كيف اعدل مواعيد نوم الطفل

اختي الفاضلة قلوووووب :

اتمنى ان تستفيدي من نصيحتي التالية :


حاولي ان توقضيها في الصباح الباكر ولا تدعيها للنوم في وقت الظهيرة

وفي الليل حاولي ان تشربيها حليبا وبعض الشوكولاتة فهي مهدئة ومرخية للاعصاب

وأقرأي عليها بعضا ً من القران قبل النوم ..

ودمتم بخير

[grade="FF4500 4B0082 0000FF 000000 F4A460"]عزيزتي ما قلتي كم عمر بنتك[/grade]

بنتي توها 3 اشهر حتى بعدها ما كملت 3 شهور تاريخ 11/ 6 بتكمل 3 شهور

يعني الشوكولاته واي شي ثاني ما ينفع معها

وانا دائما اقرأ عليها المعوذات واية الكرسي والادعية


بس تاعبتني بسالفة السهر خاصة انه عندي دوام وما تنام قبل الساعة الواحدة

وحتى لو نامت لازم بعد ربع ساعة تقوم ما اعرف شو اسوي عطوني حل

هذا شي طبيعي عند كل الأطفال :) ،،
وقت النوم كل شوي يصحوا يرضعوا ،،
الله يعينك ،،

تعري انا اخاف انها تستمر على هالمواعيد على طول يعني تتعود على النوم المتاخر مومشكلة تصحى من النوم على فترات

المشكلة انها ما تنام بدري يعني حاولت اكثر من مرة انيمها عند الساعة 10 او 11 بالكثير بدون فايدة خلاص تعودت عند الساعة الواحده تنام

لكن انها تصحى على فترات فهذه ما تشكل اي مشكلة كثر المشكلة النوم المتأخر

السلام عليكم ورحمة الله وبركاته

بنتي يا قلوووووب ما تنام قبل الفجر...

حاولت بكل الطرق..ما في فايدة...

رحت للدكتور قال لي...قبل النوم حمّيها حمام دافي...رضعيها كويّس...مع ملعقة ماء غريب...ثم خلّيها تتجشأ...و ضعيها في سريرها و ضوء خافت...و قلّلي الضوضاء و الحركة...راح تنام علطول...

جرّبت الطريقة...فعلا نامت في الأول...لكن ترجع تصحى بعد ساعة بس !!


كنت عايزة اسألك....وين تركتي بنتك و إنتي في الدوام يا قلووووووب...و كيف ترضعيها طبيعي ؟؟؟؟

اختي وانا في الدوام خليتها عند امي وخواتي اي وحدة من خواتي ما يكون عندها دوام الصبح تقعد معها والوالدة طبعا معها

وبالنسبة للرضاعة طبعا طبيعية ابدا ما فكرت وان شاء الله ما بفكر اعطيها صناعي ابدا

يعني ارضعها قبل ما اروح المدرسة وارجع لها بحدود الساعة 10 اقعد معها ساعة واروح عنها بعد ما انيمها وبعدين طبعا ارد الساعة 2


انا حاولت اشفط لها حليب مني علشان امي تعطيها لو صحت وبكت وانا بعدي مارديت لها

لكن بنتي رافضة تاخذ اي شي بالرضاعة ابدا ماتاخذ غير من صدري فقط فهاشي متعب شوي لان بتقلل عدد رضعاتها

لان زميلاتي يشفطن لعيالهم الحليب علشان يعطونهم بغيابهم وبعدين يروحوا لهم بوقت متاخر شوي يعني تكون مناسبة لكن عندي مانفع الشفط

ومع ذلك المدرسة متعاونة معي بنتي لما تصيح وخلاص ما يقدروا عليها في البيت الى موعد وصولي يتصلوا لي في المدرسة واروح لها على طول حتى لو مرتني عادي

السلام عليكم ورحمة الله وبركاته

مشكلتي زي مشكلتك يا قلوووووب...بنتي ما تقبل الرضعة...

بس أنا دوامي لحد الساعة 5 العصر...مش عارفة كيف راح أضبط أموري...

الله يخلّي لك بنتك و يطرح فيها البركة إن شاء الله :)

انا مريت بنفس المشكلة والسبب انه ينام الطفل طول النهار وبكذا بيكون صاحي لوقت متاخر من الليل اوبيكون فية سبب ثاني يمكن يكون عندها مغص او جوعانه ابني كان بنفس الحالة لمن قلت للطبيب كتبلي على نوع حليب يقول اعطية له عند النوم وبكذا ينام لكن في عمر بنتك شي طبيعي تسهرك والله يعينك

[grade="00008B FF6347 008000 4B0082"][مرحبا عزيزتي بنتك بعدها صغيره 3

شهور الطفل ما يكون عنده نظام النوم بس أقولك في اللليل سبحيها ورضعيها وشبعيها زين لين ما


تنام على صدرك وأنت أقرأي عليها القرأن وحصنيها ويوم بتقرأين القرآن بصوت مسموع بنتام وفي

الصباح يوم أنت بتقومين من النوم وهي نائمه وقظيها معك وعطيها الثمر المذاب في الماء كل

مساءا أو صباحا وشربيها شاي شمار وايد زين للأطفال يهديهم شربيها في الليل بتنام [/grade][/align

زين اختي مرموم ما تقدري تطلعي من الدوام ترضعيها وترجعي هي فترة بسيطة بعدين لما تكبر ما بتحتاج لرضعات كثير

يعني رضيعها قبل ما تروحي الدوام يعني الساعة 7 بعدين نيميها ورويح الدوام وعلى الساعة 10 ارجعي لها ونيميها وخليها بجو هاديء والساعة 2 ارجعي لها

وبعدين من تطلعي من الدوام يعني اطلعي مرتين وكل مرة لمدة ساعة او ساعة الاربع

المهم تنام قبل ما تطلع وقمطيها لانها بدون قماط ممكن تصيح انا جربت هالشي لما ارضعها واكون مستعجله

اخلي امي تقمطها وتنيمها على راحتها تنام لكن بدون قماط ما تنام زين كل شوي تتحرك وتقوم

تعاوني اني ومن في الدوام لمن تكبر شوي وخذي اجازتكالسنوية على الاقل هالفترة

اختي غيثة اشكرك على المشاركة والله يعينا

السلام عليكم ورحمة الله وبركاته

بحاول و الله يا قلوووووب...الله يسهّل يا رب و يوافقوا إن شاء الله...

ما بقدر آخذ إجازة لأني أصلا واخذة إجازة 3 شهور من غير راتب...يعني لو طلبت منهم إجازة راح يذبحوني أكيد

بارك الله فيكي

:)

هلا اختي سويلها شاي اليانسون مخلوط مع شوية كمون وشمر وايد مفيد ابصراحه ولدي كان ينام في ها العمر يوم اشربه وحطيله فيه قطعتين سكر نبات