ممكن تساعدوني طفشانه من زوجي

مرحبا يا ختيه ....................أم م م م بصراحه مشكلتج شويه غريبه لأنه بصراحه ما أظن أنه ممكن أمل شخص أحبه وهو يمثل كل شيء في حياتي بس أظن انتي تملين الروتين ألي أنتي عايشه فيه ليش ما تحاولين تغيرين حياتج مثلا تحاولين تغيرين ترتيب الأثاث في البيت تهتمين في نفسج أشوي تحاولين تقرين كتب أو ..........................شو رايج تغيرون جو يعني أتسافرون الى أي مكان لكم يوم بس أنا أشواف أنه تغير المكان يفيد بدرجه ما تتصورينها......................

[grade="00008B FF6347 008000 4B0082"]السلام عليكم
حبيبتي ...........معاناتك نفس معاناتي بالضبط بس انا لي سنه و11شهر متزوجه و تعبااااااااااااااااااااااااااااانه وزوجي من النوع اللي يسكت حتى اذا طلعنا ...ودائما لاهي بالبلوتوث ......وااحس الدنيا عنده فري على قولته وغير جدي بالحياة لكن .......انا بصراحه فكرت انفصل لاني اكتشفت امووور غير سويه ...الله يستر عليه والحمدلله ما عندي أطفال ....ياقلبي عليكي ياجوري بس ما قلتيلي عندك اطفال ولا لأ وان شاءالله البنات العرايس راح يساعدونك وأنا راح أدعيلك ياقلبي عليكي والله صعب الوحده لما تضيق من زوجها آآآآآآآآآآآآآآه بس الله يوفقك يا جوري .
أختكم
لمو[/grade]

السلام عليكم و رحمة الله و بركاته

شوفوا أخواتي...

الحلاة هذه تصير كثير...و طبيعية جدا...

مهما كان الواحد يملّ أكيد...إنتي و الزوج...تملّوا من الروتين القاتل..

و الحمد لله الحلول سهلة...تعتمد على فكرة التغيير و الإحساس بإفتقاد الزوج...

يعني مثلا ممكن تسافروا بعيد عن بعض لمدة 4 أيام...تروحي عند أهلك مثلا..أو أي شيء...
و لو ما قدرتوا..تغيروا المكان اللي إنتوا فيه...تروحوا في شاليه على البحر كام من يوم..تروحوا بلد ثاني حتى...

و لازم طبعا التغيير يكون مش بس في المناظر...بالعكس تغيير داخلي...و نظرة مختلفة للمستقبل...

جربوا كل يوم جمعة تقرأوا مع بعض سورة الكهف...مفعولها روعة و الله...

أو تقعدوا مع بعض تسبحوا و تستغفروا 100 مرة بصوت عالي...مفعولها زي السحر...

الله يهديكم لأزواجكم إن شاء الله

هلا اختي
انا اقول حاولي تغيري من روتين حياتكم
يعني طلعات وشغلات وغيري من نفسج خلي نفسج عروس كل يوم
غيري من ديكور البيت والعفش
حاولي تغيريينه يعني لو اهو شغل البلوتوث شغلي انتي بعد علشان يحس ويغار عليكي انا كذا اسوي مع خطيبي خخخخخ
والله يهني الجميع ان شاء الله:)

اقري وايد كتب او مواضيع حلوة ثقافيه من الانترنت او غيرها

طالعي التلفزيون ومن هالاشياء اخذي مواضيع تسولفين عنها مع ريلج

واذا هو يحب البلوتوث ويهتم فيه تعلمي عنه وسولفي معاه عن البلوتوث

او ممكن تطرشين حقه ثيمات حلوة على الموبايل

وتغيرين جو البيت من اثاث وترتيب وايضااا تزيدين اضاءات حلوة او شموع
وتلعبين معاه العاب ممكن تلقين وووايد مواضيع عن الالعاب في الانترنت

