بنات السعودية والإمارات وقطر تكفون طلبتكم لا تردوني

هلا حبيبتي sweety byby

ياقلبي والله ما قصرتي تعبتج وياي ،،، ويارب يوفقج يالغاليه ،،،

مرحبااااااا مطلع _الشمس

والله أنا حيل متحسفه علشان مارحت حق مكه الدولي ،،، والضيافه إن شاء الله راح أروح له ،،، وبالنسبه لبنات قطر ،،، أنا أعتقد أن عندكم فرع لمكياجي بس بغيت تقولون لي عن أفضل ماعندهم ،،، وبغيت أسأل عن منتجات سماش بوكس حييييييييل يمدحونه ،،، والله شكثر أشوف بنات قطر يتكلمون عنها مادري إذا لها فرع في السعوديه أو الإمارات ،،، لكن لو ما فيه بحاول بأخوي أروح وياه حق قطر لكن إذا أكيد بروح لقطر بطلب منكم تفيدوني ،،،


أدري بتقولون هذي حشا كل هذا علشان تجهز حق عرسها ،،، صح في الكويت أغلب الماركات وأحلى الملابس والمكياج والعطور وكل شيء متوفر لكن هم حلو الواحد يشتري من برا والوحده جم مره تجهز حق عرسها،،، والله أنا ودي أشتري فستان العرس من لبنان لكن أمي مو راضيه نروح لبنان ،،،

مشكورين على تفاعلكم الأكثر من رائع ،،، وإن شاء الله كل الي ردوا علي ماراح أنساهم بالدعاء في مكه وبعد كل اللي مروا على الموضوع بعد

هلاا اختي

اول شي الف مبروك

وبعدين من قطر عندج المجمعات هي السيتي سنتر((بتلاقين فيه محل مكياجي والبيت الحديث ولك هذا للمكياج وبالنسبه للعبي عندج

سيدتي الجميله وحناين والمتحجبه ))

واللاند مارك (( بتلاقين فيه زهور الريف اللي انتي تدورين عليه))

وفي الحياه بلازا والرويال بلازا والمول هذي تقريبا كل المجمعات اللي بالدوحه واي استفسار احنا جاهزين

الله يوفقج

هلا حبيبتي qtr221،،،

مشكوره يا قلبي على الرد وجان زين أروح قطر والمحجبه لهم فرع عندنا وأذكر شريت منهم ملافع حيييييل حلوه ،،،وحناين سمعت فيه يمدحونه ،،، أما سيدتي الجميله إذا هو إلي في مركز مكه السكني فهذا لا يعلى عليه يستحيل أمر مكه ماأشتري منه
واللاند مارك خالتي كانت رايحه قطر شهر 3 وكانت تمدحه حيل أهو الحياه بلازا
وتسلمين يا قلبي على الرد وعلى معلوماتج إلي راح تفيدني واااااااااااااااايد وتفيد رفيجتي لأنها تبي تعرف عن قطر كل شي (لأنها راح تتزوج قطري ) بس بغيت أسإلج رفيجتي محتاره تبي أحسن صالون في قطر شنو إسمه خصوصا أنها ولا مره زارت قطر ولا تعرف أهل زوجها عدل يصيرون لهم من بعييييييييييد حيل

أدري تعبتج معاي والله يوفقج دنيا وآخره،، ويرزقج كل إلي تبينه إن شاء الله

السلام عليكم ورحمة الله وبركاته


البنات ما قصروا الله يجزاهم خير


لحظه وداع صاجه الساعات بالسعوديه ارخص بوااااااجد بس ما قلتوا لنا من وين ناخذهم ؟


على طاري حناين ترى فتح بالكويت صار له شهوووور اهو و الاختيار الاول



جويل

ياهلا وغلا بك بديرتك الثانيه :)

والف مبروووك

اختي بالنسبه لزهور الريف انا اكثر شي يعجبني فيه العطور الزيتيه .. حيل حلوه ..

اما بالنسبه لمكياجي فكله حلو لكن احلى ماعنده ماركة نوبا ... كلها عجيبه :) وعندهم الفرش بعد حلوه ..

