مشكلتي مع اهل زوجي!!!

عورتي قلبي عليج

بس صدقيني أكيد أنها قالت كلام غلط علييييييج

لأن تأثير الكلام أشد من السحر والعياذ بالله

وكوني عزيزة نفس وأتوقع أنج ذليتي روحج بما فيه الكفاية

ودخلي عليهم غريبة وطلعي غريبة

عل وعسى يحسون بقيمتج

ولا تبينين زعلج جدام الناس لأن هذا بمثابة إنتصار حق سلفتج (( مرت حماج ))

وتحياتي لج

مشكورين اخواتي على الردود الا اتبرد القلب
وصراحه انا حطيت مشكلتي بعد ما عميت عيني من الدموع والتفكير
وادري انه مشكلتي مالها حل بس ابي من ياخد بخاطري ويقول ليي انتي سويتي الا عليج والباقي على الله سبحانه وتعالى
وكل الا اقوله حسبي الله ونعم الوكيل
ولابد يجي يوم وتظهر الحقيقه ويبين شنو الكلام الا واصلنهم والله ياخذ الحق

انا مع الاخوات شوفي الاسباب وكثري الدعوة وحاولي ماتكثرين الشكوى لزوجك لان اكيد الموضوع مضايقه


الله يوفقك ويسهل عليك

السلام عليكم ورحمة الله وبركاته

شوفي أختي أم حوراء...

طالما الموضوع وصل لهذا الحد...خلاص خلّيكي على كلام زوجك...و ما تروحي ثاني...

بس اسمعي...هم عايزين يغلطوكي بأي وسيلة...لذلك ما تتركي لهم المجال...

يعني في المناسبات طلّي عليهم...في العيد عيدي عليهم...كل ذلك بنيّة صلة الرحم...اقعدي و ما تتكلّمي...بس قومي بالواجب...

علشان ما ييجي يوم و يقولوا و الله أم حوراء عملت و سوّت...

الله يسامحهم بس..أهم شيء رضا زوجك عنّك...

مشكورة اخت مرموم على المشاركه

واشكر جميع من قام بالرد على موضوعي متمنيه من الخالق ان يمن عليكم السعاده والصحه:)




حتى بالاعياد ازورهم وابي القلوب تصفى والمياه تعود لمجاريها لكن دون جدوى

لست مع زوجك في قراره أن الأولاد ما يروحون إلا مع أمهم

بالعكس حبيبتي .. سبحيهم ولبسيهم أحلى لبس وعطريهم وقوليله خذهم معاك

هذا اللي قاعد يسويه بخصوص الأولاد اسمه قطيعة رحم وراح يتحاسب عليها

شيء طبيعي يكرهون جدهم وجدتهم وعمامهم وعماتهم وكل اللي من صوبهم

لا يا عزيزتي .. ما تدرين يمكن روحتهم هي اللي تكسر هذه الحواجز

وإياك ثم إياك أن توصين العيال بإنهم يلاحظون فلانة وعلانة ويجون يقولون لك

بالعكس يكونوا حبوبين ويدخلون على جدتهم وجدهم والجميع يحبون راسهم ويقعدون معاهم حلوين وطيوبين ولا كإن بينكم حاجة

وإذا رجعوا ما تسأليهم ولا شيء .. لا شو سووا ولا شو عملوا .. إلا بس إذا كانوا مؤدبين ولا لا وكلمات تشجيعية

وإذا هم من نفسهم جاوا وقالوا يما فلانة سوت وعلانة عملت قوليلهم عيب وحرام اللي تسوونه هذا نقل كلام وغيبة وما أبيكم تكونوا هيك .. وسكتيهم

ترى والله أقولها وعن تجربة لو انكسرت العلاقة اللي بينهم وبين أهل أبوهم ألحين ولا يمكن ترجع مثل الأول إلا بيمثلون عليهم الحب والاحترام لكن بيسقطونهم من حساباتهم في المستقبل وما بيلجأون لهم في أي مشكلة أو اي شيء يواجههم لو تطلب الأمر

وراح يحسوا بفجوة كبييييييييييييرة بينهم وغربة شديييييييدة .. صدقيني

معلش سامحيني طولت بس صدقيني لقدام بيتغير الوضع للأحسن لما يشوفوا عيالك متربيين بهذا الشكل وإن وراهم أم هم الخسرانين إنهم خلوها تبعد عنهم وراح يحاولون بشتى الطرق أن ترجع العلاقات بينكم أحسن من الأول