وايضااا تروحين بيت اهلج كم يوم علشان الشوق يزيد

امممممممم هاذي الاشياء اللي في بالي

مشكووووووووووورين حبيباتي على ارائكم

لب لفؤاد

اعتقد كلامك صحيح انا ميته ابي اسافر خصوصا اني صارت لي ضغوط كبيرة

هالفترة وما صار لي اي تنفيس نفس الروتين مايتغير بس هو توه راجع من السفر ومغير جو

ولا يحتاج لسفره الحين شفتي القهرررررررررر

ومشكورة حياتي على المشاركة



لمى

ياعمري انتي والله انا عندي طفلين والله يستر علي من الانفصال لان بصراحه احس

ان حياتي بعد الانفصال بتتدهور اكثر واولادي بعد ما لهم ذنب

الله يوفقك ويهدي زوجك ويسعدكم سوا

وفكري واستخيري قبل هالقرار

ومشكورة ياقلبي


مرموم

مشكورة حبيبتي

بس بصراحه لما اسافر مع اهلي اتضايق ابغى زوجي يكون معاي ما ابغى اكون

عاله على احد حتى اهلي هو المفروض يكون مسؤل عني وعن عياله

أحمدو ربكم عندكم ريايل

ناس مو حاصل لها

وأنا مخطوبة صار لي سنه وخمس شهور وأحس أحيانا أني ملييييييييييت

بس أمل إذا كان يجيني كل ليلة اول ليلة أوكيه

بس اللي بعدها

عشان كذا حاسة بمعاناتكم

مصرقعه

مشكورة حياتي على التفاعل بس ابغى اقولك ان البلوتوث الي يستخدمه

هو حقي هو ماعنده شفتي سعه الوجه


نووسه

حاولت بس مافيه فايدة بعدين شلون اسوي له جو وانا نسي مالي خلق

على العموم مشكورة حبيبتي

مرايم السعوديه

والله انك ما تدرين انتي مخطوبه ترا هذي الفترة احلى فترة بالعمر

مو زينا بعدين خطيبك يكون طافر فيك مو احنا الله يخلف علينا

هلا باختي الحلوه جوري

عزيزتي فيه ناس مرات يملو حتى من اولادهم الي ما في اعز منهم مو عاد الزوج , وهذا شي جدا جدا طبيعي , طبيعة الحياة والروتين القاتل ونفس المسؤوليات والاعمال البيتيه وتربية الاطفال كل هذي الامور تخلي الوحده تتعب جسديا وعقليا والزوجه وين تفرغ هذي المتاعب ؟ اكيد على راس زوجها يا اما تتعارك معه كل ساعه او تحس انها تكره زوجها او تقعد تدورلها على ابسط العيوب في زوجها ,,,,
وافضل حل لكل هذي الامور اخذ اجازه لمدة كم يوم , مثلا روحي انتي و اولادك عند اهلك منه تستريحين من متاعب البيت ومنه تفارقين زوجك وتحسين بالاشتياق له ولبيتك
صدقيني مهما كانو الاهل يحبونا ويحبون راحتنا من نزورهم بس مستحيل الوحده منا ترتاح غير في بيتها ومملكتها الخاصه فيها ,
الله يوفقك يا رب ويهدي سرك ويوفق كل البنات

مشكورة حبيبتي ناردين على المشاركة

بقل لك شي
لاتفكرين فيه
انسيه
لوهو صامت اصمتي اكثر منه
طنشيه
هذولا مايجون الا هيك

واشغلي نفسك
صاحبات
عمل ما
دراسة ما
لكن لا تخضعي له

ليييييش ماتصارحينه بهالشي


وانتي تقوليييين انه طيب ويحاول يبسطك


يعني اكييييد اذا قلتيله عن هالملل اللي حاسه فيه وانه هو السبب


اكيد بيحا ا ا ا اول يتغير ر ر ر ر

المسالمه مو صارحته كفخته

بس مو راضي يقتنع يحاول يسعدني بس بطريقته هو

وما تعجبني طريقته

لا ةالحين بادي بالايحاء بيحاول يقنعني اني مبسوطه وان اناالي جايبه النكد لنفسي

ما بقى الايقول اني مجنونه

عزيزتي .. مشكلتك لا غريبة ولا شي

مشكلتك هي مشكلة الكثيييييييير من البيوت

الروتين .. وقد يصبح قاتلا أحيانا ..

لكن بالاستعانة بالله والاستعاذة من ابليس ستتجدد الحياة

عليك عزيزتي بالأذكار .. الصباح والمساء .. وما بعد الصلاة

حاولي تقرأي ورد يومي قبل النوم يريح الأعصاب

ادعي الله يخلصك مما تشعرين من ضيقة وهم وغم ورددي لا إله إلا أنت سبحانك إني كنت من الظالمين

ثم لكسر الروتين إذا تقدرين تقلبين البيت وتخلينه بيت مختلف .. هذه فكرة جميلة جدا

غيري أماكن الأثاث ولو تقدرين تغيرين أماكن الغرف .. يكون أفضل وخصوصا غرفة نومك والجلوس اللي تقضون فيها معظم وقتكم

تقولين يسولف وسوالفه مب حلوة ليش ما تسولفين إنتي بمواضيع حلوة وتونس وحاولي تشاركينه بالكلام .. بكلمة وش رايك

حاولوا تغيروا جو .. سفرة حلوة .. أو عمرة .. وإذا السفر صعب رتبي يوم في فندق وحطي عيالك عند أهلك وخليه يوم مميز تتجدد منه النفسية

جيبيله هدية من غير مناسبة

الواحد ليش دائما ينظر للآخرين .. ليش ما ننظر بانفسنا .. يمكن تكون المشكلة من داخلنا

