(( الجزء الثاني من ...... صورة + شرح + حوار = دروس تعليم الميك اب )))

مشكوووووووووووووووره حبيبتي
انا بعد اؤيد الطريقه الاول الصوره باشرح واللي عنده اسئله يسئل بعد الشرح
الطريقه الاول مره اسهل واحلىى


بس عندي طلب ثوب نشل:o
وش رايك تصورين لنا مكياجك

مطول الغيبات جاب الغنايم ...


ياهلا فيج ثوب مره ثانيه بينا ... وماشاء الله عليج مميزه بكل مواضيعج ..


دمتي بود ..

[frame="3 80"]بنات الاخت ثوب نشل ما راح تقصر

وقالت اسالوا وبعدين هي بتشرح عشان لما تشرح وتخلص محد

يرجع مره ثانيه ويسألها وتصير لخبطه ..

وياريت يا بنات الي بيكتب شي .. يكتب شي يتكلم عن الموضوع ذاته

يعني كفايه عليها البنت مسكينه بتتحمل الاسئله وبتشرح

وحبيبتي

*·~-.¸¸,.-~*ثوب نشل *·~-.¸¸,.-~*

مشكورة على هذا الموضوع المفيد ..

والشرح الي بيكون شامل وما تقصرين يالغاليه

والله يعطيج العافيه والقوة يا رب [/frame]

الله يعطيكم العافيه يا بنات ....... بس بصراحه اللي خلاني اتبع هذي الطريقه انه في المره السابقه حتى بعد الشرح كانت تجيني اسئله تتطلب مني اني اشرح كذا مره يعني نعيد ونزيد في الموضوع ..... لكب والله تستاهلون كل خير وبعد شوي باشرح الطريق بس خلني ارجع لسؤال الاخت ملاذ الحب

حبيبتي ملاذ هذا من لوريال وهو صحيح لمعته قويه الموجود في الصورة بس اللي على ذهبي مثل اللي عندي لمعته اخف ويمكن تكون الصورة اللي حاطتها الاخت مش نفس جلي من لوريال بس العلب تشبه بعض بالظبط بتلقينها عند لايف ستايل اذا ماخاب ظنب ب 15 او زياده شوي وانتي لما تحطينه بتحطين منه كميه بسيطه بطرف الفرشاه يعني ولا ممكن تبين لج لمعته اللي فيه ... بس جربي تحطينه على جسمج على مساحه واسعه تطلع لج فيه لمعه بسيطه حلوه ولما تنشف ماراح تطير ابدا الا اذا مسحتيها بماي ..... وهذا اللي يعجبني فيه انه ثابت وخفيف .....

يالله نبدأ بطريقه الشرح : ( طريقه الشدو باعتبار ان احنا شرحنا طريقه الاساس قبل هذي المره كثييييييييييييير )

[grade="00008B FF6347 008000 4B0082"]بس خلونا نحط الصورة علشان يكتمل الشرح [/grade]




* في البدايه وبعد تؤتيب الاساس والانتهاء منه نحدد الحواجب ونرتبها باللون البني الغامق واالرمادي الغامق
*نضع اللون التركوازي الفااااااااااااااااتح مش الغامق على الجف المتحرك كامل ويفضل بالماء وهذا اللون بالظبط موجود في مجموعه ايف سان لوران ( in love again ) القديم اذا تذكرونه وبتلقون الوان مشابهه له في ماركات ثانيه
*وبعدها مثل ماشرحت للاخت مثل القمر (بعدين الشدو تحطين على الجفن اللون التركواز الفاتح وبعدين بفرشاه 2sمن فور ايفر تبتدين من الزاويه الخارجيه باللون البنفسجي ترسمين على شكل دوائر صغيره وانتي تحركين الفرشاه بشكل دائري يعني ترسمين دائره وتشتتينها شوي وجنبها اصغر واصغر على شكل قوس مثل الصورة بعدين بلمسه ثانيه من اللون ترسمين خط خفيف بين الدوائر وبيطلع لج نفس الرسمه بالظبط))
*بعدها باللون الاصفر من ماك وبدوووووووووووووووون ماي ويفضل بالاصبع السبابه نضع على اطراف البنفسجي ونمسح الى الداخل ( على اطراف البنفسجي فقط )
* ثم بالفرشاه ناخذ اللون البيج ( النايلون من ماك ) ونضعه تحت الحاجب
* في حاله وجود الالوان واضحه وغير مدموجه ندجها بالاصبع بالمسح الخفيف عليها ..
* ثم نرسم خط اي لاينر خفيف على الرمش العلوي ونتجه الى نهايه الرمش مع التعريض الخفيف ثم يشتت بفرشاه ممسوحه باللون الكحلي على الخط لتشتتيته.
* ثم نرسم الخط السفلي من الاي لاينر على ان يكون مفتوح من الطرف الخارجي
* ثم بفرشاه 2s صديقتنا الوفيه ناخذ اللون الاصفر ونمسح على اطراف الاي لاينر السفلي نفس الصورة بالظبط
*ثم ناخذ قليلا من الكونسيلر بقطنه الاذن المبرومه ونمسح على الجزء المفتوح من الطرف الخارجي لتنظيفه ( بس مسحه خفييييييييفه )
*ثم بالنايلون نمسح على نفس المنطقه بفرشاه 2sمن فور ايفر..او ممكن يكون باللون الاصفر..
* واخيرا بجل التثبيت نمسح على اللون التركواز كاملا ثم بفرشاه اخرى نظيفه تماما ناخذ من الجليتر ونثر على مكان الجل وننتظر قليلا حتى ينشف الجل .. ويمكن التعرض لسشوار دافئ لثواني .... لا تضحكون لان هذي الطريقه بتوفر عليكم انكم تزيلون اللمعه المتناثره من على الشدو وفي نفس الوقت ينشف الجل .