استعيني بالله واصبري وربنا بيعينك وبيوفقك

ترى المسألة مش بسيطة وعلاجها مش بيوم ولا يومين .. اصبري حتى لو سنين وسوف تتكسر كل هذه الأمور عندما يكتشفون اصالتك وأخلاقك من تصرفات عيالك

ربنا يوفقك للخير ويبعد عنك الشر وما تنسي الرقية الشرعية والأذكار وسورة البقرة

تحطم الصخور الصماء مع اليقين بالله

طمنينا يا عسل عنك

مشكورة اختي على النصائح المفيده
لكن اعيالي اصغار اكبر وحده ثلاث سنوات ما عندهم صفة نقل الكلام
حاولت اني اخلي زوجي يوديهم بس زوجي الا ما يرضى
دائما يقول الا ما يبيك لا تباه:(

اللي ما يبيك ما تباه .. هذي تنقال في الصحوبية في الأغراب

ما تنقال في الأهل .. وخاصة لما يكون الموضوع موضوع قطيعة رحم عن جد كبيرة عند الله والمتسبب فيها زوجك

حاولي وصدقيني ربنا بيعينك .. أكيد راح يقتنع يوم من الأيام

وربنا يحل أزمتك وتنفك هالعقدة بسبب سعيك للخير وصلة الرحم

أتمنى لك التوفيق عزيزتي

ما اقول الا سبحان الله

نفس مشكلتي بالضبط بالضبط....


انا علاقتي مع اهل زوجي كانت مثل السمن على العسل, مع اخت زوجي و بنات حمواني و حريمهم .. لكن سبحان الله من تزوج حماي هالمرة والعالم كله مقاطعتني و صدقوني اي شي ادور على سبب انا و زوجي ما عرفنا . اخت زوجي دايما تتجاهلني ولما اقعد معاها ما تكلمني ولا كلمه حتى بعض حريم حمواني وبناتهم صاروا مثلها .
لما احاول اقعد معاهم يصدوني او يتجاهلوني , لا و يحاولون يفشلوني بعد مع اني اصغر حريم اخوانهم و عمري بحياتي ما ضايقت احد فيهم و احسب الف حساب للكلمة قيل ما اقول والله يشهد عمري ما قصرت مع اخت زوجي بشي , لاني وايد على نياتي و ما احب احد يزعل مني .
تخيلوا هذا المنظر .. كنا الحريم قاعدين في مجلس وانا قاعده بينهم , الله وكيلكم ولا حرف معاي وكلهم لازقين في زوجه حماي و يسولفون معاها واذا حاولت اسولف يصدوني جدامها حتى اهي تشوف...

كلمت وحده من حريم حمواني وهي الحمدلله ما تغيرت علي و خوش مرة , استغربت من تصرفاتهم و قالت يمكن يتصرفون معاك بدافع الغيرة بس هذا مو مبرر ...

تتوقعون يا بنات ان زوجة حماي متكلمه عني بسوء او ملفقه علي كلام ؟؟؟ ساعدوني

السلام عليكم
والله كاسره خاطرى«®°·.¸.•°°·.¸¸.•°°·.¸.•°®» ليش معوره قلبج جذى «®°·.¸.•°°·.¸¸.•°°·.¸.•°®»
طنشيهم زين واللى ما يحبج لا تحبينه ترى فى بعض الناس اذا زفيتيهم بيتسنعون
انا اكلمج من واقع تجربة والله العظيم صارلى اربع سنوات مخلية العلاقة رسمية والنتيجة
انهم يحترمونى ويقدرون جيتى اللى بالسنة حسنة
وانا قبل جذيه مقاطعتهم ثلاث ×°سنوات وما اعرف هوا دارهم×
سمعيى نصيحتى
واثقلى وانسى
بعد مدة بيجونج لا تحاتين
ترى هم يعرفون اطباعج عدل ويدرون انهم ملوعينج وحارينج عيل سوى اللى قتلج عليه وبتشوفين

اهتمى ببيتج وزوجك وخليهم ورا ظهرج
نصيحة عروبه