شوفي هل تغيرت تصرفاتك معه .. هل تضايقينه بالكلام فقام يسوي هيك؟؟

حاولي أن تبدأي بتغيير النفس .. كوني متجددة لتتجدد كل الأشياء من حولك

أتمنى لك التوفيق .. وتذكري أن المؤمن أشد ابتلاء .. والحمد لله أن كل شيء لك فيه أجر وهي كفارات ذنوب بإذنه تعالى

شغلي في البيت قرآن حتى تتنزل عليكم الرحمات .. وينطرد الشيطان الذي يريد أن يزرع فيكم الضيق والهم والنكد

حاولي واصبري والله المستعان

وطمنينا عنك عزيزتي

نصيحتي لك نقشيه بهدوء وترا أغلب الرجال فيهم ها الصفه وأنا وحده من إلي عانوا من صمت زوجها حتى في السفر والنزهات
أو أي مكان ولما أقول ليش ساكت يقول تكلمي وانا أسمعك والحين لي 12 سنه متزوجه بدأيتغير ..و صدقيني زوجك بعدشوي شوي بيرجع يتغير
لكن انت لازم ماتخلينه يجلس لوحده كثير وأفتحي مواضيع يضطر يرد عليك فيها
والإنفصال مو حل هذا الدمار بعينه لك ولأولادك ودايما نصبر على امور كثيرة عشان أولادنا

ربنا يوفقك

السلام عليكم ورحمة الله و بركاته

أختي الغالية

أصارحك: أشعر بالغثيان و ليست لدي الرغبة أبدا في الكتابة>> يالله يالله أقرا بس......
موضوعج هذا لفت انتباهي و حسيت إنه من واجبي أرد لو قادرة أغير شي..


عزيزتي

مثل ما قالو خواتي قبلي

- الملل روتين بالحياة الزوجية
و كسر هذا الروتين يتطلب فعلا سياسة نسائية بحتة
فالملاحظ أن هذه الشكوى غالبا نسائية!!

عزيزتي

- تذكري أن الرجل تعود على بيئة كلها رجال وتعلمين
كم تختلف طباع الرجال عن النساء من خشونة و عدم حساسية مفرطة

فتقبلي مثلا إن أغضبك زوجك بموقف ما .. أن يأتيك بعد أن رأى على وجهك العبوس
و يسألك :" ما بك عزيزتي, هل أنت تعبانة؟!">> بكل برود دون ما يفكر شو سوا قبل شوي

بس مسكين قصده خير >> جاي يرضي!

- و فكري دايما أن هالعيشة جديدة عليه و لا تعتبرين كم سنة وايد
فصعب أنه يغير طباعه من تعامل مع رجال بكل عفوية إلى التعامل مع المرأة بكل حنان
و خاصة إذا وريتيه أن هالشي صعب .. يعني إذا زدت حساسيتج أو زعلج فالرجل هني رح يحس أن موضوع التأقلم صعب
أو مستحيل

حاولي تتغاضين عن بعض الأمور
و افهمي قصده
و لا تشوفين تصرفه بمنظور سطحي أو من ناحيتج بس و تفكرين أنج امرأة و لازم يعاملج كذا و كذا
- على العكس عامليه كطفل .. فالرجل طفل كبير..
يمل من اللعبة إذا دايما بيده متوافرة .. و يحبها إذا مو بمتناول يده..

فحاولي انج تبحثين عن شي يشغلج عنه
دراسة, منتديات و مواضيع نسائية و ردود أو أشغال يدوية أو أو...

لا تشغلين نفسج فعلا عنه و لكن تظاهري
حتى يوله عليج

- يمكن الوحدة منا تحب أن زوجها ما يتمنى شي إلا و يلاقيه قبل لا ينطق>> حلو لكن ..
خففي و لا تبالغين.. لأن الزوج هنا ما رح يحس بنقص..
حسسيه بالنقص و قبل ما ينطق به أو يعلن عن وجود نقص..تداركي الموضوع و افرشي دربه بالورود! يعتي دلعيه زيادة..

- لا تفكرين أبدا انج تقارنين تصرفات زوجج بتصرفات أزواج الآخرين ..فأنت لست معهم و لا تعلمين ما يحدث بينهم سوى المديح الذي تسمعين..!
فكوني مثلهن و امدحي تصرفات زوجك الحسنة دائما .. و تذكري : صفات رجل لرجل تختلف
- وإذا حابة تقارنين,, قارنيه بالأزواج من القصص الكثيرة اللي نسمعها هالأيام,, شرب و سهر لآخر الليل و هجر و عدم نفقة و و و .." اللهم عافنا" و رح تشعرين بقيمة زوجج..

