كم مهرك؟؟؟

انا بعدني ما تزوجت وهالسؤال كان ودي اساله للمتزوجات بعد علشان نحن نستفيد ونعرف كيف تم تقسيم المهر

يالله ننتظر خواتنا

موضوع حلو >>>>>>>>السالفة فيها فلوس(r)

يالله محد دخل

اش دعوه عيوننه مب حاره ولا نحسد

مهري خير ونعمة
والصراحة ماكفاني
حطيت فوقه
3000 د.ك

ويالله كفى بس الحمدلله

me to
wish to me become married

انا الحمد الله مهري كفاني و زاد...

عطوني 300000 درهم للفستان و الصالون و تجهيزات العرس كلها والذهب... ما عدا الفندق كان عليهم
وزاد 7000 درهم :)

يلا خبرونا يا بنات عن مهوركم خلونا نتشارك

أنا مهري 40000 تتضمن إن علينا أحنا نصف الزواج وهم النصف الثاني....

فخليتها كلها حق تجهيزي وبما أني أشتغل فراتبي من يوم خطبتي إلى يوم زواجي الأسبوع الجاي راح يكون حق تجهيزات الزواج يعني من صاله

وطقاقه ومصوره وكوشه وكل شيء طبعا بالمناصفه بيني وبينها....

طبعا ال 40000 صرفت منها 30000 و 10000 خليتها حق المسقبل لأن الزواج فلسني فراح أحاول بعد العرس أعدل ميزانيتي مره ثانيه....

كيف قسمتها 13000 حق الذهب ودبلتي حقت الخطوبه كانت ألماس ب 5000 فما له داعي أشتري لي دبلة ألماس ثانيه شريت ذهب أصفر وحده بما أني راح ألبس ذهب أصفر بعد يوم من الزواج....

شريت لي ساعه ألماس ب 5000 ريال... وشريت ملابسي وجزمي و شنطي تقريبا ب 8000 ريال وبدلة يوم الحناء وبدلة بعد العرس بيوم ب 4000ريال...
الوالد الله يخليه سوى لي فستان العرس وإشترى عباتين لي و4 شيل من عنده فنعمه... وإشترى لي عطوري ومكياجي....

فأغراضي إن شاء الله بيطلعون معقولين

مع إني ما كثرت مكياجي ب 2500 وعطوراتي ب 2000 ريال...والعبي حقي وحده غاليه شويه ب 1900 ووحده سعرها معقول ب 1300 ريال.

وطبعا أنا نوعت في شراء أغراضي يعني شريت من الإمارات والبحرين والرياض وجده والشرقيه وكندا...

غير إني من إنخطبت إلى الآن كل ما نزل الراتب رحت شريت ملابس وخزنتها حتى أحس حاليا ما عندي ملابس حق الحياه اليوميه بس الله بيعوضها علي الأسبوع الجاي إن شاء الله بعد الزواج... بأحس إني كل يوم ألبس بدله جديده لمدة أربعه شهور...

يمكن لو ما فيني عقدة الماركات يعني ما أحب أشتري ملابسي من الأماكن العاديه كان نص مهري موفرته بس أحس إن جسمي ما يناسبه إلا المحلات الماركه...

وإذا عندكم أي سؤال سألوني عادي...

ما شاء الله عليج الغاليه...كان ردك اكثر من رائع....الله يهنيج حبيبتي فيهم :)

السلام عليكم ورحمة الله وبركاته

هلا بالغاليات أنا وحدة عرسي بعد تسع أشهر ومهري (أمية وعشرين آلف) وحاطة لي جدول عشان مابي تروح الفلوس أبي ارتب كل شي وتوني قاعدة ابتدي في الترتيب والله يعينني وأخلص كل شي مثل ماخططت له.........

موفقه الغاليه....الله يبارك لج في مهرج :)

تسلمين ملاك حبيبتي....

السلم عليكم
اما انا مهري كان نسخة من المصحف الشريف ، ومصاريف العرس عندنا تكون على اهل البنت من قاعة وكوشة والعشاء،
أما الذهب فكان من زوجي طقمين ألماس واحد للشبكة و واحد للصباحية زائد دبلة ألماس غير دبلة الخطوبة زائد بعض الأساور و الأطقم الصغيرة ، وأنا زدت من عندي 5000 ريال عماني. أما هدية ليلة الزفاف فعادة تكون طقم ذهب لكن زوجي عمل لي مفاجأة و انزفيت بسيارتي اللي جابلي اياها هدية

انا مهري ما كان وايد و ما كفاني لكل شي طبعا .... بس الحمد لله أني موظفة وزدت علية من راتبي

ما شاء الله الورده الصفراء...احلى مهر مهرك :)

بس على فكره...اول مره اعرف انه في عمان التجهيزات على البنت !!!

الله يوفقج يا ريم و تتهنين ان شاء الله

حلو الموضوع مثلج يا حلوة

مهري كان قرآن .. لحد يستغرب .. إي قرآن وبس

وأقصد بالمهر هو اللي قدمه زوجي في ليلة الملجة وتسجل في عقد القران

أما باقي التجهيزات من ذهب وثياب وحفلة وشقة وتأثيث وكل هذا

كان مشترك بيني وبينه

أختي أم الوله

خير المهور ما شاء الله

بس بغيت أعرف شلون يعني مهرج قرأن يعني يعلمج ولا شلون ؟؟؟؟

تسلمين اختي على المشاركة
أنا مخطوبة
الحمد لله مهري مووايد
لكن مو مهم أهم شي عندي خطيبي شاب محترم ملتزم يحبني وأحبه يستر عليي وأستر عليه

لا يا حبيبتي

القرآن قدمه لي كمهر عشان يتزوجني

يعني الشيخ لما سألني هل تقبلين الزواج من فلان بن فلان بالصداق المسمى بينكم وهو
القرآن الكريم

وافقت وقلت نعم أقبل

الله يوفقكم يابنات:):)