قابلتني ..سألتني .. أحرجتني !!!

قصيدة نقلتها لكم ..

قابلتني..وسألتني..وحرجتني
ليتها ياهل البلد ماواجهتني
بنت فيها زين والله عذبتني
.................قمت اطالعها ونا كلي عجايب

قالت انته جامعٍ علم وثقافه
قلت مامن علم جيد باللقافه
لي ولد عمٍ شرى كتب الصحافه
.................والوكاد انه يراسل بالكتايب

قالت انت وش مؤهلك الدراسي
قلت شاب من الدراسه شعر راسي
بس اجي فالفصل واعد الكراسي
...............يوم أدرس واربعة أيام غايب

قالت أبعطيك جمله بالقواعد
يالله اعرب لي ضرب حمدان حامد
قلت حمدان اعتداء والله شاهد
...........وضربه لحامد ترى ماله سبايب

قالت الجغرافيا جاوب عليها
مصر كم سكانها اللي تعيش فيها
قلت مصر بعيده عنا مانجيها
............تتعب الركاب في ضهور الركايب

قالت أبعطيك بالتاريخ فقره
يوم مات الملك فيصل كم عمره؟
قلت يوم مات فيصل ماني بكبره
..........انشدي من طيّب الشيبان شايب

قالت ال BوالC والD يالله قلها
قلت البي والسي والدي ماحنا من اهلها
عندنا وارد عراوي نستعملها
...............وعندنا هايلكسات أم العقارب

قالت اضرب رقم في رقمٍ مشابه
تطلع التسعه عدد ساعة حسابه
قلت لاضارب ولا جامع عصابه
.............ليه نزعلهم علينا ونتضارب؟

قالت اسواتك سوات انسان ضايع
لو نصحتك يالمراهق مانته بطايع
خذ كلامي تلقى فيه احلى بدايع
........أجتهد واضغط على نفسك وواضب

قلت لاموضب ولا مسمكر رفارف
يابنت هذي حالتي فيني لهايف
ماخذٍعقلي ترى زين الوصايف
..........من عقبها ضاع عندي كل واجب

قامت اتصارخ وكن فيها جنون
وجهها قام يتغير كم لون
عين صابتها ويا حسد العيون
..............يالله ابعد عننا كل المصايب

تحياااتي