- أبدا عزيزتي أبدا لا تشكين زوجج لأحد..خاصة من معارفج.. لأن الشكوى يا عزيزتي تركز الاحساس
و إذا بتتكلمين عنه , دايما ابحثي عن الوجه الجميل فيه و اذكريه فهذا بالتالي رح يأثر عليج بشكل غير مباشر و على نظرتج لزوجج.
و إذا بالمنتدى.. ما عليه و لكن ليس بالكثير .. فرح يتركز هالشعور بداخلج..

- حدثي نفسك دائما و لوميها على سوء ظنج بزوجج, و قولي لنفسج" هو يحبني بس ما يعرف يعبر عن حبه بطريقة رومانسية,, و إن كان ما يحبني أو مو رومانسي فعلا الأقل هو يحاول أنه يكون زوج بكل معنى الكلمة ..غير مقصر"

- شوفي شو المواضيع اللي يحبها و حاولي أنج تتعمقين فيها و في فهمها, يعني حبي البلوتوث و ابحثي عن الجديد دوما لتريه إياها..
و لو كان يحب الكرة فحاولي مثلا إنج ما تقللين من قيمة الكرة .. بالعكس قولي له أنج حابة تتعلمين شو المقصود بكذا و كذا في الكرة.. ثم أظهري الاندهاش بعدم علمك سابقا و فرحتك بما علمتيه منه.. كما تعاملين الطفل..

- الرجل كالطفل لا يعني أن المرأة ليست كذلك .. فهي أكثر من الرجل بحثا عن الحنان و السياسة..
يعني عادي تصارحين زوجك و تقولين له سايسني! أنا امرأة ويجب أن تسايسني !!
يعني إذا كنتوا طالعين مطعم و قالج قبلها ..نحن رايحين المطعم الفلاني اليوم و بعدين السينما و وجهه عادي بدون أي تعبير.. (مسكين يحاول يقوم بدوره كزوج)
قولي له "حبيبي إذا كنت مخليها مفاجأة و قايل لي بنطلع طلعة اليوم .. ما رح أقول لج وينزز و بعد ما نخلص المطعم كنت قايل لي ما خلصنا بوديج مكان ثاني ..يعني لو كنت مخليها مفاجأة , كنت بستانس أكثر, مع أني صدق مستانسة من هالطلعة ...ياااااااااي"

- و إذا مو حابة تصارحينه أو تستحين تقدرين تتكلمين معاه عن موقف زوج صديقتج مع صديقتج و شلون صديقتج استانست من ذاك الموقف وو و و ..>> حتى لو كان موقف مخترع بس لا تزودينها! بعدين تنكشفين!! حتى تخلينه يفكر من هالناحية و خاصة أن زوجج من النوع اللي مسكين يحاول يرضيج بس طبعه يغلب على اسلوبه ..

و أنا أستخدم الاسلوبين السابقين مع زوجي.. و فعلا ما شاالله جايب نتيجة.. مع ان زوجي يصارحني أنه لما يكون رومانسي يتعب!! لكن يحاول ,و أنا يوصلني المراد و ما أقدر أغير ما بالنفوس فأحاول أغير السلوك..

- كوني متسامحة عزيزتي و لا تطفشين الرجال و لا تطالبينه بالكثير من المشاعر ..

و أخيرا آسفة على الاطالة آسفة جدا و لكن فعلا حبا من أخت لأختها و خوفا عليها ..
و اعذري طريقة كتابتي مكس ما بين الفصحى و العامي فالموضوح يسحبني مرة يمين و مرة شمال.. وهقني!!
و اعذري بجاحتي إن بان منها شي هنا..

الله يوفقج و يسعدج
و موضوعج هذا بالمنتدى فعلا يبين خوفج على حياتج و اهتمامج بها

وفقك الله وسدد خطاك..

تحياتي
أختك

مآقي

حبيبتي

البنات كفو ووفو ومثل ماقالو حاولي تتقربين منه تشاركينه باموره حتى لو كانت ممله بالنسبه لك

مشكلة الصمت انا اكرها وعاذرتك

انا لي وحده بالجامعه كذا سكوت في سكوت ومطفشتني والله وبالله استقعدت لها لين نطقت وحتى زياده على كذا متردده بقراراتها حتى اتفه القرارات لحد ماخليتها شوي تاخذ وتعطي والحين مااااااااااااشيه

اصبري وحاولي صدقيني بيتغير



بس سوي مثل ماقالو البنات

والله يسهل لك ويوفقك

مشكورين حبيباتي على المشاركه
بنت فلسطين

ان شاء الله بطمنك


النجم الساطع

مشكورة ياقلبي


ماقي

تعبتك ياعمري معاي بس اسلوبك رائع

ونصائحك اروع

الله يخليك لي وان شاء الله بجرب نصايحك


المهم ياصبايا انا

قررت اسوي ليله تغير الروتين وتبهر زوجي

اضغط هنا

ارجو منكم افادتي ولكم جزيل الشكر