كيف اصرف مع زوجيييييي

والله موضوعك صعب لان زوجي متعلق بصديقه بعد

بس الحمد لله مو لهدرجة

ولا اعرف كيف اخليه يبعد شوي عنه

ياليت البنات يساعدونا

الله يعييينكم صج مشكله

انت ماتعرفي مرت صديقه احسن شي تكون زيارتكم مع بعض
عشان يكون كل شي علي عينك
واذا انتي تتغطي بالعكس ينفصلو الرجال عن الحريم وترتاحي

شكر لكم على المرور
اختي ملك روحي انا اعرف زوجة صديقه بس هم فري هو وزوجته
اما زوجي كان مايحب ان ارفع الغطاء عن وجهي اما الحين اقول
لي عادي تقعدي معاهم كذا مافي شئ خلش عاديه غير صديقي
وانا مااحب هالشئ

أختي موج الأمل كلام الأخت ملك روحي صحيح

اذهبي معة و لا ترفعي الغطاء عن وجهك أجلسي متسترة و تعرفى على زوجة صديقة و شوي شوي خلي الجلسة منفصله و صدقيني أختي نصيحة لا تعاندين زوجك ، لأنج لو عاندتية ما بتطلععين بنتيجة غير انه يشوفهم ملائكة و يهرب منج

فالحل هو



الصقي فية

انا راي من راي الاخت ريم ..

والله يعينج ويصلح حالج يارب ..

سيروا انتي وياه بيت صديقه

انا من راي ريم

والله يسهل امرك

شوافي ختيه كل ممنوع مرغواب والحمدلله ريلج ما يرتكب شي محرم وأحسن من غيره لا تخلين الشيطان يدخل من بينكم صدقيني الموضوع عادي بس لأنج أنتي محتاجه لريلج وتبين تحسينه عدالج أتشوافين أنها مشكله لا تحاولين تمنعينه أو تظهرين غيظج جدامه بالعكس حاولي تسالين عن صديقه وعن حرمته دائماً ....................

أقوال ليش ما تعزمينه هو وحرمته عندج في البيت وتحاولين تخلين علاقج فيها أكثر من جيه يعني حاولي أدخلينها معاج المطبخ قواليلها أنج تبين أتكلمينها في موضوع حريمي شوي وبجيه بتقعدوان أرواحكم وكرري هالعزايم على طوال ومع الوقت بتعود
الله يهديهم .....................

شكرا لكم ريم81 و أم الحارث و الملاك الحزين
و عاشقة الجوري50 و لب لفواد على مروركم
كلامكم صحيح وان رحت معاه كذا مرة بس اذا في مناسبة
بس هو يروح يوميا الظهر اذا مو الظهر العصراذامو العصر الليل
تقريبا يوميا وثانيا انا ماارتاح لصديقه لان هو الي خرب زوجي
صار يحب يسافر لحاله يروح البحرين بكثرة واذا تكلمت معاه قال لي
انا حر في تصرفاتي انت مالك دخل ودائما يقول لي مافي شئ اني اسافر لحالي
اغير جو اومع صديقي والمراة مالها الا البيت ...
انا عن جد تعبت من اسلوبه لدرجة انه يروح الديوانيه الين الساعة11 الليل وبعدين يروح
يكمل السهر بيت صديقه الى الساعة1 او2 حتى انا اقول له خلاص سوي لك غرفة عندهم
صار حتى اسلوبه جاف معاي ودائما يقول لي عاجبنك اومو عاجبنك ضربي راسك بالطوفة

برأيي وصل الموضوع لمرحلة لا يجب أن تستمري في الكلام عن الصديق فيها أبدا

بمعنى هو الآن مقتنع تمام الاقتناع به وما يشوف نفسه غلطان

والعكس كلامك راح يخليه يزداد عناد

اسمعيني إذا تكلم عن صديقه اهتمي بالموضوع واسألي باهتمام

وبعدين حاولي يكون لك صديقات تزورينهم .. أقصد حاولي تشغلي نفسك ولا تحطين زوجك تحت المجهر لإن هذا الأسلوب ما يمشي مع كل الرجال

