نسمات و شوق الهبايب ، من مسجات ست الحبايب

[frame="2 80"]مرحبا
كيف الحال ؟ والاحوال ؟

امممممممممممم من زمان خاطري اشارك في هالركن فقلت احطلكم مسجات من موبايل امي وان شاء الله بعد سنتين بحطلكم مسجات من موبايلي<<<<<< يوم اخلص ثانويه عامة

مسج من اخوي

دورت لك بين الرسايل رسالة ..
تليق في حضرة جنابك وتسوى
لاخترت بيتن رحت ادور بداله
واشطب على هالبيت وادور اقوى
واقول اصلا ما تكفي رسالة
بهديك قلبي يا عسى القلب يسوى

مسج من خالتي

ياحلاكم في معانيكم والكرم من زد معناكم
المعاني يوم تلفيكم ..ما وجد في الناس شرواكم
كلمة الترحيب تبديكم كم تسوى بسمة شفاكم
لو بدم الروح بشريكم وفي خفايا القلب سكناكم
ساكنين العين نعنيكم فالغلا ماحد يسواكم


هذا مسج من ربيعتي <<<<< ترى هالمسج مطرش حقي
لو ما انت غالي ما اتحمل غيابك
ولا شقيت نفسي في رجاوي تلاقيك
احب فيك الحب واعشق عتابك
واحب جرحك والغياب واتجافيك
ياليتني حرف ساكن في كتابك
وابقى معك في هامش الوقت مغليك


مسج من ربيعة امي

يدور الزمن ويجر الناس الا انت
يقربك مني الين اشك انك عيوني
ابي احسدك يا صاحبي على ثنتين .. لاهنت
وادري كثير الناس فيهم يحسدونك
الاولى انك لو يشين الزمن ما شنت
والثانيه انك صرت روحي ومكنوني

مسج من حرمة عمي
يمكن تقول انه الرسايل حكي فاضي
مجرد كلام نكتبه ويتم الارسال
لكن تاكد انك معي حاضر وماضي
تبقى عزيز وصورتك دايم على البال
افرح في ذي الدنيا لاصرت راضي
غالي علي واللي خلق شمس واظلال

مسج من اعز ربيعات امي

قالو صديقك من يقاسمك همك
وان شان ظنك فيه ما شان ظنه
لاهو ولد خالك ولا ولد عمك
يسوى اهلك والناس واللي انته منه
فكرت حتى سار بي الفكر يمك
ولقيت انته اللي يقولون عنه

مسج من عند خالتي

انا رسالة جيت من عند غالي
شخصن موصيني اوصل سلامه
جيتك اشيل الشوق باول وتالي
في شاشة الجوال هذا كلامه
وش هي علومك يا بعد حال حالي
هذا سؤاله جاك ويه سلامه


مسج من معلمة اختي

مني للغالي سلام وتراحيب
مضمونها تقدير من قلب صافي
سلام يا راعي الوفا والمواجيب
سلام يا شخصن مع الناس وافي
اجيك لو ما رسلت يمي مناديب
اوصلك لو اني على الرجل حافي
وختامها مني سلام وتراحيب
مضمونها تقدير من قلب صافي

مسج من ربيعة امي
جتني رسالة زادت القلب اعجاب
من واحد في ذمتي ما نمله
يا مرحبا واهلين والفين ترحاب
اعداد مزن من الحيا مستهلة
باعز مخلوق من اقراب واجناب
نزل بقلبي ما استحى واستحله


مسج من وحدة تقرب حق امي بس ما ادري شو تقربلها خخخخخخخخخخخخخ

هلا باللي تميز بزين الاخلاق
هلا باللي لعب بقلبي وغدابه
تستاهل مني التحيات والاشواق
تامر على قلبي ولك منه اجابه
عسى ما يجي بيني وبينك فراق
وعسى درب المحبه ما يصك بابه

مسج من معلمة اختي

يامرحبا باللي على العسر واللين .زتتعب قوافي الشعر تاصل مديحه
يامرحبا اهلا وسهلا ملايين تمزح مع الريحان لا فاح ريحه
ترى الغلا بالقلب لو تبعد العين ومحبتي ك تراها صريحة

مسج من وحدة متعرفة عليها امي يوم راحت الحج وصارت ربيعتها

مهما ظروفي عن طريقك حدتني
تبقى معي في داخل القلب ذكراك
ومهما همومي بالحياة اجهدتني
انسى نكدها لو تقابلت وياك
لك صورة في داخلي لازمتني
وما انسى اهل الطيب مثلك وشرواك

واختمها بهالمسج من اخوي

((الحمدلله الذي تواضع كل شي لعظمته .. الحمدلله الذي استسلم كل شيء لقدرته .. الحمدلله الذي ذل كل شيء لعزته .. الحمدلله الذي خضع كل شيء لملكه )) من قالها مرة واحدة سخر الله له 70000 ملك يستغفرون له الى يوم القيامه . اتمنى مسجات ماماتي عجبتكم

احب اشكر اخوي صارع على العنواان لانه من تأليفه

شكرا يا بومحمد ما تقصر


بنفسوووجة [/frame]