بالي مشغول واتريا مساعدتكم ..

هذي وحدة ملقوفة مخطوبة حابة تستكشف

اتكلن عن نفسي

بس بغيت أستفيد منكم

لاحول ولا قوة اللا بالله :down: احترنا ما فيه شي مفيد ...

والله مادري شو بسوي ..

فوانيس حبيبتي ولدي مب حمودي ... صبوحي :D2 مصبح على قولة ابوه :down: هذي سالفة ثانية ترا الاسم انا مب متقبلتنه بس ما باليد حيله :pain:

مشكورات خواتي ما قصرتن .. بس الواقي ريلي هو الي يباه شكله ما يعرف انه الرياييل ما يحبونه :D2

السلام عليكم

والله موضوع كنا نتكلم فيه انا وريلي امس سبحان الله مع انه ما كنت حاطه شي في بالي حاليا

وانا عن نفسي ما ابي احمل اقل شي 4 او خمس سنين ابي ارتاح واهتم لنفسي وجسمي لان من
سنتين معرسه وحملت مرتين بس كفايه ما تهنيت

بس بصراحه حيرتونا اللولب نزيف وعوار واحتمال يصير حمل
والحبوب زياده وزن واعصاب مشدوده ومزاج متقلب واحتمال يصير حمل
وحبوب الرضاعه نفس الشي
والمنع الطبيعي مو مظمون بالمره
والواقي الذكري هم مو مظمون واحتمال يصير حمل

عيل شو الحل الانسب؟؟؟؟

قرار صعب الله يعين

شكلي بجرب كل الطرق هههههههههههههههههههههههههه

اختكم ام عبدالله

ايي و الله توهقنا..

بس الظاهر بنسوي كل هالطرق مع بعض..

:D2 الله يعين ..

والله مب عارفة شو اسوي .. انا عن نفسي ان ركبت لولب ان شالله بخلي ريلي يستعمل الواقي بعد يعني ما بسوي شي واحد بس لأني وايد خايفة من الحمل مرة ثانية ..

ونفس الشي على الأقل 4 او 5 سنين ابا ارتاح واكون خلصت جامعة ان شالله ..

الله المستعان بخبركم بعدين شو ممكن اسوي .. :up:

مرحبا حبيت اشارك.... انا كنت اخذ الحبوب بس خلتني عصبيه وبعدين ضعفت وايد بسبتها... بعد ولادتي الثانيه ركبت اللولب والحمدالله مرتاحه عليه وردت روحي وافتكيت من الحبوب... الدوره عندي منتظمه صح انها طالت مدتها شوي تقريبا يومين لكن الدم ما ينزل وايد مثل ماقالو. ولا سببلي التهابات الحمدالله ولا يحس فيه الريال ابدااا اذا ركبوه بطريقه صحيحه ... صراحه اهو يعور اول ما يركبونه مجرد ثواني وبعدين يروح العوار ولا جنج مركبه شي... انا افضله على الحبوب ، وانتي شوفي اللي يناسبج :)
تحياتي لكم جميعا

مرحبا الغاليه ..

بالنسبه للولب ماعندي فكره عنه بس سمعت انه يسبب مشاكل

والحبوب ما نصحج لاني شفت الي يستخدمونهم كلهم يتشكون منهم واولهم اختي صارت متينه واايد وتغيرت..

والواقي الذكري استخدمنا كم مره وقفت عنه لانه ضايقني وضايق زوجي .. بس على حسب فيه ناس ترتاح له وناس لا وفيه نوعيات زينه وتكون اغلى من العاديه يعني ماتتقطع او تسرب ...

الحين استخدم طرق طبيعه طريقة العد والقذف الخارجي والحمد الله ألحين سنه وشوي وللحين ماحملت ...

شكلي خلاص بركب اللولب + القذف الخارجي لأني مب مستعدة تسير غلطة واحمل وولدي بعده صغير ...


مشكورات خواتي يزاكم الله خير

ما الفرق بين حبوب منع الحمل المعروفة من زمان وحبوب الرضاعة

ممكن حد يفيدني؟؟

لإني أعرف واحدة أخذت حبوب منع الحمل العادية المعروفة من زمان بعد أول ولادة

ولا حملت بعدها لليوم

بنتها الوحيدة زوجتها .. وصلى الله وبارك

فما أدري عن التجارب مع حبوب الرضاعة .. هل هناك أحد استخدمها وما حمل بعدها؟؟

الله يعينك يا عيون

عني أنا ما أحاتي هالشي .. بالعكس لو الله قدرلي وحملت بعد الأربعين نعمة وفضل من الله

ألحين أقول هالكلام .. ما يندرى بعد الولادة شو بقول

الله يستر:think:

:D2 كلااااااااااااااام يا بنت فلسطين ...

اصلا حتى لو نسيتي الم الولادة مع انه هالشي مستحيل ... انتي نفسج ما بتتفيجين لطفل واحد من كثر العناية الي يحتاجونها ..

وزوجج بعد يكون ما صدق انج ولدتي .. وانتي بعد بتشتاقين لحياتج الطبيعية.. عشان جي لازم تاخذين لج فترة راحة ..

انا اعرف انه حبوب منع الحمل مالت الرضاعة خفيفة وممكن يصير حمل رغم الاستعمال .. والعادية اقوى شوي وتمنع الحمل بس احيانا يصير حمل بعد ..

كل شي بيد رب العالمين

حبوب منع الحمل مب شرط انها تمتن

لانه في الورقة مكتوب تاثير على الوزن بس مب مكتوب زياده او نقصااان

الواقي مفيد بس لازم يكون بضمير يعني يلبسه ومايقص عليج
بس بعد فتره من الاستخدام بيتملل منه
الا اذا كان مصر مثلج على تاجيل الانجاب