ليش بعض الناس يظهر عليهم الغنى! الثراء

ابصراحه والله من فتره يالسه أكلم حرمة أخوي عن الموضوع ,,, اقولها ليش بنات التجار دوم شكلهم كشخه ومرتبات وكل شي يطلع عليهم حلو سبحان الله .... ممكن انهم ما يلبسن من الغالي بس ذوق ابصراحه ... طلعا في بنات عاديات نفس الشي .. بس عن نفسي دوم اشتري الأشياء البسيطه والناعمه .. بس بعد احس اني مب مرتبه ,, ما أدري ليش ,,,

سبحان الله ...

[grade="FF1493 B22222 FF1493 B22222"]
أختي من كلامج لاحظت التركيز على مسألة العناية الشخصية اللي تشوفينها في هالفئة من خلال

العناية بالشعر وصفاء البشرة وصحة الأسنان وغيرها ، برأيي هالأمور الكل ممكن يقوم إبها وما

تكلف وايد،يعني كل وحدة ممكن تهتم بنفسها وكذلك بلبسها، نهايةً بأسلوبها في التعامل

والحديث.. إتعرفين شو الإختلاف اللي تشوفينه فيهم وماتشوفينه في غيرهم،هو نظرتج

الشخصية لهم،لأنج رسمتي لهم فكرة معينة ماتشوفينها في غيرهم،أضرب مثال ييبي بنتين

لابسين نفس الشي نفس اللبسة ونفس الحذاء(وإنتي بكرامة) وطبيعة شعرهم نفس الشي من الملمس

والجمال ونفس صفاء البشرة وطريقتهم في الكلام تدل على أخلاق عالية وأسلوب مميز،لكن وحدة

غنية ومن عائلة معروفة، والثانية متوسطة الغنى ومن عائلة معروفة بس مو وايد،لو ماكنتي

إتعرفينهم أختي راح تنظرين لهم نفس النظرة،بس مجرد ما تتعرفين عليهم راح تتغير نظرتج لكل

وحدة وبتشوفين الغنية بنظرة أرقى من نظرتج للبنت الثانية...يعني مثل ماقلت في بداية كلامي

المسألة ترجع لنظرتج الخاصة لهم ..ونظرة الناس لهم،أما بالنسبة للأناقة والجمال والاهتمام

الشخصي فهو موجود عند كثير من الناس..

الاختلاف الوحيد أختي يكمن في أمرين،إن الفتاة الغنية ممكن تلاحظين وجود الماركات أكثر في

لبسها وحاجياتها...أما الفتاة المتوسطة الغنى ممكن تشوفين الاهتمام بالماركات في أمور معينة

فقط نظرا لعدم قدرتها في شراء مستلزماتها الأخرى من الماركات المعروفة...

أما الأمر الآخر فيكمن في طبيعة المعيشة ،فتكون الرفاهية الزائدة تلعب دور في تكوين

الشخصية وطريقة الحديث ،ولا أقول بأن الأخريات من لم يعشن بنفس المستوى قد يكن أقل لباقة

ولياقة ولكن قد تلحظين بعض الفرق بينهن ولكن أرجع وأقول بأنها ليست قاعدة فالكثير من

الفتيات يملكن مستوى مادي أقل ولكن بمنتهى الأدب والرقي وصاحبات أسلوب هادئ..


أعتذر على الأطالة..

في أمان الله





[/grade]

شكرا لج rhma على طرحج هذا الموضوع

كل الناس لهم نظريه خاصه .. أنا بصراحه مااهتم للبنت اذا كانت غنيه او متوسطه

صحيح اللى تقوليه أكثر الناس ينظر الى الأغنياء لان البعض يدل على انهن

عايشين في رفاهيه وترف وعز ودلال لكن مو جميع الناس

لان البعض مو الكل (( البعض )) تحاول انها تكون دائما كاشخه كاشخه لانها بنت عايله

والكل يعرفها ,, لكن مو كل وحده من عايله كبيرة تلاقين عندها كل الماركات والمكياج

والاغلى شيء هو على حسب شخصيتها ,, يمكن يكون عندها كل شيء لكن ماتعرف

تنسق ولا تعرف تختار أغلبيه المشاهير يهتمون بالمصممين والخبراء وبجذي ماتعرفين

ذوقها الاصلي يعني كل اللى تسويه من اختيار المصممين والخبراء مو من ذوقها

لكن الاهم هو الذوق يعني تستفسر تتعلم منهم أفضل من انها تاخذ على عماها ,,

فالمسأله من رأيي مسأله شخصيه البنت شلون صايره مهتمه بمظهرها وجمالها

وأسلوبها ولابقتها مو مجرد صورة للناس انا من عائله وجذي ,,

أعذريني على الإطاله :o

موضوع حلو

ان شاء الله لي عودة

أنا اتفق مع البنات اللي قالوا ان المادة مب كل شي

صحيح ان البيزات تساعد واااااااااااااااااااااااااااااااايد

ولكن بعد الذوق والاخلاق تأثر أكثر

وأنا ما تهمني البنت اذا كانت غنية وله فقيرة ما تهمني اذا كانت من العايلة الفلانية وله العلانية أم شي عندها اسلوب

الصراحة في ناس يجننوووووووون بس بالتعامل معاهم يطيحون من عينج وما تبين تتعاملين معاهم مرة ثانية وناس عادين بس يأسرونج بأسلوبهم وطيبتهم

مع احترامى لكثير من الاراء

احب اقولكم على السر الحقيقى..

هو ببساطة راحة البال والتفرغ لمثل هذه الامور من الاناقة والاهتمام بالبشرة وخلافه..

لانها عايش ببيت متروس خدم مالها الا تأشر ...ماوراها كرف وطبخ وغسيل..

توفر المادة يعطيها الدافع الاكبر لكل هذى الامور واولها الاشتراك بصالون لعمل تنظيفات شهرية

واما ناحية الملابس فصدقونى كل الملابس الماركات بسيطة وناعمة ..

الزركشة والعج واللج كله بالملابس التايونية والصينية علشان كذا يقول هذى ذوقها بلدى

لانها تلبس رخيص...

وكلامى من تجربة

الصراحه الاراء كله رائعه

:shy:

حبايبي موشرط

انا اعرف ناس عندهم ملاين بس والله لبسهم يلوع الكبد ولا بعد من قرابتي لالبس ولا شياكه

ليش مخزنينها لمن لا لهم ولالعيالهم00


[grade="FFA500 FFA500 FFA500 FFA500 FFA500"]وناس والله حالتهم الماديه تحت الصفر ويلبسون رخيص وشياكه [/grade]

انا اقول لكم الفلوس تسوي كلشي عندج فلوس وذوق وتحبين اسايرين الموضة اكيد بتستوين مثلهم
منو يقول مهب كل شي الفلوس بلعكس انا عندي اقدر انحف نفس وسوي جلسات نضارة ومساج للجسم والوجه والبس بعد اقل شي يبيلج للبدلة 3000 ان كانت ماركة وسط بعد لان التيشرت 2000 او شي اقل شوي او اكثر بعد ,لا والعباة الحين فوق الالف ,وحسبوها كم يبيلج في الطلعة والكشخة.