مصرية بتنادي ===== الكل يدخل (دليل وسؤال)

ازيكم يا بنات مصر الحلوين اوي اوي
ازيك يا امولة انت زي العسل وازيك يا مسلمة انا بعتلك على الخاص على القاعة

بصي يا امولة انا نزلت اشتريت شوية حاجات عايزة اخد رايك فيهم اوك
انا جبت اساس رويال الفرنسي لونة حلو اوي
كمان جبت بودرة سارا وبلاشر برجوا وجبت مسكرا برجوا الي غطها فوشيا
وجبت يا ستي كمان قلم كحل مش بيتبرى اسمه ماي وجبت كونسيلر سيبل روعة وطري جدا انتي قلتي ممكن احطه تحت الروج
وجبت روج لونا على روز وعلى درجة نحاسسي شوية
وجبت سكراب ستيفز بالخوخ وكمان جبت ماسك بالخيار من ستيفز هو جل بس مش عارفة احطه بالنهار ولا باليل
وجبت البودرة الكور لاورفليم ورجعتها انهاردة سمرتي خالص خالص وكمان شوفت بوزدرة بورجوا بس لاقيتها غامقة جدا حتى فوق كريم الاساس
المهم بقه اني مش عارفة احط الكونسلير تحت كريم الاساس ولا فوقيه
ياي ريت تديني رأيك في الحاجات الي انا جبتها
معلش انا دوخت جدا جدا :o:o:o

امولة سؤال تاني معلش هو مقشر الوجه ستيفز مينفعش استخدمه للجسم ولا اشتري فروتني ؟؟؟؟

ارجع واقول
لانكوم
هيلنا
ايستي لاودر
جونسون
ماك
كل دول صهاينة وبيمولوا اعمال الاستطيان

موضوع وي وي وصلتوا لفين في الجهاز

http://www.3roos.com/forums/showthread.php?t=129570&page=3&highlight=%E3%D5%D1

موضوع مرجع هام
لي ياسمة اللي هو انا
http://www.3roos.com/forums/showthread.php?t=111872&highlight=%E3%D5%D1

ياسيمة
أهلا بك:yes:
وأخيرا نورتينا

وشكرا لك:up:

أموولة:clap:

شكرا لك
وخلاص يا عسل
مش هأقول آسفة تاني
:z_clap:

مسلمة تسلمي على ذوقك
ومعاكم طبعااا

ربي يوفقكم يا بنات مصر الحلوات

ادري ان فيني شوية فضول لأني دخلت موضوعكم

لكن قريته من اول صفحه الى اخر صفحه

جداً ممتع و مفيد

وانا كمان معاك يامسلمه

تسلمي يا رعبوب
اية يا بنات الموضوع نام ليه امال فين امل وطمطم

اذيكم يا وحشين ياللى مبتسألوش ألف مبروك على الموضوع و بشكر مسلمة على مجهودها و بشكر كل المشاركين
انا كنت عايزة اسال على سشوار للشعر يا ترى اشتريه ماركة ايه ؟ و احسن بفرشاه و لا بدون ؟ علشان يبقى سهل الاستخدام انا سالت على مولينكس بالفرشاه لقيته ب 145 جنية بس سرعة واحدة مش عارفة اجيبه و لا ايه ؟

ازبك با ويوي والله احنا مش وحشين
موضوع السشوار اضم صوتي لصوتي يا ريت حد يجاوبنا عشان انا برضه مش عارفة اجيبه نوع اية
كمان عندي سؤال تاني انا عندي سيلك بيل بس مش عاجبني بفكر اجيب اومجي او اي نوع تاني للي يعرف في الموضوع يا ريت يقولي ؟؟؟

اذيكم يا وحشين ياللى مبتسألوش ألف مبروك على الموضوع و بشكر مسلمة على مجهودها و بشكر كل المشاركين
انا كنت عايزة اسال على سشوار للشعر يا ترى اشتريه ماركة ايه ؟ و احسن بفرشاه و لا بدون ؟ علشان يبقى سهل الاستخدام انا سالت على مولينكس بالفرشاه لقيته ب 145 جنية بس سرعة واحدة مش عارفة اجيبه و لا ايه ؟

من خلال معرفتى بالاستشورات انا رايى احسن نوع واغلى واحد مولينكس بس اللى من غير فرشاة انا كنت اشتريتة السنة اللى فاتت ب 130 جنية وبستخدة لنفسى جميل اوى هوة قوتة 2000 وات زى بتاع الكوافيرات بالظبط حلو اوى


انا مبسوطة اوى ان فى مصريين هنا وبننفع بعض ويارب اكون فدتكم لانى استفدت كتير

اهلا wanda جبتى السشوار منين ؟ و يا ترى مش صعب من غير فرشاه انا بفكر انى اجيب اللى بالفرشاة بس مترددة

موضوع جميل جدا شكرا اختى

رعبوب

نونا بسام

wanda

wewe

hend

أهلا بكم

نورتوا الموضوع

السلام عليكم و رحمة الله و بركاته

اهلا يا بنات مصر الحلوات، ازيكم كلكم؟؟ معلش اتأخرت عليكم شوية بس انا معاكم اهه

اهلا يا بوسي يا قمر، شوفي يا ستي انا حأرد عليكي في كل حاجة دلوقت، بس اولا الف مبروك عليكي الحاجات الجميلة اللي شريتيها

"انا جبت اساس رويال الفرنسي لونة حلو اوي " بصراحة انا مش عارفة النوع ده بس طالما مريحك دي اهم حاجة و طالما درجته ماشية مع بشرتك يبقى كده تمام

