور امانه فقلت له اذا انت غبي انا اشوف الصور يايتنك مباشرة مش فورورد فقال انتي باي حق تمسحين الصور كنه ناسي اني خطيبته ومعصب عقب قال هن خايسات يوزعون صورهن انتي ليش تمسحينها سوري يا بنات عاللفظ وعقب حاول يوهمني انهن ربيعات اخوه وان الايميل مشترك ولازم ارد له الصور فقلت ابا اقولك شي واحد انا بفسخ الخطوبة لاني ما اقدر اوثق فيك حاولت بس انت دمرت كل شي بكذبك وخداعك وخيانتك فقال حرام عليج كلها علاقات سابقة وانا صادق معاج قلت له انا اعرف كل شي ورمست البنت وانت امس ضايفنها ومسولف وياها ما اتخيل تعطي غريبة رقمك وانا سبيتني يوم طلبته فقال ما عطيتها هذا اكيد واحد مهكر علي
بنات مصيبته اني انا اللي خذيته لو كنت سامعة يمكن اصدقه وهو يحلف ايمان جذب جذبة وصدقها
المشكلة الحين اهلي رفضوا يفسخون الخطوبة وانا ما اعرف شو من سبب اعطيهم قلت الهم صليت استخارة قالوا لا مو شرط الحلم احنا سألنا والريال ماعليه كلام
شو الحل هو يعرف اني ما اباه خلاااااااص ومصر عناد فيني ياخذني