مشكلتي بالحياة امي... كرهتني الحياة

الصراحة وايد غمضتيني .. الله يعينج و يريح بالج

ما بطول عليكم اكثر هالامثلة تكفي بس بقولكم شغلة كل ما حد خطبني اتبوزانا مثلك بهالنقطه دايم امي لاجاء عريس تقلب وجهها وتعبس لدرجه تكرهني فيه عموما الله يهديها ويصلح حالك ويعوضنا باابن الحلال
يارب

السلام عليكم ورحمة الله وبركاته
أختـي الغاليه.. كـارهة حيــاتي..

المشكلــه اللي انتي تعانينـها مثل مشكـلتي بس الفـرق ان امج متعلمه وانا امي مو متعلمـة..

انا عمري 28 سنــة كنت انخطب من عمري 14 سنـة كانت ترد الخطـاب بحجج واعذار كله علشان اتـم عندها اخدمـها لاني قايمه بواجبـات البيـت كلـها من عمر صغيـر..

انا الحمدالله على قدر من الجمـال وذات سمعه طيبـة ...لكن عندي ام ماترحم حتى لما يجون الخطاب تزعل وتتضايق كأني انا المذنبه او مسويه خطيئه..

تخيلي ام تعامل مرة ولدها كأنها بنتها وتعاملني انا كأني جاريه عندها هذا غير الانتقادات والسخريه مني قدام الحـريم..

تحـاول تقطعني من صديقـاتي وتذمهم وتغير منهم ومصوره النـاس كلهم اعـداء...

دايم تطلعني صغيره بالعمر علشان اهي تتـم شباب قدام النـاس ..

بس ارد بالاخيـر واقول امي الله يأجرنا على صبـرنا ويزرقنا بالرجال الصالحين اللي يعوضنا عن كل حنـان فقدنااه من الاهل..

والله غمضتيني مووت .. والله احس عيوني بدمع .. بدعيلج انتي وباقي البنات ان الله ييسر لكم ويفرج همكم ويرزقكم بابن الحلال
وعلى طاري التفرقة .. أمي بعد اتحب اعيال اختي ( أولاد في سني ) واايد .. ولا كأني بنتها ! .. الله كريم ..

الله يرزقج بولد الحلال ان شاء الله ويعوضج .. ولا تنسين تدعين للوالدة دوم .. وكثري حبيبتي من الاستغفار فإنه مفتاح الأقفال :)

فديتج والله عيوني دمعت صدق بس انا مؤمنه انه لا يرد القضاء الا الدعاء فصدق اكثري منه و مثل ما قالت الاخت عاشقة الجوري 50 اكثري بعد من القراءن.... يوم بتنشغلين بهالامور احس بتنسين هالاجواء المريره اللي تعيشين فيها...................... طمنيني عليج لاني صدق انفطر قلبي....