وتحياتي لكم ...

حبيت اضيف معلومه للبنات اللي ماشافو موضوعي الثاني عن مثبت المكياج ...
وهو سائل من بن ناي تضعين منه قطرات في الماء المستخدم للاساس والشدو ويثبته لفتره طويله ..... وهذي المعلومه اعطيكم اياها بعد تجربه

تسلمممممممين ويعطيج العاااافيه

الله يعافيج ...... اشواق لا تنتهي .....

حبيبتي مثل القمر ...... الاخت اشواق لا تنتهي ..... مشرفتنا النشيطه حطت الصورة اللي تبينه واشرحت عليها شرح حلو ومبسط في موضوع ظلال منوعه لسنه 2005 .....على ما اعتقد او عنوان قريب منه ..... لذلك حبينا من باب التغيير اني انزل صورة ثانيه ..... واسمحيلي حبيبتي ......

ما دام الاسئله خلصت عن موضوع الصورة الاولى ....... ايش رايكم نستقبل الصورة الثانيه ..... بس بصراحه لاحظت عدم تفاعلكم معاي بعد ما حطيت الشرح والتفاعل كان تمام التمام يوم حطيت الصوره وبدينا نستقبل الاسئله ........

فخلوني ابحث لكم عن صورة واضحه وحلوه علشان نبدأ الشغل عليييييييييييييييييييييييييييييييييييييييها ... اتفقنا

[grade="FFFFFF FF1493 808080 000000"]ايش رايكم هالمره نغير عن الالوان الصارخه ...... خلونا نجرب النعووووووووووووومه ..... وتفضلوا ....[/grade]




نبدأ باستقبال الاسئله ...... لا تقولون لي اشرحي ....... لاني اذا شرحت راح يقل معاه تفاعلكم معاي ......

ياليت من الاخوات اللي تعرف تكبر الصورة تكبرها لنا شوي علشان تكون وااااااااضحه اكثر

ثوب نشل

عجبتني الصوره وايد وانا دايماً احط هالستايل :)


بس سؤالي الروج الرودي الفاتح اي درجه تناسب معاه من المحدد

انا خذت محداات وايد بس لما اخذ نفس اللون يطلع شكلي كأني مريضه ولما اخذ درجه اغمج يطلع شكل الروج مب حلوو :(

امس شريت المحدد الوردي الفاتج من البودي شوب بس لين الحين ماجربته :)

ثوب نشل:
ياليت من الاخوات اللي تعرف تكبر الصورة تكبرها لنا شوي علشان تكون وااااااااضحه اكثر

ثوب نشل اشرايج بحجم الصوره حاليا

اذا حابه اغيرها بعد قولي ؟

اختك مهاري

هلا والله ويعطيج العافيه
الصور ه واااايد حلوه والحلو الي فيه ان العين مكحله بالوان داكنه وبعد الطريقه خفيفه وناااعمه
عاد اتصدقين انا ولا مره حطيت جذي دايما يااااثقيل او خفيف حده وااايد متحمسه للشرح بانتظااارج

كوكو شانيل .... شوفي احلى الوان المحدد مع الروج الفاتح هي اللي يجيج وردي على رمادي ما ادري ان شاء فهمتي اللي قلته ..... انتي ركزي في هذي الصورة واي صورة فيها روج وردي او لحمي بتلقينهم حاطين هذي الدرجه ....

مهاري شكرا حبيبتي على تكبير الصورة

اشواق لا تنتهي ...... النتيجه يمكن ما تبين معاج من اول مره وتستغربين من شكلج ... بس لما تحطين هذا الميك اب كملي المكياج كاااااااامل وبعدين شوفي نفسج ..... بتطلعين احلى وحده في الدنيا ........

حبيت اقولكم شي بسيط او ملاحظه بسيطه على الصورة .....

اولا العدسات ماعطه الميك اب صورة خياليه .... يعني بدون العدسات الرماديه ماراح يطلع بهالصورة ..... والصراحه بالعدسات احلى ..... حتى لو ظبطتيه وحطيتيه احلى من الصورة ..... لان العدسات تعطيج اضاءه داخل العين وتلفت الانتباه الى العين فقط..

ثانيا ..... اللي يشوف الصورة يحس انها مستخدمه لونين ..... لا هو اربعد الوان ..... الاسود الفاحم .....الرمادي ......الوردي الصدفي .....الؤلؤي....

ثوب نشل:
كوكو شانيل .... شوفي احلى الوان المحدد مع الروج الفاتح هي اللي يجيج وردي على رمادي ما ادري ان شاء فهمتي اللي قلته ..... انتي ركزي في هذي الصورة واي صورة فيها روج وردي او لحمي بتلقينهم حاطين هذي الدرجه ....

فهمت قصدج ولاحظت بعد نجوى كرم تحط نفس المحدد

اللي قلتي عنه اللي يجي شوي ع رمادي

انزين تنصحيني بأي ماركه والرقم :)