ومثل ما قالوا البنات تعرفي على زوجة صديقه وحاولي تسحبينها من وقت للثاني بذكاء بحيث تصبح الجلسات منفصلة

شكله كان يدرس بالخارج وتعود على هالنمط من الحياة

والبنات كمان أعطوكي أفكار حلوة علشان تلفتين نظره مو بالهواش .. بالعكس بالحب والمسايسة

ادعي الله في سجودك ن يهديه لك ويرده لصوابه ويبعد عنه الشر

وصدقيني كل شيء راح يتغير مع الوقت

أتمنى لك التوفيق وأن يصلح الله بينك وبين زوجك ويحببكم في بعض أكثر

طمنينا عنكم عزيزتي

طنشي ولا كأنك مهتمه بالموضوع ...
يعني خليه يروح ويجي بالوقت اللي يبيه ...
بس لازم يكون لج يوم تطلعين فيه انتي وعيالج معاه ..
واذا شفتي نفسج فاضيه روحي معاه وقعدي مع زوجته ..
اعتبريها فتره وتعدي ماكو شي دايم

هلا وغلا

هلا وغلا
الله يعينك تراني امر بنفس المشكله تقريبا
ولكن لاحياة لمن تنادي
الله يعينا جميعا ويعين جميع الزوجات على هالشئ

حبيبتي لا تفقد الامل سوي الاقالو البنات واحنا معاكي للاخير وانشاء الله في تغير
حاولي قد ماتقدري تفتحي مع مرة صاحبه هرجات خاصه عشان تجلس معاكي لوحدها وراح تحاول اذا عجبتها جلستك انها تجتمع معاكي بعيد عنهم وكذا راح تنجحي انشاء الله .

الله يعينج ويسهل امورج .. بس حاولي تجذبينه بأي طريقة .. غيري أسلوبج بالكلام وباللبس حاولي تهتمين بمظهرج أكثر وأكثر يمكن انجذابه الزايد لصديقه هو اعجابه الداخلي بحياة صديقه الخاصه عشان جذي حاولي تجذبين ريلج كثر ما تقدرين بس بحدود الشرع

بسم الله الرحمن الرحيم عزيزتي لا تخلي هالشي ايأثر عليج بالعكس انا حاسة بأحاسيسك واقدر المرارة والألم اللي اتحسي فيها بس صدقيني الرجل ساعات ايصير مثل الطفل اذا اتقولين له روح يمين ايروح شمال فأنتي خلي بالك من هالنقطة زين وخليكي ذكية وحاسبي في كلامك مع زوجك عن صديقة عشان لا يغلط عليكي ويقول لك طقي راسك في الطوفة بالعكس خليه ايروح ويرد وصبري عليه وفي نفس الوقت حاولي تلفتي نظره لأخطاء وعيوب صديقه يمكن هو من محبته لصديقه ما يشوف اي شي غلط فيه وعشان تكسبي المعركة اتصادقي مع زوجته واخذي معلومات اكثر عن زوجها وشنو المواضيع والأشياء اللي يحب زوجك يتكلم فيها مع زوجك واللي امحببة زوجك في صحبته بعدين لما تعرفي كل الأشياء حاولي انك تجدبي زوجك ناحيتك بالكلام اللي ايحبة المواضيع اللي ايحب يتكلم فيها وكثري من دلع النسوان وحركاتهم واتركي عنك الحنة علي راس زوجك اشوي اشوي لين ما تستملين زوجك ناحيتك وكثري من كلام الدلع لما يجي يطلع البيت موحش بلياك انحس روحنا يتامي انضيع بلياك ومن هالكلام اللي يرق له قلب اي رجل وشوفي انشاءالله ايجيب نتيجة معاه ودعواتنا الصادقة من القلب ان الله يهدي زوجك ويفكك من هالمشكلة

شكرا لكم خواتي
كرملة
ملك روحي
سكون
COCOmademoisell
كلامكم ريحني وانشاء الله يفرج عني وعن جميع الاخوات

ملك روحي:
انت ماتعرفي مرت صديقه احسن شي تكون زيارتكم مع بعض
عشان يكون كل شي علي عينك
واذا انتي تتغطي بالعكس ينفصلو الرجال عن الحريم وترتاحي

وانا بعد نفسسسس الراي