بالنسبه للشيل
عندك محل اسمه شمس بالخبر .. حيل حلو .. بعد بنت الجزيره .. وعلى فكره تراهم رخاص :) ارخص بوايد من بدون اسم وغيره ..
عندك محل بابن خلدون فوق يبيع شيل وعبي مشغوله بالكرستال .. حلوه حيل للعزايم :)

محلات العطور وبالبخور .. بعطيك نصيحه وربي من قلب قلبي بعد .. حسك عينك تقربين فيسز " وجوه " مايرخض ولا ريال لا في المستحضرات ولا شي .. يعني وربي اخذت من فتره كريم من كلارنس عنده 225 .. ولقيته بالخريجي بالواحه ب 190 .. والكريم الثاني عنده ب190 واخذته من الواحه ب160 .......... باختصار نصااااااااااااااااااااب ...

واذا تبين نصيحتي للعطور روحي سوق الجمله .. من افخم عطر لااتفه عطر كلهم موجودين واصليات ..
البخور بعد بتلقينه هناك ...

روحي خذي مسك حجر من عند العربيه للعود ومن عند قرشي شنو رهيبه :)
زوجي يتخبل عليهم ^_^

بالنسبه للساعات بالفعل وايد ارخص ،، بس تأكدي هل الالماس تركيب سعودي او لا .. لان احيان يرخص السعر لان تركيب الالماس محلي :) بس ترا والله نصيحه مايفرق محلي او من نفس البلد .. يعني اخذي وتهني :)

وعندك من المحلات الزينه
الحميضي
الحمادي
الدهام
الماسيات


وموفقه :)

سماش بوكس بتلقينه بفيسزز

هلا والله اختي لحظة وداع ..

حياك الله بالخبر .. والف مبرووك على الزواج ..

بالنسبة لزهور الريف .. انا اخذ منهم مجموعة للجسم من سبري ولوشن وباودر .. الخ بريحة زهرة الكاميليا .. وبرضوا الفواحات اخذهم منه ..

اما مكياجي .. عندهم ماركة شادوهات نفس ميك اب فور يفر .. بس والله ناسية اسمها ..

بالنسبة للعبايات والشيل .. اذا تبين عبايات حلوووة وغريبة وشغل مضبوط راح تلاقينهم في الراشد مول بالخبر .. واسامي المحلات ( الاختيار الاول & فاشن توب ــ بتلاقينهم في الدور الاول ) + ( لمسة بتلاقينة في الدور الأرضي عند بوابة 8 ) هالمحلات عباياتهم حلوووة لكنها غالية اشوي ومادامك عرووس بتلاقين اللي يعجبك فيها بس تخيطين وانت مرتاحة انه في الاخير راح يضبطلك الشي اللي تبينه ..
اذا تبين اسعار معقولة في نفس المجمع ( بوكنان + بدون اسم وهم في الدور الأرضي )

في محلات برضوا في شارع السويكت في الخبر كثييييييييرة حقت العبي واسعارها مناسبة وارخص من اللي في الراشد .. مثل ( شمس + الاحمدي والاميرات ومحلات كثيرة ..) في السويكت في محل حق عبي تصاميمة غريبة مرره اسمه ( الملكة ) ..
وفي مجمع فؤاد سنتر على كورنيش الخبر في محل اسمة ( منتصف الليل ) شيلة حلوة وغريبة ..

بالنسبة للساعات .. راح تلاقين اغلب المحلات المعروفة في الراشد عندك ( الدهام + الحميضي + الخالدي + بازلت + معلم + معوض ) كلها فيها ساعات المعروفة .. وعلى فكرة ترى معوض مسوي تخفيض 75% ان شاء الله تلحقين عليه ..

وبالنسبة للعطور والمكياج ..

عندك بقشان & الخريجي في مجمع الواحة بالدمام + المصباح & وجوة & البعيجان في مجمع الراشد بالخبر

واي استفسار انا بالخدمة ..

هتـــــان

العفو اختي هذا اقل شي نقدر نقدمه لكم

بالنسبه لاحسن صالون فهو صالون دانيال بجاني للمكياج والشعر والقص واحسن وحدة هناك دانيال نفسها وجيني وشاديه وميرا

او اذا تبي في بنات قطريات يجون الفنادق اذا تبي مكياج بس هي تبي الصالون حق شنو ؟؟ ومتى المناسبه ؟؟

واي سؤال انا حاضرة اختي

الله يوفقج ويوفقها