"كمان جبت بودرة سارا وبلاشر برجوا وجبت مسكرا برجوا الي غطها فوشيا " سارا منتجاتها حلوة و راقية و انا جربت منها الشادو و عجبني، لكن أختنا ياسمة قالت ان الروج بتاعها مش حلو اوي و طبعا بورجوا ماركة جميلة و شادوهاتها و البلاشرات بتاعتها ما عليها كلام خصوصا ان بيكون لها لمعة خفيفة حلوة تصلح للمناسبات كمان، انا الماسكرا انا كنت جربتها مرة و معجبتنيش بس عجبت صحبتي، و أهم شئ تكون مريحاكي في الاستخدام

"وجبت يا ستي كمان قلم كحل مش بيتبرى اسمه ماي وجبت كونسيلر سيبل روعة وطري جدا انتي قلتي ممكن احطه تحت الروج" تعرفي يا بوسي، الكحل اللي مش بيتبري ده حلو و وحش في نفس الوقت، حلو لانه بيبقى ناعم في الاستخدام لكن وحش في انه مش بيتبري و بالتالي بيكون تخين بعد كده و مش بتعرفي تظبطي الخط بيه لانه بيطلع تخين، اما كونسيلر سيبيل فعن تجربة باقولك هو فعلا جميل و مناسب و لما تجربيه تحت الروج بيثبته اطول فترة ممكنة. انا باحطه على شفايفي و امسحه على كامل الشفتين بخطوطهم و بعدين احط تحديد الشفاة و املا الشفتين كمان بالتحديد و بعدين احط الروج و ممكن الجلوس فوقه احيانا، و بكده بيثبت فترة طويلة نسبيا

"وجبت روج لونا على روز وعلى درجة نحاسسي شوية " حلو لان روجات لونا جميلة

"وجبت سكراب ستيفز بالخوخ وكمان جبت ماسك بالخيار من ستيفز هو جل بس مش عارفة احطه بالنهار ولا باليل " السكراب جميل و انا جربته و هو اكتر من رائع يا بوسي و عن سؤالك يا قمر هو للوجه بس مش للجسم و لذلك فالافضل تجيبي سكراب فروتيني للجسم و هو زي ما انتي عارفة باكتر من نكهة و نقي اللي يعجبك و بينعم الجسم جدا كمان. اما الماسك اللي ينتقولي عليه مجربتوش لكن الماسك ملوش وقت معين لاستخدامه يعني ممكن تستخدميه بالليل او بالنهار الا اذا كان الماسك ده مكتوب عليه تعليمات مختلفة ، بس انا مش فاهمة هو ماسك جل ازاي يا بوسي؟؟ اشرحيلي اكتر و اكتبيلي مكتوب ايه على العبوة يمكن اقدر اساعدك يا قمر

"وجبت البودرة الكور لاورفليم ورجعتها انهاردة سمرتي خالص خالص وكمان شوفت بوزدرة بورجوا بس لاقيتها غامقة جدا حتى فوق كريم الاساس" شوفي هي بودرة الكور من اورفليم بتغمق فعلا بس لو استخدمتيها في الميك اب البرونزي بتبقى جميلة لان ده بيكون لوك مختلف و بتحتاج معاها الوان مختلفة في باقي الماكياج. بودرة بورجوا ممكن تكون نفس الحكاية عشان اللمعة الخفيفة اللي فيها، انا طبعا مش قادرة احكم لاني مش شايفة درجات ادامي بس ممكن تستخدمي معاها كريم اساس درجة افتح شوية من الدرجة اللي عندك عشان تعملي توازن

"المهم بقه اني مش عارفة احط الكونسلير تحت كريم الاساس ولا فوقيه " شوفي انا شفت في اكتر من موقع ماكياج ان الكونسيلر بيتحط في الاول و بعدين الاساس و حاليا انا باطبق الحكاية دي و شايفة انها مناسبة، لاني في الاول كنت باعمل العكس و احط الاساس و بعدين الكونسيلر، و يمكن اختنا ياسمة تفيدنا اكتر لانها ما شاء الله خبيرة في الماكياج و انواعه و لها لمسات فنية جميلة ممكن تفيدنا بيها


ها يا عروستنا بوسي، فيه اسئلة تانية يا قمر؟؟؟ و بعدين لا دوختيني و لا حاجة انتي ما شاء الله اخترتي حاجات جميلة و بسيطة و انا قلتلك رأيي حسب تجربتي مع كل حاجة، و يا رب ربنا يهنيكي بحاجتك و يسعدك و يوفقك

بالنسبة للبنات اللي سألوا عن السشوار، انا بصراحة خيبة في الحكاية دي حتى عندي سشوار في البيت و مش عارفة استخدمه بنفسي و لا عارفة اعمل بيه حاجة. مش عارفة ليه كل ما استخدمه يهيش لي شعري و يخليه منفوش، مع اني لما باعمله عند الكوافيرة مثلا بيطلع حلو جدا. انا اصلا شعري خفيف و مش بيحتاج حرارة جامدة و لا شغل كتير بس برضه فاشلة في التعامل معاه و يا ريت لو لقيتم حل لمشكلتي دي قولولي استخدمه ازاي

أمووووولة :shy:


فينك يا عسل؟؟

وحشتينا أوي أوي

مش ملاحظة انك
طولتي علينا أوي
:flower:

ازيك يا امولة عاملة اية انتي فين يا بنتي بقالك فترة مختفية والله قلقت عليك اوي
ميرسي على رايك في الحاجات اللي اشتراهتها ومتحرمنياش منك تاني

رائع الموضوع انا فعلن سعيدا